Feykir - 19.03.2015, Side 28
28 11/2015
Ný bók um íslenskt sauðfé
Haft áhuga á sauðfé
allt frá barnæsku
Fyrir skömmu kom út bók um íslenskt
sauðfé. Höfundur og útgefandi er þýsk
kona, Caroline Mende rithöfundur,
ferðaráðgjafi og hrossa- og sauðfjár-
bóndi „í smáum stíl“ sem búið hefur í
Skagafirði nokkur ár. Texti bókarinnar
er á þýsku en efni og myndir í bókina
sem eru um eitthundrað talsins, sótti
Caroline víða um land, jafnt vetur,
sumar, vor og haust. Margar þeirra tók
hún sjálf.
„Ég fékk áhuga á sauðfé sem barn heima Caroline er mikill dýravinur, hér er hún með kindunum sínum, Línu og Tildu.
í Þýskalandi þar sem nágranni okkar átti
nokkrar stórar og þægar kindur sem ég
fékk að leika mér að, notaði m.a. til reiðar
í staðinn fyrir hross. Ég komst svo í
kynni við íslensku kindina þegar ég kom
fyrst til Íslands sem vinnukona árið 1989.
Ég eignaðist svo loks land hérna í Hegra-
nesinu árið 2010 og byggði mér hús á því.
Í dag er ég með fjögur hross, fimm
kindur og einn hund.“
Caroline rak auglýsingastofu í Þýska-
landi í rúm 14 ár sem er enn til og vann
fyrir hana þótt hún byggi hér á landi. Á
síðasta ári stofnaði hún bókaforlag og
verður þetta fyrsta bók þess. En hún
hefur unnið við markaðssetningu af
ýmsu tagi síðustu ár. Meðal annars
skrifað greinar um íslenska hesta í stórt
þýskt hestatímarit. Skipulagt hestaferðir
og útreiðartúra fyrir þjóðverja með
nágrönnum sínum á Hellulandi. Einnig
hefur hún boðið uppá kynningar-
námskeið í kringum sauðfé, um ull og
mjólk og í berja- og sveppagöngutúra
ásamt matreiðslu á eftir. Sem ferða-
ráðgjafi ráðleggur hún fólki sem ætlar að
ferðast til Íslands eftir því hverju það
hefur áhuga á. Aðalmarkhópurinn eru
þýskir ferðamenn og til þeirra á bókin
einmitt að höfða.
„Ég er að dreifa henni þessa dagana og
ég stefni á að hún verði sem víðast á
ferðamannastöðum. Á Sauðárkróki fæst
hún t.d. í Skagfirðingabúð og hjá Loð-
skinni. Hún kostar 1.500 krónur sem þykir
ekki hátt verð á bók nú. Það má taka undir
að hún hentar mjög vel sem söluvara fyrir
alla sem eru með einhverja ferðaþjónustu
- einnig sem tækifærisgjöf, t.d. handa fyrr-
verandi vinnukonum eða þýskumælandi
vinum. Bókin fæst á 1200 kr. ef keyptar
verða 5 til 9, fyrir 1000 kr. frá 10 til 19 en á
einungis 850 kr. frá 20 eintökum. Fólk
getur pantað hana hjá mér í síma 865 8107
eða á netfangið saudfe@verlag-alpha-umi.
de.“ Þess má svo að lokum geta að Caroline
er þegar farin að undirbúa næstu bók – í
henni ætlar hún að fjalla um forystufé.
Peysur og jakkar frá Top Reiter
F E RM I N G ARG J A F I R
Flottar
TEXTI & MYNDIR
Örn Þórarinsson
Caroline við tölvuna heima í Nesi.