Feykir - 04.05.2016, Blaðsíða 8

8 17/2016
pakki, skjaldkirtilinn og bletta-
skallinn og veikindin á með-
göngunum,“ segir Bylgja. Hún
bætir því við að það hafi verið
mikill léttir að mæta skilningi
annarra kvenna sem hafa
svipaða reynslu.
Bylgja segist alltaf hafa fengið
mikinn stuðning frá sínum
nánustu. „Mamma er náttúru-
lega búin að standa með mér
allan tímann, fara með mér til
lækna og reyna allt sem hún
getur. Systur mínar hlaupa til ef
það er eitthvað og Hjörvar fylgir
mér í nánast allar lækna-
heimsóknir og aðstoðar mig
þegar ég er í verstu köstunum.
Þau eru alltaf til staðar, og bara
öll fjölskyldan, þau hafa gengið í
gegnum þetta með mér, það er
ömurlegt fyrir aðstandendur að
horfa upp á mann í þessu
ástandi“ segir Bylgja þakklát.
Hún segist finna að matarræði
skipti miklu máli sem og álag.
Þannig hafi hún til dæmis lagst í
rúmið eftir brúðkaup þeirra
hjóna á síðasta ári. „Ég kem mér
alltaf í gegnum allt og yfirleitt er
mikið að gera hjá mér. En svo
kemur þetta eftir á, þegar verður
spennufall, þá byrja verkirnir
oft.“
Þrátt fyrir allt segist Bylgja ná
að stunda sína vinnu. „Ég hef
held ég aldrei hringt mig inn
veika út af endómetríósunni,
sem er bara afrek, en ég er
náttúrulega mjög þrjósk. En ég
hef einu sinni verið send heim.
Þá var ég bara mjög slæm og allir
sáu það að ég var mjög verkjuð.
En ég hef alltaf látið mig hafa það
en fæ það líka í bakið þegar ég
kem heim. Núna er ég búin að
vera í seinni Zoladex meðferð-
inni en ef ég hefði ekki farið á
hana þá er ég ekkert viss um að
ég væri að vinna,“ segir hún.
Vonast eftir að
greiningarferlið styttist
Bylgja fagnar aukinni umræðu
um endómetríósu. „ Þetta hefur
verið svo mikið feimnismál og
frekar ógeðfellt að tala um
blæðingar. Mér fannst það alveg
líka en þegar ég kynntist sam-
tökunum var ég staðráðin í því
að það væri einhver tilgangur
með því að ég væri að ganga í
gegnum þetta. Ég vil reyna eins
og ég get að fræða aðra um þetta.
Það er ekki eðlilegt að þurfa að
ganga í gegnum svona kvalir.“
Í fyrstu segist hún hafa
aðstoðað samtökin og frætt þá
sem hún hitti, t.d. með því að
dreifa bæklingum. „En í vor,
þegar ég fékk að vita að legnám
væri eini kosturinn fyrir mig og
það væri næsta skref, þá hugsaði
ég: „Af hverju bara að halda
þessu fyrir mig?“ Ég ákvað að ef
aðrir væru að ganga í gegnum
þetta og það hjálpaði einhverjum
að lesa um það sem að ég er búin
að ganga í gegnum, þá væri það
þess virði. Mér fannst þetta alltaf
vera eins og ég væri að leita eftir
einhverri vorkunn og ég vil það
ekki, ég er aðeins of mikill nagli í
eitthvað svoleiðis.“ Bylgja vísar
þarna til stöðufærslna á fés-
bókarsíðu sinni, sem vakið hafa
athygli og urðu raunar kveikjan
að þessu viðtali. Hún segist hafa
fengið mikil og jákvæð viðbrögð
og oft fá spurningar frá konum
sem hafa svipaða upplifun og sér
þyki vænt um það.
Bylgja segist einnig vonast til
að aukin fræðsla verði til þess að
greiningarferli endómetríósu
styttist. Aðspurð um hvort hún
sé reið yfir hve langan tíma tók
að greina hennar veikindi segir
hún að slíkt hjálpi ekki. „Ég varð
reyndar alveg brjáluð þegar ég
varð svona veik út af skjald-
kirtlinum og lét í mér heyra. Það
var bara svo hryllilegt að ganga í
gegnum þau veikindi og ég var
ekki sátt, en læknirinn minn
náði mér ofan af þessari reiði.
Það hjálpar engum að vera
reiður. Maður hugsar auðvitað
oft: „Af hverju ég?“ En ég myndi
aldrei óska einhverjum öðrum
að ganga í gegnum þetta. Ég
held að ég eigi að gera eitthvað
með þetta, fræða aðra og slíkt,
það er einhver ástæða fyrir að ég
var valin. Ég horfi þannig á það,“
segir Bylgja að lokum.
Bylgja og Hjörvar árið 2014. MYND: ÚR EINKASAFNI
Hvernig nemandi varstu? Senni-
lega í skárra meðallagi.
Hvað er eftirminnilegast frá
fermingardeginum? Eftir á að
hyggja hinn trúarlegi tvískinnungur
sem einkennir gjörninginn fyrr og
síðar.
Hvað ætlaðir þú að verða þegar
þú yrðir stór? Ungur drengur
undirbjó, / í anda glæstra vona, /
hitt og annað hygg ég þó, / ég hafi
endað svona.
Hvað var uppáhalds leikfangið
þitt þegar þú varst krakki? Ætli
Legokubbarnir skori ekki hæst
þegar allt er talið.
Besti ilmurinn? Þetta er auðvitað
frámunalega klisjukennt, en angan
af vori kemur fyrst upp í hugann.
Hvaða lag er líklegast að þú
takir í kareókí? Það er bara alls
ekkert líklegt í þessu samhengi!
Hverju missirðu helst ekki af í
sjónvarpinu? Svo sem engu en ég
neita ekki að hafa ansi gaman af
House of Cards.
Hvaða íþróttamanni hefurðu
mestar mætur á? Nú hef ég bara
öngvar sérstakar mætur á slíkum
umfram öðrum tvífætlingum.
Hvað gerir þú betur en allir aðrir
á þínu heimili? Segja til.
Hvert er snilldarverkið þitt í
eldhúsinu? Uppvask.
Hættulegasta helgarnammið?
Lakkrísinn.
Hvernig er eggið best? Nýorpið
og linsoðið.
Hvað fer mest í taugarnar á þér
í fari þínu? Gæti mögulega verið
þvermóðska sem ég hef heyrt
gefið í skyn að eigi það til að
skjóta upp kollinum stöku sinnum.
Hvað fer mest í taugarnar á
þér í fari annarra? Tvöfeldni,
tvískinnungur og ósanngirini.
Uppáhalds málsháttur eða
tilvitnun? „...nóttlaus voraldar
veröld...”
Hver er elsta minningin sem þú
átt? Ég er nú ekki sá minnugasti
sko...
Hvaða teiknimyndapersóna
höfðar mest til þín? Gæti verið
garmurinn hann Garfield.
Hvaða fræga manneskja mundir
( RABB-A-BABB ) oli@feykir.is
Einar Kolbeins
NAFN: Einar Kolbeinsson.
ÁRGANGUR: 1973.
FJÖLSKYLDUHAGIR: Sam- og fjarbúð með Emblu Eir Oddsdóttur,
forstöðumanni Norðurslóðanets Íslands á Akureyri. Við eigum
samtals fjögur börn, tvo uppkomna og tvær á hraðri uppleið.
BÚSETA: Bólstaðarhlíð.
HVERRA MANNA ERTU OG HVAR UPP ALINN: Sonur Kolbeins Erlendssonar
og Sólveigar Ingu Friðriksdóttur í Bólstaðarhlíð hvar ég var
fóstraður frá fyrstu tíð. Föðurfólk Húnvetningar og Skagfirðingar
en móðurfólk að mestu skagfirskt.
STARF / NÁM: Sjálfstætt starfandi. BA í samfélags- og hagþróunar-
fræði frá HA og MBA í viðskiptafræði frá HÍ.
HVAÐ ER Í DEIGLUNNI: Byggja upp fyrirtækið og vörumerkið Heima-
fengið utan um ferðaþjónustu og matvælavinnslu.

þú helst vilja vera? Þó af aurum
ætti gnægð, / af íhaldssömum
vana, / síst ég myndi fagna frægð,
/ fjandinn má eiga hana.
Hver er uppáhalds bókin þín og/
eða rithöfundur? Vonlaust að
nefna eina bók eða einn höfund.
Hver var mikilvægasta persóna
síðustu 100 ára að þínu mati?
Ég er almennt séð á móti því að
hefja fólk á stall eða setja einn
hærra en annan. Sagan sýnir að
slíkt er oft ekki verðskuldað, við
erum öll mikilvæg á einn eða
annan hátt.
Ef þú gætir farið til baka í tímann,
hvert færirðu? Það væri eflaust
afar áhugavert að kíkja stuttlega
við hjá hugvits- og listamanninum
Leonardo da Vinci og fylgjast með
honum uppgötva, smíða og skapa
allskonar ólíkindaverk.
Hver væri titillinn á ævisögu
þinni? Hlyti að verða: „Í óþökk
hans sjálfs.“
Framlenging:
Ef þú gætir hoppað upp í flugvél
og réðir hvert hún færi, þá
færirðu... til Tuvalu.
Nefndu eitthvað þrennt sem þér
finnst þú mega til að gera áður
en þú gefur upp öndina: Sjá
afkomendurna okkar komast til
fullorðinsára og ná fótfestu þar
sem þeim líður sannarlega vel,
ferðast til framandi staða og sjá
miklu meira af heiminum og ná
nokkrum tilteknum persónulegum
markmiðum.
Einar Kolbeins ásamt Ölmu dóttur sinni. MYND: ÚR EINKASAFNI