Morgunblaðið - 09.02.2018, Síða 41

MENNING 41
MORGUNBLAÐIÐ FÖSTUDAGUR 9. FEBRÚAR 2018
AF POPPSTJÖRNU
Helgi Snær Sigurðsson
helgisnaer@mbl.is
Öll spjót virðast nú standa á
Íslandsvininum Justin Timberlake,
poppstjörnu og kvikmyndaleikara
sem bæði hefur haldið tónleika hér
á landi og haldið upp á afmæli
eiginkonu sinnar í íslenskri nátt-
úru. Það blæs sannarlega ekki byr-
lega. Áður en Timberlake (köllum
hann JT til styttingar héðan í frá)
tróð upp í hálfleik hinnar marg-
frægu Ofurskálar, úrslitaleiks
bandarísku ruðningsdeildarinnar,
virtist heimurinn hossa honum. En
núna virðast allir vera á móti hon-
um. Hvað gerðist eiginlega?
Týndur í skóginum?
Fjallað er um þessa óvæntu
dýfu JT í ýmsum vestrænum fjöl-
miðlum og þeirra á meðal er vefur
breska ríkisútvarpsins, BBC. Er
þar bent réttilega á að vikan sem er
að líða hefði átt að vera með þeim
betri hjá popparanum léttfætta.
Fimmta hljóðversskífa hans kom
út, Man of the Woods nefnist hún,
Skógarmaður (eða Skóggangs-
maður?) og hefur einhvers mis-
skilnings gætt um nafngiftina.
Héldu margir að um kántríplötu
væri að ræða; skógar og kántrí
eiga einhverra hluta vegna vel
saman, en JT hefur upplýst að titill-
inn vísi bara í nafn sonar hans,
Silas, sem þýðir víst „af skógi kom-
inn“ eða eitthvað í þá veru. Átti
platan að vera afturhvarf til róta
kappans í Tennessee og var hennar
beðið með nokkurri eftirvæntingu,
í það minnsta meðal aðdáenda
popparans. Aðdáendur virðast hins
vegar fáir í röðum gagnrýnenda
sem hafa margir hverjir svo gott
sem jarðað plötuna.
BBC bendir á nokkra dóma. Í
dómi New York Times segi til að
mynda að nú renni brátt upp tólfta
ár þeirrar þjóðarblekkingar að JT
sé poppstjarna sem skipti einhverju
máli. Steregum líkir plötunni við að
yppa áhugalaus öxlum og Pitch-
fork er heldur ekki af skafa af því
og segir engrar undankomu auðið
frá lagatextunum og að stundum
veki þeir sömu tilfinningar og fólk
finni fyrir þegar það komi að
foreldrum sínum í samförum (!). Á
Metacritic hlýtur platan meðaltals-
einkunnina 53 af 100 mögulegum
sem þýðir að JT nær prófinu en
einkunnin er ekki glæsileg fyrir
heimsfræga poppstjörnu.
Stórhættulegt brjóst
Platan er þó ekki mál málanna
hvað JT varðar þessa vikuna held-
ur fyrrnefnt uppistand hans í Ofur-
skálinni. Tónlistaratriðið um mið-
bik skálarinnar er alltaf mikið
sjónarspil og JT kom nú fram í
þriðja sinn í skálinni og mun eng-
Slæm vika hjá JT
AFP
Kátur JT var í banastuði í hálfleik Ofurskálarinnar en gagnrýnendur voru ekki á einu máli um uppákomuna.
inn annar hafa troðið upp jafnoft. Í
eitt skiptið (fyrir 14 árum) afhjúp-
aði hann annað brjóst Janetar
Jackson (að sögn beggja óvart) en
slapp óskaddaður frá þeim hildar-
leik, ólíkt Jackson sem neyddist til
að biðjast afsökunar með mynd-
bandi til að lægja hneykslunaröld-
urnar í Bandaríkjunum. Oft veltir
lítið brjóst þungu hlassi!
En aftur að JT og Ofurskálinni
2018. Drengurinn virtist leggja sig
allan fram og víst er að langar og
strangar æfingar og flókið skipu-
lag lágu að baki atriðinu að vanda.
En gagnrýnendur voru margir
ósáttir og sá sem skrifaði fyrir
Time-tímaritið sagði JT hafa barist
við að tengjast áhorfendum sem
hefðu að stórum hluta engin tengsl
við tónlistina hans. Gagnrýnandi
Washington Post var líka ómyrkur
í máli og sagði að undir lokin hefði
fólk fundið greinilega fyrir því að
eitthvað „undirþyrmandi“ (smá
orðaleikur og nýyrðasmíði þar á
ferð) hefði átt sér stað. Tekið skal
fram að gagnrýnendur eru líka já-
kvæðir í garð JT, þó augljóslega
ekki þeir sömu og hér hafa verið
nefndir.
Vissi JT ekki af afstöðu
Prince til heilmynda?
Greinarhöfundur BBC segir
líklegt að JT velti því nú fyrir sér
hvað fór úrskeiðis og bendir rétti-
lega á að hvorugt sé sérstaklega
slæmt, þ.e. platan og atriðið í Of-
urskálinni. Hvort tveggja hafi bara
valdið örlitlum vonbrigðum og það
sé allt og sumt. Gagnrýnin nú á JT,
oft óvægin og í formi háðs, beri
þess merki að eitthvað annað og
meira búi að baki, einhvers konar
persónuleg gremja eða andúð á
popparanum sem megi mögulega
rekja til þess tíma er hann átti í ást-
arsambandi við aðra poppstjörnu,
Britney Spears, fyrir margt löngu.
Eftir að sambandinu lauk reyndi
JT að græða á Spears, gerði bæði
lög og myndbönd sem vísuðu í sam-
band þeirra og sagði í viðtölum að
hann hefði svipt hana meydómnum,
að því er fram kemur í grein BBC.
Allir hljóta að vera sammála um að
það hafi verið einkar ósmekklegt af
JT og niðurlægjandi fyrir Spears.
Að sama skapi má gera ráð
fyrir að Prince heitinn hafi tekið
nokkra snúninga í gröfinni þegar
JT ákvað að nota heilmynd af hon-
um í ofurskálaratriðinu og syngja
með honum dúett í „I Would Die 4
You“. Ekki er nóg með að valið á
laginu sé ósmekklegt („Ég myndi
deyja fyrir þig“, halló, JT!) heldur
sagði Prince líka eitt sinn að sér
þættu svona uppákomur, þ.e. þegar
tónlistarmenn troða upp með heil-
myndum af látnum kollegum, ákaf-
lega ósmekklegar og í raun djöf-
ullegar.
Líklega gekk JT gott eitt til en
hann hlýtur þó að hafa vitað af
afstöðu Prince, eða hvað? JT getur
einn svarað því og hefur auðvitað
varið þetta uppátæki sitt í vikunni,
sagt það tilkomið vegna einlægrar
aðdáunar sinnar á Prince.
JT er bæði dáður og djöf-
ullegur, að því er virðist, en sá sem
hér skrifar hefur ekkert út á plöt-
una eða skálaratriðið að setja,
hvort tveggja bara nokkuð gott. Og
kannski er þessi vika bara stormur
í skál? Eitt er þó víst: Þetta var
ekki besta vikan í lífi Justins
Timberlakes!
» Að sama skapi mágera ráð fyrir að
Prince heitinn hafi tekið
nokkra snúninga í gröf-
inni þegar JT ákvað að
nota heilmynd af honum
í ofurskálaratriðinu og
syngja með honum
dúett í „I Would Die 4
You“.
Hljómsveitin Kiriyama Family hef-
ur samið við enska bókanafyrirtæk-
ið International Talent Booking
(ITB) í London en margir þekktir
tónlistarmenn og hljómsveitir eru
eða hafa verið á samningi hjá því og
má þar nefna Adele, Bob Dylan,
Aerosmith, Neil Young og Paul
Simon.
Í tilkynningu segir að eftir
margra ára velgengni hljómsveit-
arinnar hér á landi sé hún nú
reiðubúin að gera víðreist. Hljóm-
sveitin skrifaði undir í janúar og er
ITB sagt eitt farsælasta bókunar-
fyrirtæki Evrópu. Sumarið fram
undan verður annasamt hjá Kiri-
yama Family, þriðja breiðskífa
hljómsveitarinnar er væntanleg og
tónleikaferð um Evrópu fram und-
an sem og ýmsar tónlistarhátíðir.
Umboðsmaður sveitarinnar verður
einn af stofnendum ITB, Barry
Dickens, en hann hefur m.a. starfað
með Neil Young og The Who.
Í útrás Hljómsveitin Kiriyama Family.
Kiriyama Family
semur við ITB
Ljósmynd/Hanna Siv Bjarnardóttir
ICQC 2018-20
Miðasala og nánari upplýsingar
5%
Sýnd kl. 7.50, 10.30 Sýnd kl. 3.50, 6
Sýnd kl. 10.40Sýnd kl. 8 Sýnd kl. 5
ÓDÝRT Í BÍÓ
TILBOÐ Á FYRSTU SÝNINGAR DAGSINS UM HELGINA.
ATH! TILBOÐSSÝNINGAR ERU MERKTAR MEÐ RAUÐU.
Sýnd kl. 3.50, 5.45
Sýnd kl. 8, 10.15
Tíska &
förðun
Fylgir Morgunblaðinu
föstudaginn 16. febrúar
Í Tísku og förðun verður fjallað um
tískuna í förðun, snyrtingu og fatnaði,
fylgihlutum auk umhirðu húðarinnar,
dekur og fleira
PÖNTUN AUGLÝSINGA:
Til kl. 16 föstudaginn 9. febrúar
NÁNARI UPPLÝSINGAR GEFUR:
Katrín Theódórsdóttir
Sími: 569 1105 kata@mbl.is
SÉRBLAÐ
–– Meira fyrir lesendur