Feykir - 30.04.2015, Blaðsíða 5

16/2015 5
Dagbjört Dögg Karlsdóttir er
16 ára stúlka frá Reykjaskóla
í Hrútafirði, dóttir Karls
Birgis Örvarsonar og Halldóru
Árnadóttur. Dagbjört byrjaði
að æfa með Umf. Kormáki á
Hvammstanga 8 ára gömul
til ársins 2013. Þá flutti hún
sig yfir til KR og er „löggildur
KR-ingur“ í dag, eins og
hún segir sjálf. Dagbjört var
nýverið valin í U-16 landslið
kvenna í körfubolta og mun
keppa á Norðurlandamótinu
í Solna í Svíþjóð 13.-17. maí
næstkomandi.
Helstu íþróttaafrek: -Unnið til
verðlauna með Kormáki í körfu-
bolta og hafa verið valin í U-16
landslið kvenna í körfubolta.
Skemmtilegasta augnablikið:
-Þegar ég opnaði póstin frá Möggu
Sturlaugs landsliðsþjálfara og sá
að ég var komin í U-16 hópinn.
Neyðarlegasta atvikið: -Það fyrsta
sem kemur upp í hugann er þegar
ég var 9 ára og við fjölskyldan
vorum í flugvél á leiðinni til Spánar.
Ég þurfti á klósettið og það vildi svo
skemmtilega til að ég gleymdi að
læsa hurðinni og það kom maður
og opnaði hurðina. Veit ekki margt
neyðarlegra en þegar ég labbaði
svo aftur í sætið mitt og sá hann
aftur.
Einhver sérviska eða hjátrú? -Ég
þarf að skora í fyrsta skotinu áður
en ég byrja æfingu eða leik, þ.e.a.s
ef að ég hitti þá á mér eftir að
ganga vel og öfugt. En svo er það
líka bara hugarfarið sem skiptir
miklu máli og fara hugarfarslega
yfir leikinn áður en maður byrjar
að keppa.
Uppáhalds íþróttamaður? -Jón
Arnór Stefánsson.
Ef þú mættir velja þér andstæð-
ing, hver myndi það vera og í
hvaða grein mynduð þið spreyta
ykkur? -Mér þætti ekki leiðinlegt
að hitta Michael Jordan og fá að
taka einn „one on one“ á móti
honum í körfubolta.
Hvernig myndir þú lýsa þeirri
rimmu? -Ég myndi rústa honum.
Helsta afrek fyrir utan íþrótt-
irnar? -Úff, fyrir utan íþróttirnar? Ég
hef einu sinni unnið söngvakeppni
en annars er maður svo mikið í
íþróttunum að mér dettur bara
ekkert fleira í hug, haha.
Lífsmottó: -„Do my best, so that I
can't blame myself for anything.“
Helsta fyrirmynd í lífinu: -Foreldrar
mínir. Þau eru svo hvetjandi,
skemmtileg og bara frábært fólk.
Hvað er verið að gera þessa
dagana? -Skólinn, læra og æfa
á fullu.
Hvað er framundan? -Vonandi
gott sumar, ég fer til Reykjavíkur
í menntaskóla og svo er það NM
(Norðurlandamótið 2015) í Solna
í Svíþjóð með U-16 í maí.
Dagbjört Dögg Karlsdóttir / körfubolti
Jón Arnór í uppáhaldi
( GARPURINN ) berglind@feykir.is
Sigur í leik 2
Úrslitakeppni Dominos-deildarinnar > KR – Tindastóll
Þegar þetta er skrifað hafa
lið KR og Tindastóls mæst
þrisvar sinnum í úrslitarimmu
liðanna um Íslandsmeistara-
titillinn í körfuknattleik og
leiða Vesturbæingar einvígið
2-1. Í gærkvöldi fór fjórði
leikur liðanna fram í Síkinu á
Sauðárkróki en þá var löngu
búið að prenta Feyki. Það er
því aðeins tvennt í stöðunni;
að KR séu orðnir Íslands-
meistarar eða að Stólarnir
hafi tryggt sér oddaleik í
DHL-höllinni 2. maí kl. 16:30.
Tindastóll - KR 80-72
Annar leikur Tindastóls og KR,
sem fram fór í Síkinu á
sumardaginn fyrsta, var hreint
út sagt geggjuð skemmtun frá
upphafi til enda. Allt frá því að
Króksi kom með keppnisboltann
í hús á gamla sendilshjólinu hans
Bjarna Har og þangað til ljósin
voru slökkt í húsinu. Ja það var
rosalega gaman í Síkinu, í það
minnsta ef þú hélst með Tinda-
stólsmönnum. Með sigrinum
jöfnuðu Stólarnir einvígið 1-1.
Stólarnir komu grimmir til
baka eftir stórt tap í fyrsta leik.
Þeir voru einbeittir allan leikinn,
alltaf með sitt á hreinu og hvað er
hægt að segja um Darrel Flake?
Kappinn spilaði nánast á einari í
kvöld og -gerði allt á vellinum-
eins og Israel Martín, þjálfari
Tindastóls, sagði eftir leikinn.
Áhorfendur fylltu Síkið sem
aldrei fyrr og voru staðráðnir í
að gefa sínum mönnum allan
þann stuðning sem mögulegur
var. Og ekki veitti af.
Það var liðsheildin sem skóp
sigurinn í leiknum. Flake var
með 22 stig og sex fráköst,
skotnýtingin flott. Darrel Lewis
Og þá var kátt í Síkinu! MYND: ÓAB
Tindastóll fékk styrk
Mannvirkjasjóður KSÍ
Þann 17. apríl síðastliðinn
samþykkti stjórn Knatt-
spyrnusambands Íslands
úthlutun úr Mannvirkjasjóði
KSÍ.
Alls var úthlutað til 19
verkefna, samtals 82 milljónum
króna. Umf. Tindastóll á
Sauðárkróki fékk næsthæsta
styrkinn að þessu sinni.
Sjóðnum er ætlað að styðja
við nýframkvæmdir knatt-
spyrnumannvirkja til þess að
skapa iðkendum, stjórnendum,
áhorfendum og öðrum sem
besta aðstöðu. Tindastóll fékk
styrk sem nemur 10 milljónum
vegna framkvæmda við yfir-
byggðan gervigrasvöll. /ÓAB
Heimild: ksi.is
ÍÞRÓTTAFRÉTTIR FEYKIS >> Þú finnur fleiri íþróttafréttir á www.feykir.is
var magnaður með 26 stig, 11
fráköst og spilaði allar sekúnd-
urnar í leiknum. Pétur var með
sjö stig og átta stoðsendingar og
Helgi Viggós setti níu stig, tók
átta fráköst.
KR - Tindastóll 104-91
Þriðji leikur Tindastóls og KR í
úrslitarimmunni um Íslands-
meistaratitilinn fór fram sl.
sunnudag fyrir troðfullu húsi í
DHL-höllinni í Frostaskjóli.
Heimamenn í KR hittu á
toppleik og tóku forystuna í
einvíginu, 2-1, með öruggum
sigri. Stólarnir áttu ágætan leik,
sérstaklega í sókninni, en lentu
25 stigum undir í þriðja leikhluta
og það bil náðu þeir ekki að brúa
þó staðan hafi verið löguð undir
lokin. Lokatölur 104-91.
„Það er alveg ljóst að ef það er
spilað upp á stigaskorun þá mun
KR vinna. Við þurfum að láta
þetta snúast um varnarleikinn.
Þá eigum við möguleika. Við
erum þó að spila við besta lið
landsins. Það er KR. Í dag sáum
við bestu útgáfuna af KR,“ sagði
Israel Martín þjálfari Tindastóls
eftir leikinn.
Pétur Birgisson var bestur í
liði Tindastóls með 11 stig, hann
hirti flest fráköst Stólanna eða
fimm og átti tíu stoðsendingar.
Helgi Rafn og Lewis voru
stigahæstir Stólanna með 19 stig
og báðir voru þeir með fjögur
fráköst. Dempsey er enn frá
vegna meiðsla en hann fékk
heilahristing á æfingu fyrir fyrsta
leik liðanna og engin áhætta
tekin með kappann. /ÓAB
Algjörir meistarar!
Unglingaflokkur Tindastóls í körfubolta
Íslandsmeistarar Tindastóls í unglingaflokki. MYND: SUMARLIÐI ÁSGEIRSSON
Unglingaflokkur Tindastóls í
körfu tryggði sér Íslands-
meistaratitilinn á laugardag-
inn þegar drengirnir mættu
FSu í Stykkishólmi þar sem
leikið var til úrslita. Það má
með sanni segja að tímabilið
hafi verið fullkomið hjá Stól-
unum þar sem þeir unnu alla
sína leiki á Íslandsmótinu.
Leikurinn var jafn og
hörkuspennandi frá upphafi til
enda. Stóladrengir voru yfir í
hálfleik 46-36, FSu komu sér inn
í leikinn með seiglu í þriðja hluta
og voru einu stigi undir 56-55
eftir hann. Stólarnir voru þó
áræðnari undir lokin og upp-
skáru nauman sigur með loka-
tölurnar 74-71.
Viðar Ágústsson fékk viður-
kenningu fyrir mann leiksins
með 13 stig, 17 fráköst auk
framlagsstiga. Stigahæstir hjá
Tindastól voru Ingvi Rafn með
20 stig og Pétur Rúnar með 17
stig.
Þá má geta þess að margir
leikmanna unglingaflokks hafa
verið viðloðandi lykilmenn í
meistaraflokkslið Tindastóls
sem hefur átt svo frábæru gengi
að fagna í vetur og sumir hverjir
lykilmenn í liðinu. Það var því
ekki mikil hvíld sem strákarnir
fengu því daginn eftir þennan
strembna úrslitaleik við FSu
voru þeir mættir í DHL-höllina
til að spila við KR-inga.
/BÞ og ÓAB