Feykir - 07.03.2013, Blaðsíða 11
09/2013 Feykir 11
ÍÞRÓTTAFRÉTTIR FEYKIS > www.feykir.is/ithrottir
Dominos-deildin í körfubolta : Þór Þorlákshöfn - Tindastóll 83-81
Háspenna í Þorlákshöfn
Tindastóll heimsótti Þór í
Þorlákshöfn á föstudags-
kvöldið og var leikurinn
báðum liðum afar
mikilvægur.
Leikurinn var jafn og spenn-
andi og varð munurinn á lið-
unum til að mynda aldrei meiri
en þrjú stig í fyrri hálfleik.
Heimamenn urðu snemma leiks
fyrir áfalli þegar Darri Hilmars-
son meiddist og kom ekki meira
við sögu. Staðan að loknum
fyrsta leikhluta var 20-18 en það
munaði þremur stigum á
liðunum í hléi, staðan 39-36
heimamönnum í vil.
Þórsarar byrjuðu þriðja leik-
hluta vel og náðu snemma tíu
stiga forystu, 48-38, en næstu sjö
stig voru Stólanna og leikurinn
því í jafnvægi. Helgi Rafn og
Drew Gibson voru drjúgir undir
lok þriðja leikhluta og að honum
loknum var enn þriggja stiga
munur, 59-56 fyrir Þór.
Baráttan var mikil í fjórða
leikhluta og Tarick Johnson
jafnaði leikinn fyrir Stólana 63-
63 og aftur var jafnt 64-64 en
heimamenn komust í 68-64 og
voru þetta 2-5 stigum yfir þangað
til á síðustu mínútunni. Þá fengu
Þórsarar dæmda á sig óíþrótta-
mannslega villu, Johnson
minnkaði muninn í 79-78 og
Stólarnir fengu boltann. Helgi
Margeirs kom Stólunum yfir, 79-
80, þegar um hálf mínúta var
eftir og í framhaldinu tóku
heimamenn leikhlé. Grétar
Erlendsson klikkaði á skoti þegar
um 15 sekúndur voru eftir en
David Bernard Jackson, sem fór
mikinn í leiknum, náði frákast-
inu fyrir Þór og skoraði. Skot
Helga Margeirs var síðan varið
og í kjölfarið brutu Stólarnir á
Guðmundi Jónssyni sem setti
bæði vítin sín niður og það dugði
til sigurs því Þórsarar brutu á
Svabba sem setti fyrra vítið sitt
niður í blálokin en heimamenn
náðu frákastinu og Stólarnir
fengu ekki tækifæri til að jafna.
Lokatölur 83-81. /ÓAB
Stig Tindastóls: Gibson 21, Helgi Rafn
15, Valentine 13, Helgi Freyr 11,
Johnson 11, Svabbi 4, Hreinsi 3 og
Þröstur 3.
Hart barist í leik Tindastóls og Snæfells á dögunum. Mynd: Hjalti Árnason
( ÍÞRÓTTAGARPUR ) palli@feykir.is
Sæþór Már Hinriksson
Myndi skora á
Ágúst skólastjóra
í grindahlaup
Sæþór Már Hinriksson 13
ára kappi frá Syðstu-Grund í
Akrahreppi var fyrir skömmu
Íslandsmeistari í grindahlaupi
er hann keppti á Meistaramóti
Íslands í frjálsíþróttum
innanhúss, fyrir 11-14 ára og
fór fram í Laugardalshöllinni í
Reykjavík.
Keppendur voru um 380 talsins
frá 20 félögum og samböndum.
Í skagfirska liðinu voru 23
keppendur og hafnaði liðið í 8.
sæti í heildarstigakeppninni.
Sæþór Már ólst upp í Blöndu-
hlíðinni. Hann er sonur Hinriks Más
Jónssonar og Kolbrúnar Maríu
Sæmundsdóttur og er nemandi í
Varmahlíðarskóla. Þar sem þessi
þáttur er í fermingarblaði Feykis fékk
Sæþór líka fermingarspurningar þó
hann fermist ekki fyrr en eftir ár.
Ætlar þú að láta ferma þig til
kristinnar trúar? -Já, það er
planið.
Ertu trúaður? Já.
Hvað myndir þú vilja í fermingar-
gjöf? Einhvern góðan kassagítar,
helst Taylor.
Hvernig sérðu fermingardaginn
fyrir þér? Bara ósköp basic.
Íþróttagrein: Frjálsar íþróttir.
Íþróttafélag/félög: UMSS og
Smári.
Helstu íþróttaafrek: Íslands-
meistari í grindahlaupi, langstökki
og hástökki, Unglingalandsmóts-
meistari í þrístökki og langstökki
og margt fleira.
Skemmtilegasta augnablikið:
Ég hef átt mörg skemmtileg
augnablik, en það var virkilega
gaman að koma fyrstur í mark í
úrslitahlaupinu í grind á meist-
aramótinu um daginn.
Neyðarlegasta atvikið: Ekkert
sem ég man eftir einmitt núna.
Einhver sérviska eða hjátrú? Nei,
lítið um það.
Uppáhalds íþróttamaður? Jón
Arnar Magnússon.
Ef þú mættir velja þér andstæð-
ing, hver myndi það vera og í
hvaða grein mynduð þið spreyta
ykkur? Ágúst skólastjóri og ég
myndi skora á hann í grindahlaupi.
Hvernig myndir þú lýsa rimmunni?
Ég myndi gefa honum smá forskot
og svo myndi ég stinga hann af.
Helsta afrek fyrir utan íþrótt-
irnar? Meika það með gömlu
hljómsveitinni minni, Rock to the
moon.
Lífsmottó: Live large, rock hard.
Helsta fyrirmynd í lífinu: Ég á
enga sérstaka fyrirmynd en ég lít
upp til margra.
Hvað er verið að gera þessa dag-
ana? Bara lifa lífinu.
Hvað er framundan? Bara æfingar
og svo ætla ég í frjálsíþróttaskólann
í byrjun sumars.
Öldungamót í Borgarnesi
Molduxar sigruðu
næstum því
Hinar síungu körfuboltahetjur
í Molduxum á Sauðárkróki
brugðu undir sig betri
fætinum síðastliðinn
föstudag og brunuðu í
Borgarnes, fyrir sunnan. Þar
var í bígerð öldungamót
fjögurra liða í körfubolta, en
auk Molduxanna voru
heimamenn í Skallagrími,
Valur og Fram.
Segja má að spennan hafi
hafist strax í fyrsta leik þegar
Geiri Eyjólfs liðstjóri ákvað að
setja sjálfan sig inná ásamt
hraustustu hetjum liðsins þegar
Molduxarnir öttu kappi við
heimamenn. Fól hann Árna
Egils að gæta varamannabekkj-
arins og skipta mönnum inná ef
á þyrfti að halda. Þegar Molduxar
voru komnir í 12 – 2 fannst Árna
rétt að skipta og gerði það
hraustlega. Tók hann alla útaf
nema Ágúst foringja og setti
sjálfan sig inná ásamt sínum
smæstu bræðrum sem höfðu
vermt tréverkið fram að þessu.
Skipti engum togum að heima-
menn gengu á lagið og komust
yfir 16-14 eftir skamma stund og
höfðu yfirhöndina í hálfleik.
Reyndist ákvörðun liðstjór-
ans dýrkeypt því þegar upp var
staðið í mótslok voru þrjú lið jöfn
með jafnmarga sigra en stiga-
munur sem réði úrslitum. Fór
svo að Framarar fóru heim með
bikarinn, Valsarar enduðu í öðru
sæti en Molduxar í þriðja með
minnsta stigamuninn. Skömm
liðstjórans var það mikil að hann
sagði af sér embætti strax að móti
loknu en í refsingarskini við
hann var uppsögnin ekki tekin til
greina.
Maður mótsins var ekki
valinn að þessu sinni svo Mold-
uxar ákváðu að velja Svein Brynjar
sem mann mótsins á leiðinni
heim enda átti hann stórleik allt
kvöldið. Hefur það aldrei gerst
áður. Sem fyrr var lið Molduxa í
langflottustu búningunum. /PP
Lið Molduxa var myndarlegt í Borgarnesi og skaraði framúr á rúmlega öllum sviðum.
U-16 ára landsliðið
Guðlaug Rún valin
Guðlaug Rún Sigurjónsdóttir í Tindastól hefur verið valin í U-16
ára landslið stúlkna í körfubolta sem tekur þátt í Norðurlanda-
mótinu í Solna í Svíþjóð í maí nk.
Á Tindastóll.is segir að Tómas Holton sé þjálfari liðsins en
honum til aðstoðar er Lárus Jónsson þjálfari Hamars. Alls eru
það tólf leikmenn sem voru valdir í hópinn. /PF