Feykir - 02.12.2010, Blaðsíða 9

45/2010 Feykir 9
Við byrjuðum ferðina á því
að fara suður með Mona
skólabílstjóra sunnudaginn
24. okt og gista eina nótt í
Myllubakkaskóla í Keflavík
þar sem við áttum flug til
Danmerkur snemma um
morguninn. Vegna mikils
spennings gátum við eiginlega
ekkert sofið, svo spennt vorum
við.
Mánudagur
Strax um morguninn kl. 6
fórum við á flugvöllinn. Það
var miklill spenningur þegar
flugvélin tókst á loft, því að þetta
var fyrsta ferð til útlanda hjá
nokkrum í hópnum. Þegar við
lentum í Kaupmannahöfn tók
Kristian kennari í Kerteminde
skóla á móti okkur. Hann
sýndi okkur borgina, við sáum
m.a. vaktaskipti hjá lífvörðum
drottningar. Um kvöldið tókum
við lest til Óðinsvé en misstum
af rútunni til Kerteminde,
þannig að „foreldrar“ hvers
og eins þurftu að ná í okkur til
Óðinsvé. Við biðum eftir þeim
á rútustoppistöðinni. Þegar
við komum til Kerteminde og
í okkar hús þá var dagurinn
orðinn mjög langur, flestir
fengu sér smá hressingu og fóru
svo að sofa.
og sáum hús H.C. Andersen,
fórum síðan í kirkjuna og sáum
látinn konung og bróður hans.
Í lokin þá fengum við smá tíma
til að versla í Óðinsvé. Þegar
komið var aftur til Kerteminde
fórum við heim með okkar
nemanda og flestir fengu sér að
borða og fóru svo að sofa.
Fimmtudagur
Í skólanum var okkur skipt
í hópa og hver og einn gerði
eineltisverkefni með hópnum
sínum. Verkefnið gekk út á að
útbúa herferð gegn einelti þar
sem m.a. var sett upp forsíða
á unglingatímariti, skrifuð
vandamálagrein sem einnig
var svöruð af ritstjóra og talin
upp fimm atriði sem gætu bætt
almenna vellíðan ungs fólk.
Síðan fórum við á víkingasafn
og skoðuðum gamalt skip o.fl.
Fram að kvöldmat var frjáls
tími. Kvöldmaturinn var niðri
í skólanum og allir foreldrar
og nemendur úr bekknum
komu. Hver fjöldskylda kom
með mat og meðlæti og setti
á sameiginlegt borð þar sem
allir gátu fengið sér. Veitt
voru verðlaun fyrir bestu
eineltisherferðina. Skólarnir
okkar gerðu kynningarmynd-
bönd áður en við fórum út
og voru þau sýnd þetta kvöld,
kynningarmyndböndin sýndu
m.a. nemendur í leik og starfi,
bakgrunn þeirra og samfélag.
Alexandra Chernyshova tók
síðan nokkur lög og allir döns-
uðu. Síðan fór hver heim til
sinnar fjölskyldu.
Föstudagur
Allir krakkarnir hittust
á rútustoppistöðinni um
morguninn, og þar kvöddum
við Danina. Við tókum svo
rútu til Óðinsvé og þaðan
lest til Kaupmannahafnar á
flugvöllinn. Því næst tókum
flugið heim til Íslands. Í
Leifsstöð beið Ella skólabílstjóri
eftir okkur og keyrði okkur að
lokum heim í Skagafjörðinn.
Fyrir hönd skólanna tveggja,
Jón Hilmarsson skólastjóri
Grunnskólans austan Vatna
og Alexandra Chernyshova
skólastjóri Söngskóla
Alexöndru.
Þriðjudagur
Daginn eftir hittumst við í
Kerteminde skóla kl.8 og fórum
í hópeflis leiki og ýmis verkefni.
Skólinn er lýðveldisskóli og
krakkarnir gengu í útifötum og
skónum inni. Þau máttu fara í
búðina í frímínútum og koma
með nammi eða gos í tíma.
Flestir af okkur komu með nesti
til að borða í hádeginu sem við
fengum hjá fjölskyldunum.
Eftir hádegismatinn fórum
við á Sjávarminjasafnið og
sáum sýningu þar sem selir og
höfrungar léku listir sínar. Eftir
það fóru allir heim með sínum
nemanda. Flestir úr hópnum
hittust á pitsastaðnum eftir
skóla en sumir fóru að versla.
Miðvikudagur
Um morguninn lærðum við
danskt lag og dönsku krakkarnir
íslenskt lag síðan sungum við öll
saman. Svo fórum við í íþróttir
í skólanum. Eftir hádegi fórum
við með rútu til Óðinsvé og
byrjuðum í dýragagarðinum.
Þar sáum við fullt af dýrum.
Eftir það gengum við niður í bæ
Ævintýraferð 8. bekkinga Grunnskólans austan Vatna og
Söngskólanemenda til Danmerkur
Danmörk!
Grunnskólinn austan Vatna og Söngskóli Alexöndru eru í alþjóðlegu samstarfi við þrjá aðra
skóla í vetur. Þessir skólar eru frá Eistlandi, Lettlandi og Danmörku. Verkefnið er styrkt af
Nordplus styrkjakerfinu og stendur yfir í eitt ár. Verkefnið gengur út á heilbrigðan lífsstíl
með mismunandi nálgun í hverri heimsókn. Nú þegar hafa nemendur frá Danmörku
heimsótt nemendur í Eistlandi og Lettlandi, nemendur í 8. bekk Grunnskólans Hofsósi og
Söngskólanemendur Alexöndru heimsóttu Danmörku, Kerteminde á Fjóni, í lok október. Í
Danmörku var áherslan lögð á einelti og vellíðan nemenda, á þetta viðfangsefni vel við þar
sem að Grunnskólinn austan Vatna var að innleiða eineltisáætlun Olweus inn í starf
skólans í haust. Fararstjórar voru þau Bjarki Már Árnason og Elsa Stefánsdóttir frá
Grunnskólanum Hofsósi og Alexandra Chernyshova frá Söngskólanum. Verkefninu lýkur
síðan með heimsókn nemenda Eistlands og Lettlands til Íslands í maí á næsta ári. Þá
verður lögð áhersla á skagfirsku matarkistuna og útiveru.
Tveir nemendur, þær Lovísa Helga og Stella Dröfn, í 8. bekk settu saman ferðasögu um
Danmerkurferðina.
Íslensku og dönsku nemendurnir sem tóku þátt í verkefninu ásamt kennurunum sínum. Í hópavinnu.
Krakkarnir unnu margvísleg verkefni á meðan á dvölinni stóð.
Áhugasemi og virkni einkenndi hópinn.
Síðan var farið í bæinn að skoða.