Morgunblaðið - 09.02.2018, Síða 38

38 MENNING
MORGUNBLAÐIÐ FÖSTUDAGUR 9. FEBRÚAR 2018
Bíldshöfða 16, 110 Reykjavík 414 84 00 www.martex.is
Góð þjónusta
byrjar með
flottu útliti.
Fatnaður fyrir fagfólk
Quincy Jones, einn farsælasti tón-
listarupptökustjóri samtímans, fer
mikinn í viðtali við tímaritið Vulture
í tilefni af 85 ára afmæli sínu í næsta
mánuði. Hann sendir fyrrverandi
samstarfsmönnum sínum óhikað
tóninn. Spurður hvernig Bítlarnir
hafi komið honum fyrir sjónir við
fyrstu sýn svarar Jones: „Þeir voru
verstu hljóðfæraleikarar í heimi.
Paul var versti bassaleikari sem ég
hafði heyrt í,“ segir Jones og rifjar
upp upptökur þar sem Ringo Starr
hafði eytt þremur klukkutímum í að
ná fjórum töktum réttum án árang-
urs. Þá hafi Jones hvatt hann til að
taka sér matarhlé og nýtt tímann til
að fá djasstrommuleikarann Ronnie
Verrell til að spila taktana rétt, sem
tókst á 15 mínútum. Þegar Ringo
kom aftur bað hann um að heyra
upptökur sínar og sagði síðan:
„„Þetta hljómar ekki svo illa.“ Og ég
svaraði: „Einmitt, fávitinn þinn,
vegna þess að þetta ert ekki þú.““
Jones segir Michael Jackson bæði
hafa verið gráðugan og þjófóttan.
„Hann stal fullt af lögum,“ segir
Jones og nefnir í því samhengi
„Billie Jean“. „Greg Phillinganes
samdi c-kaflann í „Don’t Stop ’Til
You Get Enough“. Michael hefði átt
að gefa honum 10% af höfundar-
réttargreiðslum lagsins en vildi ekki
gera það. Hann var gráðugur.“
Jones gerir greddu Marlons
Brandos að umtalsefni og segir hann
hafa riðið öllu. „Hann hefði riðið
póstkassa,“ segir Jones og tekur
fram að meðal þeirra sem Brando
hafi sofið hjá hafi verið James
Baldwin, Marvin Gaye og Richard
Pryor. Í framhaldi af birtingu við-
talsins á vef Vulture í gær staðfesti
ekkja Pryors, Jennifer Lee Pryor,
við TMZ að eiginmaður hennar hefði
átt náið samneyti við Brando.
Í viðtalinu segist Jones vita of
margt og nefnir sem dæmi að hann
viti hver drap John F. Kennedy, en
það mun hafa verið mafíuforinginn
Sam Giancana. Hann vandar núver-
andi Bandaríkjaforseta ekki kveðj-
urnar. „Trump er bilaður fáviti sem
líður af stórmennskubrjálæði og er
fullur sjálfsaðdáunar,“ segir Jones
og rifjar upp að hann hafi farið á
stefnumót með dóttur forsetans,
Ivönku Trump, fyrir um 12 árum.
Bítlarnir verstu hljóð-
færaleikarar heims
AFP
Yfirlýsingaglaður Quincy Jones
fer mikinn í viðtali við Vulture.
Catherine Hutin-Blay, dóttir Jacq-
ueline Roque (1927-1986), síðustu
eiginkonu spænska myndlistar-
mannsins Pablos Picassos (1881-
1973), hyggst opna safn til minn-
ingar um móður sína og stjúpföður
í borginni Aix-en-Provence í Suður-
Frakklandi. Verður það til húsa í
fyrrverandi klaustri, Couvent des
Prêcheurs, og verður safneignin
ríkulegri en í hinum Picasso-
söfnunum sem eru í París, Antibes,
Barcelona og Malaga.
Í The Art Newspaper er greint
frá því að Hutin-Blay hafi erft safn
móður sinnar af verkum eftir Pic-
asso og þá eigi hún einnig höllina
Château de Vauvenargues nærri
Aix-en-Provence, þar sem hjónin
bjuggu og eru bæði jarðsett.
Í safneign Musée Jacqueline et
Pablo Picasso verða um 1.000 mál-
verk meistarans auk um 1.000 ann-
arra verka hans – teikninga,
grafíkverka og skúlptúra.
Áætlað er að safnið verði opnað
árið 2021 og gert er ráð fyrir allt að
hálfri milljón gesta árlega en Pic-
asso er af mörgum talinn áhrifa-
mesti myndlistarmaður 20. aldar.
Morgunblaðið/RAX
Ekkjan Jacqueline Picasso við opnun sýn-
ingar á verkum Picassos á Kjarvalsstöðum,
á Listahátíð í Reykjavík árið 1986.
Stjúpdóttir Picassos opnar safn með yfir 1.000 málverkum
Guðrún Erlingsdóttir
ge@mbl.is
Við settum upp þetta verkefni í til-
efni af 100 ára afmæli fullveldisins.
Við fengum það nokkuð fullskapað
upp í hendurnar,“ segir Aðalsteinn
Ingólfsson, list-
fræðingur og
sýningarstjóri
sýningarinnar
Hjartastaður –
Þingvallamyndir
sem opnuð verð-
ur í sýningarsal
Listasafns
Reykjanesbæjar í
Duus-safna-
húsum í dag,
föstudag, kl. 18.
Sýnd eru verk sem margir kunnustu
myndlistarmenn þjóðarinnar gerðu
á tuttugustu öld og eru öll verkin úr
einkasafni Sverris Kristinssonar,
fasteignasala og útgefanda með
meiru.
„Við hefðum getað dregið að okk-
ur myndir úr mörgum áttum en hús-
næðið okkar býður ekki upp á stórar
sýningar,“ segir Aðalsteinn. Hann
segir að safn Sverris passi vel inn í
húsnæði safnsins.
„Sverrir hefur komið sér upp tölu-
verðu safni af málverkum af Þing-
völlum eftir helstu listamenn lands-
ins og það gekk vel að velja úr
verkum hans með tilliti til innbyrðis
vægis og fjölbreytni. Safn hans er
eins og guðsgjöf,“ segir Aðalsteinn.
Kostur að eiga margar
„Ég hef safnað allmörgum mál-
verkum frá Þingvöllum, sem eru
ákaflega fallegur staður, en þangað
fer ég gjarnan á haustin til þess að
skoða haustlitina. Auk þess sem
Þingvellir hafa verið viðfangsefni
margra málara,“ segir listaverka-
safnarinn en Sverrir lánaði 23 mál-
verk eftir 17 listamenn á sýninguna.
„Ég á myndir eftir íslenska mál-
ara sem flestir eru natúralískir og
mála náttúruna á Þingvöllum í allri
sinni dýrð. Það er kostur að eiga
myndir af sama svæðinu eftir marga
listamenn,“ segir Sverrir.
Hann segir að á sýningunni séu
meðal annars verk eftir Þórarin B.
Þorláksson, sem málað hafi þar all-
nokkrar gríðarlega fallegar og kyrr-
látar myndir, Jóhannes Kjarval með
sína fallegu liti, Jón Stefánsson,
Guðmund frá Miðdal, Ólaf Túbals,
Sigurð Sigurðsson og Valtý Péturs-
son sem málaði Öxarárfoss. Á þeirri
mynd sé líkt og marglitir demantar
falli úr fossinum.
„Það er líka gaman að sjá túlkun
alþýðumálaranna Gísla Jónssonar
og Grímu (Ólafar Grímeu Þorláks-
dóttur); gleði og fólk eru í mál-
verkum hennar. Ólöf var glaðlynd og
jákvæð,“ segir Sverrir og bætir við
að Jóhann Briem hafi verið kosinn
meistaranemi á námsárum sínum í
Þýskalandi. Á Þingvallamynd hans
eru fjórir menn á rauðum hestum í
sterkum litum.
„Ekki má heldur gleyma Magnúsi
Tómassyni, sem er bæði natúral-
ískur og súrealískur í senn, en á
mynd hans eru sebrahestur og tígr-
isdýr í landslaginu á Þingvöllum,“
segir Sverrir.
Gildi þessa helgasta staðar
Í tilkynningu um sýninguna
Hjartastaður – Þingvallamyndir
segir að í tilefni 100 ára afmælis full-
veldis á Íslandi velti aðstandendur
sýningarinnar fyrir sér gildi þessa
helgasta staðar Íslendinga fyrir
þjóðarvitundina og þá um leið áhrif-
um Þingvalla á myndlist þjóðar-
innar. Gefin er út vegleg sýning-
arskrá þar sem Aðalsteinn
Ingólfsson, listfræðingur og sýning-
arstjóri, fjallar um gildi Þingvalla
fyrir íslenska myndlist og Birgir
Hermannsson, lektor við Háskóla
Íslands, greinir frá tengslum Þing-
valla við íslenska þjóðmenningu.
Sýningin stendur til 15. apríl.
Morgunblaðið/RAX
Þingvallamyndir Horft yfir sýningarsal Listasafns Reykjanesbæjar, með Þingvallamyndum í eigu Sverris Krist-
inssonar. Hér sjást m.a. verk eftir Gísla Jónsson, Jón Þorleifsson, Jóhann Briem, Eirík Smith og Magnús Tómasson.
Þingvellir málaðir
í allri sinni dýrð
 Sýning á Þingvallamyndum í eigu Sverris Kristinssonar
Hrafnabjörg Meðal verkanna á sýningunni er málverk eftir Jón Stefánsson.
Sverrir
Kristinsson