Feykir - 04.05.2016, Blaðsíða 12
Ertu með fréttaskot, mynd eða
annað skemmtilegt efni í Feyki?
Hafðu samband. Síminn er 455 7176
og netfangið feykir@feykir.is
17
TBL
4. maí 2016 36. árgangur
Frétta- og dægurmálablað á Norðurlandi vestra : Stofnað 1981
Nú mætti sumarið koma fyrir mér...
Álft í vetrarhreiðri
Meðfylgjandi mynd tók Róbert Daníel Jónsson við
Hnausakvísl og birti á fésbókarsíðu sinni í gær. „Það er
frekar sorglegt að sjá álftina við Hnausahvísl með
vængi útbreidda til að verja eggin sín fyrir slagviðrinu
sem gengur núna yfir. Hún er búin að liggja á hreiðrinu
núna nálægt þrem vikum en álftir liggja á eggjum í 34
- 35 daga,“ segir Róbert. /KSE
560 VARMAHLÍÐ & 453 8888
www.velaval.is
Verið velkomin
VIÐ ERUM Í ALFARALEIÐ!
FÓÐUR FYRIR
ALLAN BÚPENING!
Fínasta Sæluvikustemning í Síkinu
Árið er – Lögin sem lifa
Það var vel lagt í stórviðburð Sæluvikunnar að
þessu sinni en Viðburðaríkt, með Áskel Heiðar og
Sigurlaugu Vordísi í fararbroddi, stóð fyrir uppsetn-
ingu á tónlistarveislunni Árið er – Lögin sem lifa í
íþróttahúsinu á Sauðárkróki nú á föstudagskvöldið.
Í boði var fjölbreyttur skammtur af vel þekktum
dægurlögum frá síðustu fjórum áratugum og voru
söngvarar í miklu stuði, umgjörðin stórkostleg og
sannkölluð Sæluvikustemning ríkti í Síkinu.
Stórhljómsveit hússins með Magna Ásgeirs í farar-
broddi var öryggið uppmálað og söngvarar fóru á
miklum kostum, studdir öflugum bakröddum þegar
það átti við. Rúllað var í gegnum vel á þriðja tug laga og
hitnaði vel í kolunum þegar leið á kvöldið. Söngvarar
kvöldsins voru Magni Ásgeirs, Sigga Beinteins, Sigga
Thorlacius, Ellert Jóhanns, Sigvaldi Gunnars, Bergrún
Sóla og Malen Áskelsdætur Heiðars og Völu Báru,
Sigurlaug Vordís og ekki síst Róbert bakari Óttarsson.
Umgjörð tónleikanna var stórglæsileg. Króksararnir
og bræðurnir, Adam Smári og Agnar Hermannssynir,
höfðu veg og vanda af sviðsmynd og hljóði og ljósasjó
þeirra var geðveikt flott og einkar vel hannað. Hljóð var
pottþétt og þá voru myndskeið, frásögn og viðtöl, sem
birt voru á tveimur risatjöldum sitt hvorum megin við
sviðið, skemmtileg og vel heppnuð tenging milli laga.
Innslögin voru unnin af þeim sömu og færðu okkur
útvarps- og sjónvarpsþættina Árið er. /ÓAB
Myndir: Pétur Ingi og Óli Arnar > Nánar á Feykir.is