Morgunblaðið - 14.10.2017, Qupperneq 48
48 ÍSLENDINGAR
MORGUNBLAÐIÐ LAUGARDAGUR 14. OKTÓBER 2017
Signý Ingvadóttir ætlar að bjóða ættingjum og vinum í veisluheim til sín í kvöld í tilefni þess að hún á 40 ára afmæli í dag.„Svo ætla ég að toppa afmælið með því að fara til Tenerife um
næstu helgi.“ Hún fer þangað með manni sínum og vinum en þetta
verður í þriðja sinn sem hún fer til Tenerife.
„Ég held yfirleitt upp á afmælið og fjölskyldan kíkir í heimsókn.
Svo er ég dugleg að halda partí þegar fimmurnar og tíurnar eru, mér
finnst alltaf gaman að hafa pínu partí. Ég leigði sal þegar ég varð þrí-
tug og það var stór veisla og stóð lengi fram eftir.“
Signý er fædd og uppalin á Höfn í Hornafirði og hefur búið þar alla
tíð. Hún ber út póstinn þar og er einnig í námi í Framhaldsskóla Aust-
ur-Skaftafellssýslu. „Ég er búin að vinna hjá Póstinum í tvö ár, það er
fínt. Ég fæ hreyfingu á hverjum degi og vinnutíminn er ágætur til að
geta stundað námið með. Þar áður vann ég í ellefu ár í grunnskól-
anum sem stuðningsfulltrúi og á bókasafninu.
Þegar blaðamaður sló á þráðinn til Signýjar var hún á fullu við
smíðar, en hún var að setja upp eldhúsinnréttingu fyrir systur sína.
„Svo hef ég verið að parketleggja, maður verður að redda sér í öllu
svona. Ég prjóna líka þegar ég hef tíma.“ Signý er ritari í fimleika-
deild Sindra, en dóttir hennar er í fimleikum, og svo er Signý í slysa-
varnadeildinni Framtíðinni.
Eiginmaður Signýjar er Einar Stefán Aðalbjörnsson, sjómaður á
Skinney SF-20, og börn þeirra eru Alexander Alvin 22 ára, Óttar Már
19 ára og Nína Ingibjörg 11 ára.
Hornfirðingurinn Signý heldur afmælisboð í kvöld.
Dugleg að halda
upp á afmælin
Signý Ingvadóttir er fertug í dag
E
inar Jón Pálsson fædd-
ist í Keflavík 14.10.
1967 en ólst upp hjá
móðurömmu og afa í
Garðinum, þeim
Ingvari og Jónu á Bjargi. Einar Jón
hefur búið í Garðinum stærstan
hluta ævinnar, ef frá eru talin sex ár
í Reykjanesbæ og fjögur ár í
Danmörku.
„Uppeldisárin í Garðinum voru
gædd ást og hlýju. Börn afa og
ömmu voru uppkomin og ég var því
svolítið dekurbarn. Afi og amma
voru samrýnd, regla á hlutunum og
heimilislífið eins og best verður á
kosið. Amma sá um uppeldið og að
drengurinn lærði heima, en Ingvar
afi var handlaginn og kenndi mér að
bjarga mér þegar kom að smíðum,
viðhaldi og viðgerðum. Hann kenndi
mér á bíl, að leita kríueggja og leita
fanga í fjörunni. Þegar ég síðar
byggði húsið okkar frá grunni, með
góðra vina hjálp, áttaði ég mig á því
hve góður skóli var fólginn í öllum
hans hagnýtu leiðbeiningum.“
Einar Jón vann í fiski og rækju-
vinnslu í Garðinum á sumrin og með
skóla. Hann lauk sveinsprófi í raf-
virkjun frá FS 1989 og meistara-
námi frá sama skóla 1994.
Einar Jón var rafvirki hjá Sigurði
Ingvarssyni, rafverktaka í Garði, í
áratug og síðan tvö ár hjá Varnarlið-
inu við verkáætlanagerð. Hann fór
síðan utan til náms 1996 og útskrif-
aðist frá Syddansk Universitet
Sønderborg í Danmörku með BSc-
próf í rafmagnstæknifræði árið
2000.
Eftir nám hóf Einar Jón störf hjá
Kögun á Keflavíkurflugvelli. Kögun
sameinaðist síðar Skýrr, nú
Advania, og hefur Einar Jón séð um
stjórn og rekstur Fjarskiptastöðvar-
innar við Grindavík fyrir Advania
frá 2006. Hann lauk síðan MBA-
námi frá HÍ 2015, sem hann
stundaði með vinnu.
Einar Jón var hreppsnefndarmað-
ur í Garðinum frá 2002, síðan bæjar-
fulltrúi þar og er nú forseti bæjar-
stjórnar. Hann hefur setið í fjöl-
mörgum nefndum og stjórnum fyrir
sveitarfélagið, bæði innan þess og í
samstarfi sveitarfélaga á Suðurnesj-
um og tengdum stofnunum. Hann er
sjálfstæðismaður, hefur gegnt ýms-
um trúnaðarstörfum fyrir flokkinn
og situr í miðstjórn. Síðast en ekki
síst er hann sannur Garðmaður sem
vill leggja sitt af mörkum til að gera
Garðinn að áhugaverðum og góðum
stað að búa á.
Einar Jón var formaður Íslend-
Einar Jón Pálsson, forseti bæjarstjórnar í Garðinum – 50 ára
Fjölskyldan Einar Jón og Hildur, eiginkona hans, með börnunum, þeim Unu Margréti og Eyþóri Inga.
Víðismaður sem nýtur
sín best í Garðinum
Trausti Þorgeirsson og Björg Vignisdóttir gengu í hjónaband í Fríkirkjunni í
Reykjavík hinn 16. júní 2017.
Brúðkaup
Íslendingar Kjartan Gunnar Kjartansson, Pétur Atli Lárusson islendingar@mbl.is
Ábendingar um brúðkaup, afmæli, barnsfæðingar og önnur tímamót í lífi fólks má
senda á netfangið islendingar@mbl.is. Einnig geta þeir, sem óska eftir því að nafn
þeirra birtist ekki í þessum dálkum, sent beiðni þar að lútandi á sama netfang.
Unnið í samvinnu við viðmælendur.
Á opnunni „Íslendingar“ í Morgunblaðinu er sagt frá merkum viðburðum í lífi fólks,
svo sem stórafmælum, hjónavígslum, barnsfæðingum og öðrum tímamótum.
Allir þeir sem senda blaðinu mynd af nýjum borgara eða mynd af brúðhjónum fá fría áskrift
að Morgunblaðinu í einn mánuð.
Hægt er að senda mynd og texta af slóðinni mbl.is/islendingar eða á islendingar@mbl.is
Börn og brúðhjón
Guðrún Antonsdóttir
lögg. fasteignasali
Vantar allar stærðir og gerðir fasteigna á sölu.
Núna er tækifærið ef þú vilt selja.
Ég vinn fyrir þig.
Hringdu núna í 697 3629
og fáðu aðstoð við að selja
þína eign, hratt og vel.
Ánægjuleg viðskipti er mitt loforð til þín.
Ertu í söluhugleiðingum?
Lágmúli 5, 108 Reykjavík | Sími 571 5800 | gudrun@garun.is | garun.is