Feykir - 01.06.2011, Side 7

21/2011 Feykir 7
ekkert endilega svo bundin
af því að fara alltaf á sama
tíma. Eins getum við flýtt fyrir
okkur og komist upp með að
gera bara það nauðsynlegasta
ef svo ber undir. Það þarf því
ekki lengur að miða allar sínar
ferðir við fjósatíma líkt og
áður fyrr. Ekki það að maður
getur ekki verið erlendis með
tölvuna eins og sumir halda
en það er hægt að fara í burtu
og hringja þá í nágranna ef
róbótinn hringir.“ Pálmi segir
að mun auðveldara sé að fá
afleysingu í dag en áður enda
sé hægt að gefa fyrirmælin
skriflega og í tölvunni.
„Afleysingamaðurinn þarf að
hafa öðru vísi þekkingu í dag
en áður, áður þurfti hann að
kunna á allar kýrnar í fjósinu,
fóðurgjöf, mjólkurupplýsingar
og annað sem í dag er geymt
í tölvu,“ útskýrir Pálmi og
blaðamanni verður hugsað
til þeirra frábæru tækni sem
róbótinn er. Ekki mikið að
læra utanbókar fyrir þessa
afleysingu. En kannski þeim
mun meira mál að læra á
græjurnar sem eru ófáar í
fjósinu.
Í Garðakoti eru 65 mjólk-
andi kýr og segir Pálmi að
það sé það mesta sem þau
hafi verið með en þó séu
þó nokkrar kýr í geldstöðu.
Mjólkurkvótinn er upp á
300.000 lítra en Pálmi segir að
ef vel ætti að vera þyrftu þau
að hafa 100.000 lítra í viðbót.
„Ef við ættum að fullnýta
bygginguna þyrfti kvótinn að
vera þetta meiri. Það er hins
vegar ekki svo auðvelt að næla
í meiri kvóta. Ekki það að ég
hef ekki kynnt mér þessar
nýju reglur um kvótamarkað
og veit ekki hvernig hann
virkar en ég hef trú á að þó
eigi kvótinn heldur eftir að
lækka með þessari söluaðferð.
Hér áður gátu menn talað
kvótaverð upp úr öllu valdi
en ég er ekki vissum að það
sé svo auðvelt í dag. En það
þarf töluverða peninga til þess
að kaupa meiri kvóta en það
verður vonandi léttara núna en
það var áður.“ Eins og staðan
er í dag veltir búið tveimur
stöðugildum en þó vinnur
Pálmi að hluta til utan bús
með sölu á hreinlætisvörum
fyrir heimili, fyrirtæki og
landbúnað frá fyrirtækinu
Evans. „Þaðan fæ ég mínar
tekjur í dag. Ég fer víða og
sel bæði hér í Skagafirði í
Húnavatnssýslum svo og nú
einnig í Eyjafjörðinn. Þetta er
lifandi og skemmtilegt starf
að fara svona á milli og hitta
fólk, segir Pálmi sem er mjög
félagslyndur maður.
Hann er í stjórn Hvells, auk
þess að vera virkur í Kiwanis.
„Annars eru félagsmál ekki
nema svipur hjá sjón miðað
við það sem var hér áður,
ég veit ekki hverju veldur
en þetta held ég að gangi í
bylgjum eins og allt annað. Nú
er niðursveifla en það á eftir
að breytast.
Æi ég veit ekki með
þessar reglur
Það er farið að líða á þann
tíma sem hægt er að draga
menn frá vinnu sinni en ég get
ekki yfirgefið fjósið án þess
að spyrja Pálma út í útivist
kúa. „Nú veit ég ekki alveg
hvernig ég á að svara þér.
Þessar reglur eru svo vitlausar
að það er varla hægt að ræða
þær. Miðað við fjós eins og
okkar þar sem kýrnar eru í
lausagöngu allt árið, hafa feyki
gott pláss bæði sól og birtu hér
inni og góða loftræstingu, þá
veit ég ekki hversu nauðsynleg
útivistin er. Við settum okkar
kýr út í fyrra, girtum hér og
höfðum fjósið opið og flestar
fóru þær nú út, en það voru
einhverjar sem aldrei vildi fara
út úr fjósinu. Á þessum tíma
sem þær voru úti minnkaði
nytin um 7000 lítra. Sumar
voru að fá sólbruna á júgrin
Kántrýsetur opnað í Kántrýbæ
Til heiðurs
Hallbirni
Um Hvítasunnuna verður
opnað Kántrýsetur í
Kántrýbæ á Skagaströnd.
Þar verður ævintýraleg og
óvenjuleg saga Hallbjörns
Hjartarsonar til sýnis, allt frá
fæðingu fram á þennan dag.
Saga sem hófst í líkhúsinu á
Blönduósi því Hallbjörn var
talinn andvana við fæðingu.
Hann hafði hins vegar einsett
sér að lifa og eins og þeir vita
sem þekkja hann heldur hann
alltaf sínu striki, hvað sem
hver segir. Ótal margir hafa
hrist höfuðið yfir uppátækjum
hans, allt frá því hann var barn
en sjálfur segist hann alltaf
hafa haft sína vitleysu á þurru,
ólíkt mörgum og draumur
hans um að gera Skagaströnd
að eftirsóknarverðum ferða-
mannastað hefur sannarlega
ræst.
Formleg opnun setursins
verður laugardaginn 11.
júní og af því tilefni hefur
Magnús Kjartansson búið til
heiðurshljómsveit Hallbjörns
Hjartarssonar með söngvar-
ana Björgvin Halldórsson,
Selmu Björnsdóttur og Heiðu
Ólafsdóttur í fararbroddi.
Hljómsveitin mun halda
tónleika í Kántrýbæ og slá svo
upp sannkölluðu kántrýballi
að hætti kúreka norðursins.
Hugmyndin um Kántrý-
setur er ekki ný af nálinni
en er nú loks að verða að
veruleika. Það eru núverandi
rekstraraðilar Kántríbæjar, þau
Gunnar Sveinn Halldórsson
og Svenny H. Hallbjörnsdóttir
(Hjartarsonar) sem standa
að setrinu með stuðningi
Menningarráðs Norðurlands
vestra og Minningarsjóðs um
hjónin frá Vindhæli og Garði,
Sveitarfélagsins Skagastrandar
og Iðnaðarráðneytis.
Umsjón með verkefninu
hefur Margrét Blöndal, út-
varpskona með meiru og
um hönnun og uppsetningu
sér Björn G. Björnsson, leik-
myndahönnuður.
enda ekki hægt að bera á þær
júgursmyrsl í svona fjósi. Æi
ég veit ekki um þessar reglur,“
segir Pálmi.
Yfirdýralæknir á að fylgjast
með því að reglunum sé
framfylgt og segir Pálmi að
það sé gert með símhringingu
og auðvitað spyrjist það líka út
ef kýrnar fari ekkert út. „Æi,
er þetta ekki bara eitthvað
reglugerðar kjaftæði gert
fyrir þéttbýlisbúa sem finna
að þessu. Ekki það að þetta
sé endilega nauðsynlegt fyrir
heilbrigði skepnunnar ef hún
býr við toppaðstæður.
Við lokum tölvunni og
göngum fram á brúnna
þar sem blaðamaður tekur
upp myndavélina. Ég spyr
Pálma út í líftíma kúa, hvort
hann hafi lengst við þessar
aðstæður. „Já, ég held það,
annars er þetta ekki kominn
það langur tími en ég held að
það sé óhætt að fullyrða að
hægt sé að nytja kúna lengur
við þessar aðstæður enda er
allt júgurheilbrigði miklu
miklu betra en áður.
En það eru ekki bara
kýrnar sem gefa tekjurnar því
örlitla innkomu hafa þau haft
af heimsóknum ferðamanna
sem hafa komið í auknum
mæli og fengið að skoða.
Segist Pálmi hafa rukkað
um 500 krónur á haus svona
oftast en stundum kunni
hann ekki við að taka borgun.
„Æi, ég er voðalega lélegur
við það við endum yfirleitt í
koníaksstofunni þar sem ég
býð koníak svo gróðinn er
nú ekki mikill þegar fólkið er
farið,“ segir Pálmi og hlær.
Framundan er sumarið og
heyskapur, heyskapur sem í
dag er ekki svipur hjá sjón og
hafa þau hjón séð sér hag í því
að ráða verktaka í heyvinnu
enda sé það ódýrara en að eiga
allar græjur fyrir þessa nokkra
daga á ári sem heyvinnan
tekur. „Þetta er svoddan
munur á heyskaparaðferðum
síðustu 20 til 30 árin, og nú
kaupir maður mann í verkið,“
segir Pálmi og hlær. „En það
er ágætt að þurfa ekki að hafa
áhyggjur af tíðarfari og fleiru.
Sérstaklega ekki rigningu
ég bara þoli ekki að vera
úti í rigningu. Tengdasonur
minn hefur hlegið mikið af
því þegar hann var eitt sinn
að girða með mér og það fór
að rigna. Þá sagði ég stundar
hátt; „Jæja nú er sjálfhætt.“
Hann hefur mikið strítt mér
á þessari setningu síðan
þá,“ segir Pálmi hlæjandi að
lokum. Kántrýbær á Skagaströnd – heimili íslenska Kántrýsetursins.