Feykir - 30.08.2012, Blaðsíða 7

32/2012 Feykir 7
Hún rifjar upp mikið fjör á
Suðurgötunni en þar segir hún
urmul af krökkum hafa verið í
hverju húsi. „Við lékum okkur
gjarnan hjá sýsluhesthúsinu,
rétt hjá þar sem Safnahúsið
stendur nú. Þar fórum við
í allskonar leiki, t.d. í Yfir,
byggðum kofa og margt fleira.
Þá vorum við ekki með nein
leikföng en fundum okkur
samt alltaf nóg að gera þó svo
við unnum líka mikið,“ segir
Sigríður en hún annaðist meðal
annars systkin sín frá átta ára
aldri. „Það var bara annað
hvort að duga eða drepast –
og það var bara gaman,“ sagði
Sigríður og hlær.
Margt til lista lagt í
Laugarhvammi
Sigríður giftist Friðriki Ingólfs-
syni árið 1948 og saman
byggðu þau í Laugarhvammi,
sem var nýbýli upphaflega
hluti af Steinsstöðum í
Lýtingsstaðahreppi. Sigríður
segir frá því þegar Friðrik
var drengur voru foreldrar
hans, Ingólfur Daníelsson og
Jónína Einarsdóttir, búsett á
Bakkaseli, áður en þau fluttu að
Steinstöðum. „Þau höfðu rekið
greiðasölu þar og tóku á móti
fólki sem kom yfir heiðina.
Tengdaföður mínum fannst
svo óskaplega gaman að taka á
móti gestum, þótt fátækur væri.
Hann vildi alltaf endilega fá
fólk inn í kaffi,“ rifjar Sigríður
upp og bætir við að ekki
hafi þurft mikið til að gleðja
tengdaforeldra hennar.
Þegar Sigríður og Friðrik
hófu búskap á Laugarhvammi
segir Sigríður landið hafi
ekki verið gott til ræktunnar.
„Þetta voru bara melar, eða
eins og Hjalti Pálsson segir í
Byggðasögunni þá var 41% af
landinu vel gróið á móti 59%
sem voru lítt gróin,“ útskýrir
Sigríður. Fyrstu árin voru
hjónin með nokkrar kýr og
kindur en þegar rafmagn kom
loksins á bæinn síðsumars 1954
fengu þau sér dælur og gátu þá
loks hafist handa við ræktun
fyrir alvöru. Næstu árin byggðu
þau gróðurhús og þá var
eingöngu stundaður ylræktar-
og garðyrkjubúskapur. „Við
ræktuðum allt sem við gátum;
gúrkur, tómata, vínber, sumar-
blóm og margt fleira,“ segir
Sigríður. Hjónin ræktuðu
einnig mikið magn af rófum og
leigðu m.a. til þess ræktarland
á Vindheimum og í Dalsplássi.
„Þegar mest var höfðum við 50
tonn af rófum og þetta seldum
við hér í Skagafirði og víðar,“
segir Sigríður. „Rófurnar voru
teknar upp á haustin og ekki
alltaf í góðu veðri – ég man t.d.
eftir einu skipti sem ég tók upp
í hríð,“ rifjar hún upp.
Meðfram ræktarbúskapn-
um vann Friðrik einnig bygg-
ingarvinnu og var m.a. einn af
þeim sem byggðu Steinstaða-
skóla og félagsheimilið Árgarð.
„Það var unnið við hvert
tækifæri. Það var mikið atriði
hjá Friðriki að borga reikninga
á réttum tíma og að standa
í skilum - sem við gerðum
alltaf,“ segir hún. „Maður þurfti
alla tíð að hafa svo mikið fyrir
hlutunum en þegar þeir loksins
komu þá þótti manni enn
vænna um það,“ segir Sigríður
kímin á svip.
Samkvæmt Sigríði var ágætt
að ala upp börn í Laugarhvammi
en þaðan er til að mynda stutt
í Steinstaðaskóla. Þá byggðu
hjónin sundlaug á bænum árið
1974, sem var mjög vinsælt
hjá krökkunum. Saman ólu
Sigríður og Friðrik upp sex
börn í Laugarhvammi; þau
Erling, Helga, Sigurð, Jónínu,
Sólveig og Friðrik Rúnar.
Sigríður saumaði og prjónaði
ófáar flíkurnar á börnin sín, eins
og tíðkaðist gjarnan í þá daga
en henni var ýmislegt fleira til
lista lagt, s.s. mála postulín og
myndir, flóka, sauma út. Þá skar
Friðrik út og voru ýmsir munir
frá þeim hjónum til sýnis sl.
vor þegar sonur þeirra var
með handverkssýningu fyrir
almenning undir yfirskriftinni:
List í Laugarhvammi.
Að sögn Sigríðar er um-
hverfið umhverfis Laugar-
hvamm og Steinsstaði talsvert
ólíkt frá því sem áður var, en
þar er mikill trjágróður í dag.
Sjálf lagði hún mikið upp úr því
að planta trjám í melana, t.d.
birki og lerki. „Ég er svo glöð
í sálu minni að hafa ræktað
svona mikið sjálf – ég var bara
að skemmta mér,“ bætir hún
svo við glaðvær á svip.
Áður en blaðamaður Feykis
kvaddi þakkaði hún Sigríði
fyrir gott spjall og góðar stundir
í sólskininu á svölunum.
Sigríður ólst upp á Suðurgötu 12 sem afi hennar, Halldór Þorleifsson, byggði árið 1917. Mynd: HSk.
Skagfirðinigamótið 2012
Halldór og
Dagný sigruðu
Árlegt golfmót burtfluttra
Skagfirðinga á suðvestur-
horninu, Skagfirðingamótið,
fór fram á Hamarsvelli í
Borgarnesi á laugardag,
fimmta árið í röð þar. Alls
mættu á níunda tug kylfinga
til leiks við kuldalegar og
vindasamar aðstæður, sem
settu sitt mark á skorið. Var
gamla góða Skarðagolan
mætt suður í öllu sínu veldi!
Halldór Halldórsson héraðs-
dómari sigraði í karlaflokki
með 32 punkta og í kvenna-
flokki sigraði Dagný Guð-
mundsdóttir, tengdadóttir
Gunnu Jósafats í Borgarnesi,
systur Imbu Jós, með 31
punkt. Halldór átti einnig besta
skorið á mótinu, 83 högg, og
fékk ein verðlaun til viðbótar
ásamt eiginkonu sinni, Ragn-
heiði Matthíasdóttur, sem
punktahæsta par mótsins
annað árið í röð. Alls voru
28 pör/hjón skráð til leiks.
Dagný er framkvæmdastjóri
Cintamani, eiginkona Jóns
Jósafats Björnssonar og til-
heyrir því Fata-hreyfingunni
svonefndu sem á ættir sínar að
rekja í Gröf á Höfðaströnd.
Verðlaun á mótinu hafa
sjaldan verið glæsilegri. Lands-
bankinn á Sauðárkróki gaf
nýja farandbikara í karla- og
kvennaflokki og verðlaun
voru veitt fyrir fyrstu 10 sætin
í hvorum flokki, auk nándar-
verðlauna á par 3 brautum
og lengdarverðlauna á 18.
holu, svo ekki sé nú minnst á
úrdráttarverðlaun. Kylfingar
frá Króknum hafa verið
duglegir að aka suður til móts
við gamla sveitunga en mótið
hefur verið haldið frá árinu
1998 og er eitt hið stærsta
sinnar tegundar hér á landi.
Mótið fór vel fram í alla
staði, þó að vindurinn hafi
mátt vera hægari. Aganefnd
Skagfirðingamóts er þó með
eina kæru til meðferðar
vegna meintrar ólöglegrar
nándarmælingar á 2. holu og
á viðkomandi keppandi yfir
höfði sér refsingu á næsta móti,
allt að 10 punkta í mínus. Af
tillitssemi við viðkomandi
kylfing verður nafn hans
ekki gefið upp opinberlega
en hann reyndi í málsvörn
sinni að flagga sveinsprófi í
húsasmíðum og löggildingu
í lengdarmælingum, sem
aganefnd hefur nú þegar
ákveðið að taka ekki til greina, í
samráði við GSÍ og vallarstjóra
á Hamarsvelli. /BJB
Keppendur á Skagfirðingamóti við golfskálann á Hamri eftir vindasamt en skemmtilegt golf á
góðum velli Borgnesinga.
Fyrrum félagar af Hólmagrundinni og Hólaveginum rifjuðu upp gömul kynni, Steini Hauks, Einar
Gísla Antons, Sævar Þórs, hennar Ernu á Hesti, og Fúsi Agga Sveins.
Munir á sýningunni List í Laugarhvammi. Postulínsmunir málaðir af Sigríði.
Í dag er gróðursælt á Laugarhvammi en þegar Sigríður og Friðrik settust þar að 1948 var talsvert
öðruvísi um að lita.