Feykir - 02.12.2010, Blaðsíða 11

45/2010 Feykir 11

( MATGÆÐINGAR VIKUNNAR )
Brynjar og Sunna kokka
Góðar uppskriftir
á aðventunni
Piri piri kjúklingur
hrísgrjónasalat og naan brauð
- fyrir fjóra
4 kjúklingabringur
Piri piri olía frá Pottagöldrum
Hrísgrjónasalat
2 bollar hrísgrjón soðin
skv. leiðbeiningum
1 dós grænt pestó (ekki öll
notuð, smakkað til)
1 blaðlaukur
1 græn paprika
1 rauð paprika
1 dós fetaostur
1/4 dós gular baunir
Kjúklingur lagður í olíu í
klukkutíma fyrir matreiðslu,
eldaður í ofni við 180° í 40-45
mín.
Hrísgrjón soðin, pestó hrært
saman við á meðan grjónin eru
heit (blandast betur svoleiðis).
Grjónin svo kæld, grænmeti
skorið smátt og bætt út í (gott er að
grilla blaðlaukinn og paprikuna í
ofni áður en ekki nauðsynlegt).
Loks er feta osturinn og baunirn-
ar settar út í og öllu hrært vel
saman. Betra er að búa salatið til
með nokkurra tíma fyrirvara.
Naan brauð
250 gr. hveiti
1 tsk. lyftiduft
2 msk. hrein jógúrt
1 tsk. salt
110-120 ml. vatn
Öllu blandað saman en vatnið
er sett síðast, hnoðað létt og látið
jafna sig í 1 klst. með rökum klút
yfir. Mótað í litlar kúlur og rúllað
þunnt út. Bakið brauðin undir
grilli eða steikið á pönnu. Gott
að bera hvítlauksolíu á þau eftir
steikingu.
Íssamloka
Brownies með ís á milli
115 gr. súkkulaði
115 gr. smjör
Þessa vikuna eru það Brynjar Bjarkason og Sunna Hólm
Kristjánsdóttir sem eru matgæðingar vikunnar og bjóða upp
á piri piri kjúkling, naan brauð og íssamloku.
Þau Brynjar og Sunna fluttu á Blönduós árið 2009 en hann vinnur
á sambýlinu á Blönduósi og hún er á greiðslustofu Vinnumála-
stofnunnar á Skagaströnd. Brynjar er fæddur og uppalinn á
Blönduósi á en Sunna er úr Reykjavík.
-Íssamlokan er mikil sprengja og er mælt með að borða hana
ekki alveg strax á eftir aðalrétt. Annars er þetta matur sem ætti að
vera við flestra hæfi, og er mælt sérstaklega með hrísgrjónasalatinu
sem vekur yfirleitt mikla lukku í matarboðum, segja matgæðingarnir
sem skora á Hólmar og Guðrúnu að koma næst með eitthvað gott í
gogginn. -Það er alveg öruggt að þau luma á einhverju ljúffengu.
3 stk. egg
200 gr. sykur
1/2 tsk. vanilludropar
Salt
140 gr. hveiti
Ofninn hitaður í 180°. Súkkulaði
og smjör brætt saman í vatnsbaði.
Egg, sykur, vanilludropar og salt
þeytt saman þar til létt og ljóst.
Súkkulaðinu hellt út í á meðan
hrært er varlega.
Þetta magn sett í 33x23 cm
form sem hefur verið klætt með
smjörpappír. Kakan bökuð í 30
mín. Tekin úr forminu og látin
kólna.
Skorin í tvo hluta, ís að eigin
vali (vanillan kemur best út)
smurður yfir annan hlutann og
hinn lagður yfir.
Ágætt að hafa sósu úr uppá-
halds súkkulaðinu sínu með t.d.
Toblerone.
Toblerone og rjómi þá hitað
saman við vægan hita.
Verði ykkur að góðu!

Heilir og sælir lesendur góðir.
Er ég fer að leggja drög að þessum þætti,
laugardagskvöldið 20. nóvember, tek ég
eftir því að útiljósin hjá bænum eru orðin
fjögur. Bæst hefur við blindfullur máni.
Svo mun einnig hafa verið er Þorfinnur
Jónsson orti þessa.
Máninn syndir, sólar dís
seig í yndis veldi.
Í fjarska tindur fjallsins rís
fögur mynd að kveldi.
Önnur hringhent vetrarvísa kemur hér
eftir Þorfinn.
Loftsins höllin björt á brá
blákringd fjöll má líta.
Streymir mjöllin eins og á
yfir völlinn hvíta.
Sá góði drengur Kristján Hjartarson
á Skagaströnd mun eitt sinn hafa ort
þessa.
Það er komin fönn í fjöll
fer að kaldur vetur.
Á sumarblómin bráðum öll
bleika litinn setur.
Önnur ágæt vísa kemur hér eftir
Kristján.
Margt nær yndið ærið skammt
árin sporið þyngja.
Aldrei get ég glatað samt
gleðinni af að syngja.
Að lokum þessi fagra sýn frá Kristjáni.
Vígi á sér vonin bjarta
varla skortir hana yl.
Meðan elur húnvetnskt hjarta
heita þrá og finnur til.
Gott fyrir okkur í nútímanum ef gætum
ort svo fallega.
Sá snjalli hagyrðingur Ingþór Sigur-
björnsson mun eitt sinn hafa ort þessa.
Stakan á sinn undramátt
ólíkt fléttar saman.
Oft mér hefur efni smátt
aukið stundargaman.
Önnur vísa kemur hér eftir Ingþór.
Stundarkæti og kynningar
að kvæðamanna lögum.
Margir eiga minningar
mætar frá þeim dögum.
Einhverju sinni fann Ingþór húslykil á
götu í Reykjavík sem var merktur með
nafninu Ásta. Eftir að hafa virt gripinn
fyrir sér nokkra stund varð þessi til.
Sumir vilja sitt á hvað
sínu jafnan ota.
En þennan lykil Ástu að
ekki vil ég nota.
Vísnaþáttur 535
Mig minnir að það hafi verið í þá daga,
þingmaður Vestur-Húnvetninga, Skúli
Guðmundsson var og hét, að hann sá
bónda sunnlenskan leiða kú á milli bæja.
Hafði sá lagt hnakk sinn á kúna. Skúli
orti.
Það var skrýtið sem ég sá
hjá sunnlendingum núna.
Þegar þeim liggur lífið á
leggja þeir hnakk á kúna.
Þórhildur Sveinsdóttir ættuð frá Hóli hér
í dalnum svarta, frétti eitt sinn af manni
sem gaf nokkra fjárhæð til byggingar
kirkju. Mun hún af því tilefni hafa ort
svo.
Halldór nálgast háttamál
halla tekur degi.
Gefur fyrir sinni sál
svo hún glatist eigi.
Vonandi hef ég oft dásamað í þessum
þáttum snillinginn Ágúst Sigfússon sem
einnig var kallaður hér í sveitum Villu-
Gústi. Hrökk allt í einu í minn haus þessi
magnaða vísa eftir Ágúst.
Þó að sindur biturs böls
bera um tinda streymi.
Ég frá lindum ástar öls
unaðs myndir geymi.

Glöggir lesendur sjá að þarna slær Gústi
enn eitt met í gerð hringhendu. Skal
undirritaður játa að orðið sindur sem
er rímorð hringhendunnar í fyrstu línu
er mér óþekkt. Gaman að þekkja og
skilja slíka meiningu fyrir þá sem geta
sett saman góðar vísur. Alltaf gaman að
rifja upp hringhendur. Held að Kristján
Sigurðsson á Brúsastöðum í Vatnsdal
hafi ort þessa.
Fjarri ama ástin grær
og að framans hætti.
Leika saman ljós og blær
lífsins gaman þætti.
Það er huggun harmi gegn í þessu
svartasta skammdegi, að stundum
skartar það rósum. Svo vissi Guðrún
Árnadóttir frá Oddsstöðum er hún yrkir
svo.
Rósir skarta rúðum á
röðull bjartur sefur.
Dagsins hjarta hljóðnar þá
húmið svarta vefur.
Stolt okkar nú, að enda með annarri
snilldar vísu eftir Guðrúnu, sem ort er á
vetrarnóttu.
Stari ég hljóð í rökkrið rótt
reika á slóðum þínum.
Veittu góða vetrarnótt
vængi ljóðum mínum.
( GUÐMUNDUR VALTÝSSON )
Verið þar með
sæl að sinni.
Guðmundur
Valtýsson
Eiríksstöðum
541 Blönduósi
Sími 452 7154