Feykir - 19.03.2015, Qupperneq 5
11/2015 5
Sjarmerandi
veitingastaður á
sjávarkambinum
Sjávarborg opnar á Hvammstanga
UMSJÓN
Berglind Þorsteinsdóttir
Veitingastaðurinn Sjávarborg opnaði
á Hvammstanga þann 27. mars sl.
Hann er staðsettur við höfnina, á efri
hæð Selaseturs Íslands, þar sem var
sláturhús hér á árum áður en hefur
verið notað sem geymsluhúsnæði
síðustu ár. Blaðamaður Feykis rak
nefið inn á dögunum, þegar hádegis
ösin stóð sem hæst, og ræddi við
rekstaraðila staðarins, Jóhann
Albertsson og Sigríði Lárusdóttur
frá Gauksmýri.
Veitingasalurinn er stór og rúmgóður
og sjarmerandi loftbitarnir ljá honum
hlýlegt yfirbragð. „Þegar korkurinn var
rifinn af loftinu komu í ljós þessir
loftbitar og nú fá þeir að njóta sín. Það
eina sem minnir á gamla sláturhúsið
eru þessar pípur,“ segir Jóhann og
bendir á svartmálaðar pípur sem ganga
í hlykkjum á einum veggnum.
„Staðurinn er ekki alveg tilbúinn, enn
eiga eftir að koma nokkur húsgögn og
fleiri skrautmunir,“ útskýrir Sigríður.
Það var Hólmfríður Jónsdóttir arkitekt
frá Sauðárkróki sem hannaði útlit
staðarins og minnir það á hafnarlífið og
sjóinn. Steinvölum er raðað meðfram
stórum gluggum sem þekja hliðina sem
snýr að sjónum, barborðið er steypt
með grófu grjóti og yfir barnum hanga
ljósakrónur úr renndum rekavið gerðar
af Daníel Karlssyni. Fallegt útsýnið
nýtur sín þar sem horft er yfir Miðfjörð,
Heggstaðanes og Strandafjöllin.
Æðakollurnar og blikarnir busla í
fjörunni fyrir neðan og að sögn Jóhanns
og Sigríðar sjást stundum selir og
jafnvel hvalir í firðinum. Nafnið
Sjávarborg vísar í húsið Sjávarborg, eða
Möllershús, sem stóð á sjávarkambinum
þar sem síðar var byggt frystihús
Kaupfélags Vestur Húnvetninga. Húsið
var flutt þrisvar og stendur nú við
Spítalastíg en það er talið vera elsta
húsið á Hvammstanga.
Opna formlega
skömmu fyrir páska
Hjónin Jóhann og Sigríður hafa rekið
Sveitasetrið Gauksmýri um árabil, þar
hafa þau boðið upp á gistingu,
hestaleigu og rekið veitingastað við
góðan orðstír. Þegar Sveitarfélagið
Húnaþing vestra auglýsti eftir aðila til
að hafa umsjón með skólamötuneyti
fyrir Gunnskóla Húnaþings vestra,
jafnframt því að reka veitingastað á
Hvammstanga, sóttust þau eftir því og
kom það í þeirra hlut. Maturinn er
eldaður á veitingastaðnum undir
styrkri stjórn Halldóru Tryggvadóttur
og hann er fluttur í skólann þar sem
hann er framreiddur til nemenda og
starfsfólks. „Okkur fannst þetta eiga vel
saman og sáum hag í því að geta
samnýtt starfsemina sem við erum
búin að byggja upp á Gauksmýri og svo
veitingastaðinn hér, þ.e. innkaup,
starfsfólk og að geta beint fólki á milli,“
útskýrir Jóhann. Það er Kaupfélag
Vestur-Húnvetninga sem er eigandi
húsnæðisins og sá um allar breytingar
sem gerðar voru á húsinu og
fjármögnun þess.
Hjónin áforma að opna formlega
skömmu fyrir páska og hefur kokkur
verið ráðinn sem tekur til starfa í lok
mánaðarins. Fram til þessa hefur verið
boðið upp á hádegismatseðil, þann
sama og hefur verið í skólanum, og hafa
matargestir verið um 20-40 talsins. „Í
sumar verður opið frá kl. 10-22 og
eitthvað lengur um helgar. Svo verður
hitt bara að ráðast yfir veturinn,“
útskýrir Sigríður en þau gæla einnig
við þá hugmynd að bjóða upp á
tónlistaratriði á staðnum og vera með
notalega kaffihúsastemningu. Þá verð-
ur verður einnig hægt að sitja úti, beggja
vegna hússins, og virða fyrir sér
mannlífið og náttúruna.
Uppskrift af bláberjatertu
í boði Sjávarborgar er á bls. 19
Jóhann Albertsson og Sigríður Lárusdóttir. MYNDIR: BÞ