Feykir - 26.01.2012, Blaðsíða 6

6 Feykir 04/2012
VIÐTAL Berglind Þorsteinsdóttir
Gáð til veðurs
á Hrauni
Hjónin Rögnvaldur og Guðlaug á Hrauni á Skaga
Hjónin Rögnvaldur Steinsson og Guðlaug Jóhannsdóttir hafa sinnt
veðurathugunum fyrir Veðurstofu Íslands í hálfa öld á Hrauni á Skaga.
Þar var starfrækt veðurathugarstöð í 70 ár en hún var lögð af um
síðastliðin áramót þegar Guðlaug lét af störfum. Blaðamaður Feykis leit
inn til þeirra hjóna og spjallaði við þau um líf þeirra og störf á Hrauni í
gegnum árin.
Rögnvaldur hefur alið allan
sinn aldur á Hrauni. Hann er
fæddur þann 3. október 1918 í
baðstofu torfbæjarins sem stóð
á sama stað og íbúðarhús þeirra
hjóna stendur nú. „Já, maður
man tímana tvenna. Ég man
þegar ég sá bíl í fyrsta sinn, þá
var ég 10 ára gamall staddur á
Skagaströnd. Ég var búinn að
gera mér einhverjar furðulegar
hugmyndir um hvernig bílar
litu út, svo þegar ég sá hann
skildi ég ekkert hvað þetta var,
hélt þetta væri einhverskonar
hús en þá var þetta pallbíll,“
rifjar Rögnvaldur upp.
Guðlaug er fædd 29. apríl
1936 á Saurbæ í Lýtings-
staðahreppi en bjó frá tveggja
ára aldri á Sólheimum í Sæm-
undarhlíð. Rögnvaldur og
Guðlaug gengu í hjónaband
árið 1956 og hófu búskap á
Hrauni að hausti sama ár.
Saman eiga þau fjóra syni Stein
Leó, Jón, Jóhann og Gunnar.
Rögnvaldur er þriðja kynslóðin
í beinan karllegg sem stundað
hefur búskap á Hrauni og nú er
fjórða kynslóðin tekin við,
sonur hans Steinn Leó og kona
hans Merete Kristiansen
Rabölle sem er dönsk að ættum.

Mörg handtökin
á Hrauni
Samkvæmt Rögnvaldi og
Guðlaugu hefur samfélagið á
Skaganum tekið miklum
breytingum síðastliðna áratugi.
„Þegar ég var að alast upp voru
miklir barnahópar á bæjunum
hér í kring, þá var mun meiri
samgangur á milli bæja,“ segir
Rögnvaldur. Þegar Guðlaug
settist að á Hrauni var búið á 24
bæjum í Skefilsstaðahreppi en
nú er einungis búið á átta
bæjum. Samgöngur voru
talsvert lakari í þá daga og að
sögn Rögnvaldar urðu vegirnir
ekki þokkalegir alla leið að
Hrauni fyrr en fyrir um tuttugu
árum síðan. „Þetta voru bara
troðningar og ekki bætti úr skák
að sumar ár og lækir voru
óbrúaðar. Þannig að maður brá
sér ekkert burt af bæ hvenær
sem var í þá daga,“ segir
Guðlaug.
Á Hrauni var fengist við
fjölbreyttan búskap. Þar voru
kindur, þónokkuð af hestum og
tvær til þrjár kýr að jafnaði til
heimilisnota. Þar var jafnframt
stunduð sjósókn meðfram
búskapnum. „Pabbi átti sex-
æring og réri til fiskjar, eins til
hákarlaveiða,“ sagði Rögnvald-
ur og bætti við að það hafi afi
hans gert líka. Hákarlinn var
kæstur, hengdur upp og
þurrkaður. „Ég hef alltaf haft
gaman að sjómennsku, mig
langaði alltaf að leggja það fyrir
mig þegar ég var strákur. Við
feðgarnir fórum líka mikið á sjó
saman og eigum saman trilluna
Sæfara á Skagaströnd, ásamt
nágrönnunum okkar að Víkum.
Á trillunni höfum við veitt á
línu, handfæri og grásleppu.“
Á vorin færist mikið líf við
bæinn á Hrauni en þar er