Feykir - 26.01.2012, Blaðsíða 2

2 Feykir 04/2012
Útgefandi: Nýprent ehf. Borgarflöt 1 Sauðárkróki
Póstfang Feykis: Box 4, 550 Sauðárkrókur
Ritstjóri & ábyrgðarmaður:
Páll Friðriksson – palli@feykir.is & 455 7176, 861 9842
Blaðamenn:
Berglind Þorsteinsdóttir – berglindth@feykir.is & 694 9199
Óli Arnar Brynjarsson – oli@feykir.is
Lausapenni: Örn Þórarinsson.
Áskriftarverð: 350 kr. hvert tölublað með vsk. Lausasöluverð: 390 kr. með vsk.
Áskrift og dreifing: Nýprent ehf. Sími 455 7171.
Umbrot og prentun: Nýprent ehf.
Óháð fréttablað á Norðurlandi vestra - alltaf á fimmtudögum
LEIÐARI
Flugvöllinn „kjurt“!
Hjá SAH Afurðum á
Blönduósi var mikið slátrað
af nautgripum fyrri part
vetrar og sem dæmi var
slátrað samtals 217
nautgripum í nóvember
mánuði sem er með
almesta móti.
Á heimasíðu SAH segir að
mikil slátrun hafi einnig verið
í desember og ljóst að
nautgripaslátrun hjá félaginu
á nýliðnu ári hafi verið sú
mesta í nokkuð mörg ár.
Ungneyti eru þó heldur léttari
en verið hefur og einnig
heldur yngri.
„Ljóst má vera að til að
nautakjötsframleiðslan nái að
standa undir þörfum innan-
landsmarkaðar þarf að koma
til aukin framleiðsla, hvort
heldur sem það verður gert
með fjölgun gripa eða sem
hlýtur að teljast spennandi
valkostur, með innflutningi
annars kúakyns. Það þyrfti þá
að vera kúakyn sem hentaði
til kjötframleiðslu“, segir
Sigurður Jóhannesson fram-
kvæmdastjóri SAH. Þá segir
Sigurður að sala nautgripa-
kjöts hafi gengið ágætlega og
eru bændur hvattir til að hafa
samband við SAH hafi þeir
gripi til slátrunar. /PF
SAH Blönduósi
Mikil naut-
gripaslátrun
Reykjavík er höfuðborg Íslands. Þetta vita allir. Höfuðborgin
hefur skyldum að gegna gagnvart landsbyggðinni þar sem
öll stjórnsýsla ríkisins hefur aðsetur á höfuðborgarsvæðinu.
Til höfuðborgarinnar þurfa landsmenn að sækja þjónustu á
öllum sviðum sem viðkemur okkar mannlífi. Það getur
skipt sköpum hvernig samgöngur til og frá höfuðborginni
eru, til að þeim skyldum sé fullnægt. Af þessum sökum er
það ekki einkamál Reykvíkinga hvernig þeir haga
samgöngumálum til og frá borginni. Enn og aftur er komin
upp umræðan um að flytja flugvöllinn burt úr borginni
„bara eitthvert burt, mér er sama hvurt“. Það getur
landsbyggðarfólk ekki sætt sig við. Flugvöllurinn þarf að
vera nálægt samgöngukerfi borgarinnar sem flytur fólk á þá
staði sem þjónustar landsbyggðina. Því segi ég: Flugvöllinn
„kjurt“!
Páll Friðriksson
ritstjóri
Heilbrigðisstofnunin á Blönduósi
Breytingar á
læknaþjónustu
Fyrirhugaðar eru breytingar
á læknaþjónustu Heil-
brigðisstofnunarinnar á
Blönduósi og telur Valbjörn
Steingrímsson, forstjóri
stofnunarinnar að með
breyttu fyrirkomulagi sé í
raun verið að auka og bæta
þjónustuna. Þetta kom
fram á fundi hreppsnefndar
Húnavatnshrepps í síðustu
viku þar sem Valbjörn
mætti til að gera grein fyrir
rekstri HSB.
Í máli Valbjörns kom m.a.
fram að rekstur stofnunarinnar
hafi gengið í gegnum mikla
endurskipulagningu undan-
farið og á þessu ári sé gert ráð
fyrir að reksturinn verði í
megindráttum eins og á síðasta
ári. Þó séu fyrirhugaðar
breytingar á læknaþjónustu
stofnunarinnar og telur Val-
björn að með breyttu fyrir-
komulagi á læknaþjónustu sé í
raun verið að auka og bæta
þjónustuna, eins og áður sagði.
Valbjörn lagði fram á fund-
inum erindi frá Hollvinasam-
tökum HSB, sem hafa farið á
stað með söfnun til kaupa á
rafrænni sjóntöflu og blöðru-
skanna og leitað eftir stuðningi
frá einstaklingum/sveitar-
stjórnum/fyrirtækjum og fél-
agasamtökum í A-Húna-
vatnssýslu.
Hreppsnefnd Húnavatns-
hrepps mun taka erindið fyrir á
næsta fundi hreppsnefndar.
/Húni.is
Þorrablót Kvenfélagsins
Vöku á Blönduósi fór fram
sl. laugardag. Matur var
mikill og góður að vanda og
fullt var á blótinu líkt og
undanfarin ár.
Ekkert þorrablót getur
verið án góðra skemmtiatriða
og líkt og áður sáu félagar í
Leikfélagi Blönduóss um þá
hlið blótsins.
Á Húna.is segir að venju
samkvæmt hafi sumir fengið
meira á baukinn en aðrir í
bæjarfélaginu en þó var þetta
allt gert í góðlátlegu gríni og
ber að taka því svoleiðis. Á
blótinu var einnig tilkynnt að
Einar Óli Fossdal hefði verið
kosinn Húnvetningur ársins
af lesendum Húnahornsins.
Þorrablót Vöku
Mikið um
góðan
mat og
skemmti-
legheit
Atvinnulífssýningin 2012
Lífsins gæði og
gleði í Skagafirði
Sveitarfélagið Skagafjörður
stendur fyrir atvinnulífs-
sýningu á Sauðárkróki við
upphaf Sæluviku, dagana
28. – 29. apríl nk. Sýning-
unni er einkum ætlað að
draga fram þann fjölbreyti-
leika sem er í atvinnulífi,
félagsstarfsemi og menn-
ingarlífi í Skagafirði.
Sýningin sem haldin er í
samvinnu við Skagafjarðar-
hraðlestina og fleiri aðila er
öllum opin. Skipulag hennar
verður í stórum dráttum með
sama sniði og var á sambæri-
legri sýningu og var haldin
vorið 2010, undir sömu
yfirskrift.
Fyrirtæki, félög, stofnanir
og aðrir sem hafa vöru, þjón-
ustu, hugmynd eða eitthvað
slíkt sem viðkomandi vill koma
á framfæri eru hvött til að taka
þátt í sýningunni. Stefnt er að
því að halda málþing um
atvinnumál, menningarmál og
þjónustu við íbúa í Skagafirði
samhliða sýningunni.
Formleg skráning á sýn-
inguna hefst í næsta mánuði en
samkvæmt tilkynningu frá
Sveitarfélaginu Skagafirði eru
allar hugmyndir um fram-
kvæmd hennar og möguleg
viðfangsefni á málþingið sem
haldið verður samhliða sýning-
unni vel þegnar. /BÞ
Atvinnumál kvenna
Styrkir í boði
Nú hefur verið opnað fyrir
umsóknir um styrki til
atvinnumála kvenna er
velferðarráðherra veitir
árlega. Styrkir þessir hafa
verið veittir síðan árið 1991
og er markmið þeirra að
efla atvinnulíf og auka
aðgengi kvenna að fjár-
magni.
Til ráðstöfunar að þessu
sinni eru 30 milljónir og er
hámarksstyrkur að þessu
sinni kr. 3.000.000.
Sérstök ráðgjafanefnd
metur umsóknir og er um-
sóknarfrestur til og með 14.
febrúar og mun úthlutun fara
fram í apríl. Styrkhæf verkefni
skulu vera í eigu kvenna (amk
50%) og stjórnað af konum og
skulu fela í sér atvinnusköpun
til frambúðar. Um nýnæmi
skal vera að ræða og kröfur
eru gerðar um að verkefni
skekki ekki samkeppnisstöðu
á markaði. Upplýsingar á
www.atvinnumalkvenna.is. /PF
Skagafjörður
Dragnótabannið
dæmt löglegt
Í síðustu viku féll dómur í
hæstarétti þar sem segir að
bann við dragnótaveiðum í
Skagafirði, sem Jón Bjarna-
son fv. sjáfarútvegsráðherra
kom á, standist lög.
Áfrýjandi taldi að bannið
hafi falið í sér ólögmæta
skerðingu á atvinnufrelsi
hans, en áfrýjandi er
útgerðarfyrirtæki í Grímsey
sem gerir út skipið Þorleif
EA 88.
Það var fyrirtækið Sigur-
björn ehf. sem höfðaði málið
gegn íslenska ríkinu og
krafðist viðurkenningar á því
að hann væri óbundinn af
banni við veiðum með
dragnót í Skagafirð sem
sjávarútvegs- og landbúnaðar-
ráðherra hafði lagt á með
reglugerð á grundvelli laga nr.
79/1997 um veiðar í fisk-
veiðilandhelgi Íslands. Til
vara var þess krafist að bannið
yrði ógilt. Hæstiréttur taldi að
samráð ráðherra við samtök
útgerðar- og sjómanna um
bannið hefði fullnægt kröfum
laga nr. 79/1997 og að umrætt
bann hefði átt sér viðhlítandi
lagastoð. Bannið hefði verið
tímabundið og staðbundið og
takmarkað við tiltekið
veiðafæri. Stefnandi hefði
getað stundað veiðar á
svæðum þar sem heimilt var
að veiða með dragnót eða
með öðrum veiðafærum á því
svæði sem bannið tók til. Þótti
stefndi því ekki hafa brotið
gegn 1. mgr. 75. gr.
stjórnarskrárinnar og var því
sýknað af kröfum Sigurbjörns
ehf. /PF