Feykir - 04.05.2016, Blaðsíða 2

2 17/2016
Stundum verður manni hugsað um tímann. Tímann sem við
eyðum í vinnu, tímann sem við verjum með fjölskyldunni, í
áhugamálin og allt það sem gefur lífinu gildi – hvernig svo sem
það er metið af hverjum og einum. Íslendingar bera sig oft
saman við nágrannalönd sín og hafa annað slagið komið upp
umræður um að stytta vinnu-
vikuna á Íslandi í takt við
Danmörku, þar sem vinnuvikan
er 37 stundir á viku, meðan hún
er 40 stundir á Íslandi. Satt að
segja er mín tilfinning sú að
flestir vinni talsvert meira en 40
stundir á viku.

Félagi minn sem flutti til
Danmerkur fyrir skömmu var
tekinn á teppið í nýju vinnunni
fyrir það að vinna of mikið. Í
kjölfarið vissi hann ekki hvað hann átti af sér að gera með allan
þennan frítíma sem hann átti allt í einu. Þá átti ég nýverið samtal
við annan vin, sem var einu sinni búsettur Danmörku, og sagðist
stundum sakna daganna frá Danmerkurárunum þegar vinnu-
deginum lauk um kl. 15 og eftir voru fimm til sex góðar stundir
með fjölskyldunni á hverjum degi.
Óneitanlega væri gott að geta hægt aðeins á taktinum og notið
meira lífsins með fjölskyldunni en á sama tíma veltir maður fyrir
sér í hverju munurinn liggur á þessum samfélögum. Í grunninn
er Ísland bænda- og sjávarútvegssamfélag. Í hvoru tveggja er
mikil tarnavinna, t.d. sauðburður og vertíðir, og Íslendingar því
vanir því að bretta upp ermar og taka til hendinni þegar þörf er á.
Þá liggur fyrir að fæstar vinnur bjóða uppá minna en 100% starf,
auk þess sem erfitt getur reynst að framfleyta fjölskyldu á minna
en launum beggja foreldra, ólíkt því sem gerist í Danmörku þar
sem Danir þurfa að vinna minna til að afla sömu tekna og á
Íslandi.
Þá spyr maður sig hvers vegna er ekki hægt að framfleyta
fjölskyldunni á minni tekjum? Hvað er það sem kostar svona
mikið og þurfum við raunverulega á öllu því sem við erum að
kaupa að halda? Þá förum við yfir í aðrar pælingar um
neyslusamfélagið sem við búum í og svokallaðar gerviþarfir.
Erum við tilbúin til þess að greiða fyrir alla þessa hluti sem við
kaupum með klukkustundum úr lífi okkar? Meðallaun á Íslandi
eru 436 þúsund á mánuði (samkv. upplýsingum frá Hagstofu
Íslands 2013) og samkvæmt því er meðal Íslendingurinn að fá
um 314 þúsund í vasann. Þetta eru um 1.963 kr. á klukkustund.
Ef gera á sér glaðan dag og splæsa í pizzu fyrir fjölskylduna kostar
það um tvær klukkustundir af lífi manns, ný 66°N úlpa kostar um
46 klukkustundir af lífinu og iPhone 6 kostar um 79 klukku-
stundir. Í þessu tilfelli er reiknað með að viðkomandi sé með
nokkuð góð laun. Hið kaldhæðna er að það eina sem ekki er hægt
að kaupa eru fleiri klukkustundir við lífið.
Þetta er svosem gömul pæling og ný. Heimspekingurinn Henry
Thoreau var upptekinn af þessum sömu hugleiðingum þegar
hann ritaði bókina Walden 1854. Í henni fjallar Henry um
tímann sem hann varði í litlum kofa hjá Walden tjörn, í tvö ár, tvo
mánuði og tvo daga, þar sem hann var sjálfum sér nógur. Í
bókinni rannsakaði hann og mældi allt í tíma. Hann skoðaði til
dæmis hve lengi hann þyrfti að vinna til þess að geta keypt sér
lestarfar á milli tveggja staða og hve lengi hann yrði að ganga þar
á milli, og komst að því að það tæki hann styttri tíma að ganga.
Þegar þetta er skrifað er ég er stödd á Spáni í fríi með fjölskyldunni.
Þar sem ég greiddi fyrir flugfarið með um 65 klukkustundum af
lífi mínu ætla ég að leggja mig alla fram við að njóta þess í botn.
Með Spánarkveðjum!
Berglind Þorsteinsdóttir, ritstjóri
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Berglind Þorsteinsdóttir – berglind@feykir.is & 455 7176, 694 9199
Blaðamenn:
Kristín Sigurrós Einarsdóttir – kristin@feykir.is & 867 3164
Óli Arnar Brynjarsson – oli@feykir.is
Áskriftarverð: 530 kr. hvert tölublað með vsk. Lausasöluverð: 650 kr. með vsk.
Áskrift og dreifing: Nýprent ehf. Sími 455 7171. Umbrot og prentun: Nýprent ehf.
Óháð fréttablað á Norðurlandi vestra - alltaf á fimmtudögum
LEIÐARI
Nokkrar hugleiðingar
um tímann
Ófá handtökin við endur-
nýjað og glæsilegt húsnæði
Formleg opnun Iðju við Sæmundarhlíð
Á fimmtudag í síðustu viku fór
fram formleg opnun Iðju við
Sæmundarhlíð. Fjölmargir
komu til að skoða nýuppgert
húsnæðið, sem áður hýsti
Leikskólann Furukot, og
samglöddust með starfsfólki
og skjólstæðingum Iðju.
Í máli Stefáns Vagns
Stefánssonar, formanns byggð-
arráðs Svf. Skagafjarðar, kom
fram að þau voru ófá handtökin
við að gera húsið fínt en það
hafði staðið autt frá árinu 2010.
Framkvæmdir hófust í júní á
síðasta ári og var endanlegur
kostnaður við endurbætur
áætlaður um 50 milljónir króna.
Hann sagði að ekkert hefði
verið til sparað varðandi
Jónína segir nokkur orð við opnun Iðju við Sæmundarhlíð. MYND: BÞ
Þungur rekstur afurðastöðva
Kjötafurðastöð KS og Sláturhúsið KVH
Rekstur afurðastöðva Kjötafurðastöðvar KS
(KKS) og Sláturhúss KVH (SKVH) hefur verið
þungur undanfarin tvö ár og segja má að árið
2015 hafi verið rekstrarlega það erfiðasta um
nokkurra ára skeið. Þetta kemur fram í nýlegu
fréttabréfi KKS og SKVH.
„Það sem harðast kemur niður á rekstrinum er
samdráttur í sölu á hliðarafurðum, óhagstætt
gengi í útflutningi, hörð samkeppni á innlendum
markaði, verkfall dýralækna og nýir kjarasamn-
ingar,“ segir ennfremur í fréttabréfinu.
„Það sem mestu hefur ráðið um verðhækkanir
til bænda á undanförnum árum, er aukin verð-
mætasköpun á hliðarafurðum og hefur það ásamt
hagræðingu sem náðst hefur, skilað því að verð til
bænda hefur hækkað langt umfram það sem
verðlagning á lambakjöti hefur gert á innlendum
markaði. En nú er uppi önnur staða sem bitnað
hefur á rekstrinum undanfarin tvö ár og þá sér í
lagi síðast liðið ár,“ segir loks í fréttabréfinu, en
það má lesa í heild á heimasíðu KS. /KSE
Jarðgöng milli Siglufjarðar og Fljóta
Norðurland vestra
Þingmenn Norðausturkjör-
dæmis hafa lagt fram tillögu til
þingsályktunar um jarðgöng
milli Siglufjarðar og Fljóta
Annars vegar vegar eru lögð
til gerð 4,7 km langra jarðganga
frá Hólsdal í Siglufirði yfir í
Nautadal í Fljótum og gerð
u.þ.b. 5 km langs vegar til að
tengjast núverandi vegakerfi.
Hins vegar 6,1 km löng göng frá
Skarðsdal yfir að Hrauni í
Fljótum. Með hvorri leið mundi
vegurinn frá Ketilási í Fljótum
til Siglufjarðar styttast um
rúmlega helming eða um 15
km.
„Alþingi ályktar að fela
innanríkisráðherra að hefja
vinnu við nauðsynlegar rann-
sóknir og frumhönnun á jarð-
göngum milli Siglufjarðar og
Fljóta. Ráðherra skili Alþingi
skýrslu með niðurstöðum rann-
sókna fyrir árslok 2018,“ segir
m.a. í tillögunni.
Í greinargerð með tillögunni
segir m.a. að með stóraukinni
umferð um Siglufjörð með
tilkomu Héðinsfjarðarganga og
sífelldu jarðsigi á Siglufjarðar-
vegi um Almenninga og mjög
tíðum aur- og snjóflóðum á
ströndinni út frá Siglufirði að
Strákagöngum sé fullljóst að
framtíðarvegtenging frá Siglu-
firði í vesturátt verði best tryggð
með gerð jarðganga milli Siglu-
fjarðar og Fljóta. /KSE
aðgengi og hefur hönnun og
framkvæmd verið unnin í nánu
samráði við notendur hús-
næðisins.
Húsið hefur verið algjörlega
endurnýjað; ný aðkoma og hluti
af lóð lagfærð, rafmagnslagn-
ir, hita- og neysluvatnslagnir
endurnýjaðar, miðrými opnað,
hiti í gólfum að stórum hluta og
snjóbræðsla í stétt, ný gólfefni
og nýjar loftaklæðningar. Stefán
hafði fengið spurnir af því að
fjarlægja þurfti ótal hefti úr
eldri loftklæðningu og var það
ærið verk. Hann spurði Eirík
Pétursson hjá Eignarsjóði Svf.
Skagafjarðar, sem hafði umsjón
með verkinu, hve mörg þau
hefðu verið. Eiríkur svaraði að
þau hefðu verið hvorki fleiri né
færri en 15 þúsund talsins.
Við tilefnið framkvæmdi
Jónína Gunnarsdóttir forstöðu-
maður Iðju táknrænan gjörn-
ing. Saumaður hafði verið
litríkur taupoki til að fanga
títtnefndan góðan anda, sem
ríkt hefur í Iðju við Aðalgötu, og
við mikinn fögnuð viðstaddra
var honum sleppt í hinu nýja
húsnæði /BÞ