Morgunblaðið - 09.02.2018, Blaðsíða 44

FÖSTUDAGUR 9. FEBRÚAR 40. DAGUR ÁRSINS 2018
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 608 KR. ÁSKRIFT 6.597 KR. HELGARÁSKRIFT 4.119 KR. PDF Á MBL.IS 5.851 KR. I-PAD ÁSKRIFT 5.851 KR.
1. Vegalokanir komnar úr böndunum
2. Flutti í sumarbústað í miðri kreppu
3. Grófu upp lík föðurins
4. Grímuklæddur maður réðst á 13 ára …
»MEST LESIÐ Á mbl.is
FÓLK Í FRÉTTUM
 Reykjavík Kabarett kemur fram í
fyrsta sinn á Akureyri í kvöld og ann-
að kvöld í Gamla samkomuhúsinu.
Kabarettinn blandar saman burl-
esque, kabarett, sirkuslistum, dragi
og töfrum og fullorðinsbröndurum
þannig að úr verður skrautlegt púslu-
spil skemmtiatriða úr ýmsum áttum.
Ljósmynd/Lilja Draumland
Reykjavík Kabarett
sýnir á Akureyri
 Lea Kampmann
og Meejah halda
saman tónleika í
Mengi í kvöld kl.
21. Meejah er
dönsk-kóresk og
vinnur tónlist sína
með skírskotun til
kóreska fánans,
þar sem himin,
haf, hringrás, sólina, suðrið og frjó-
semi er m.a. að finna, í svokölluðu
Taegeuk-tákni. Kampmann er fær-
eysk og hefur vakið athygli að und-
anförnu í heimalandinu fyrir nýút-
komna plötu sína Common Blue.
Kampmann og Meejah
saman í Mengi
 Ahhh … nefnist nýtt leikverk leik-
hópsins RaTaTam, í leikstjórn Char-
lotte Bøving, sem frumsýnt verður í
Tjarnarbíói í kvöld kl. 20.30. Hóp-
urinn lýsir verkinu sem ljóðrænum,
fyndnum og kynþokka-
fullum kabarett um vegi
og vegleysur ástarinnar
og vann hann út frá
textum Elísabetar Jök-
ulsdóttur þar sem löng-
un manneskjunnar eft-
ir ást er í forgrunni.
Ahhh … unnið út frá
textum Elísabetar
Á laugardag Norðaustanhvassviðri eða stormur, fyrst eystra, en
síðan nyrðra. Vaxandi norðvestanátt syðra og vestra, víða stormur
seinnipartinn, jafnvel rok syðst. Snjókoma í flestum landshlutum.
SPÁ KL. 12.00 Í DAG Suðvestlæg átt, 4-15 m/s, víða með éljum,
en léttskýjað á Norðaustur- og Austurlandi. Frost 0 til 8 stig. Geng-
ur í austanstorm með snjókomu syðst á landinu í kvöld.
VEÐUR
Framarar komu gríðar-
lega á óvart í gærkvöld
með því að vinna stór-
sigur á toppliði Olísdeild-
ar karla, FH, í átta liða úr-
slitum bikarkeppninnar í
handknattleik. Haukar
lögðu bikarmeistara Vals
á sannfærandi hátt á Ás-
völlum en Selfyssingar
lentu í miklu basli með
Þrótt og unnu að lokum
ævintýralegan sigur.
»2-3
FH og Valur úr
leik í bikarnum
„Við höfum skoðað upptökur af
nokkrum af nýjustu leikjum Ramhat
Hashron og það fer ekki á milli mála
að um er að ræða fínt lið. Leikmenn-
irnir eru líkamlega sterkir. Þeir eru
flestir ungir og greinilega mjög vel
þjálfaðir,“ segir Arnar Pét-
ursson, þjálfari karla-
liðs ÍBV í handknatt-
leik, um ísraelska
mótherja sína í Evr-
ópukeppninni en
liðin mætast í Vest-
mannaeyjum á morg-
un. » 1
Þetta eru ungir leik-
menn og vel þjálfaðir
Haukar eru einir á toppnum í Dom-
inos-deild karla í körfuknattleik eftir
þægilegan sigur gegn Hetti á Egils-
stöðum í gærkvöld. Tindastóll vann
Keflavík í sveiflukenndum leik og
Stjarnan styrkti stöðu sína í barátt-
unni um sæti í úrslitakeppninni með
sigri á Val. Staða Þórs frá Akureyri í
fallbaráttunni er orðin slæm eftir
ósigur í Njarðvík. »2-3
Haukar eru einir í efsta
sæti í körfuboltanum
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Steinþór Guðbjartsson
steinthor@mbl.is
Þýski íslenskufræðingurinn Claudia
Andrea Werdecker lætur sér ekkert
fyrir brjósti brenna og hefur í tæp tvö
ár séð um allt sem viðkemur Hríseyj-
arbúðinni auk þess sem hún er í
þriggja manna stjórn verslunarinnar.
„Búðin er starf mitt og helsta áhuga-
mál,“ segir Claudia sem var í fríi í
Þýskalandi og Danmörku á dögunum,
fór á skíði og notaði tækifærið og
kynnti sér sambærilegan rekstur á
dönsku eyjunni Lyö.
Um 100 manns búa í Hrísey í Eyja-
firði, miðbæ Akureyrar, eins og sumir
kalla eyjuna, sem er rómuð fyrir nátt-
úrufegurð og fuglalíf. Fáir gestir eru
þar á ferli á veturna en straumurinn
eykst á sumrin og heimamenn stofn-
uðu félag um verslunina fyrir tæplega
þremur árum. „Búðin er aðal-
samkomustaðurinn í eyjunni og skiptir
okkur eyjarskeggja miklu máli,“ segir
Claudia. Hún bendir á að byggðaþró-
unarverkefnið „Brothættar byggðir“
hafi styrkt Hríseyjarbúðina talsvert
undanfarið og er bjartsýn á fram-
haldið. Þjónustan skipti alla máli og
rætt hafi verið um að bæta við kaffi-
húsi í sumar.
Með marga hatta á Íslandi
Claudia er frá bænum Welden í
Þýskalandi. Hún lærði norræn fræði í
München og fór í skiptinám í Háskóla
Íslands 2010. „Á sama tíma var ég að-
stoðarkennari í íslensku fyrir erlenda
stúdenta,“ segir hún og brosir út í ann-
að. Hún talar reyndar mjög góða ís-
lensku, betur en margir innfæddir,
lærði hana í háskólanum í München
áður en hún kom fyrst til landsins. „Ég
byrjaði í norsku en fannst íslenskan
skemmtilegri því hún er flóknari,“ út-
skýrir Claudia, sem skrifaði MA-
ritgerð að mestu leyti í Reykjavík, fór í
leiðsögumannaskóla hérlendis og hef-
ur starfað hér sem leiðsögumaður, tók
meiraprófið og hefur unnið sem rútu-
bílstjóri auk þess sem hún hefur verið
sölumaður á ferðaskrifstofu.
Auglýsing varð til þess að Claudia
flutti til Hríseyjar. Hún hafði aldrei
komið á svæðið, sótti samt um, var
boðuð í viðtal á afmælisdaginn sinn 28.
febrúar 2016, fékk starfið og segir að
það henti sér vel, en vissulega sé öðru-
vísi að búa í svona fámenni en í
Reykjavík.
„Mér líður vel í Hrísey og það er
æðislegt að búa hérna. Hér þekkja all-
ir alla, fólk hittist í búðinni og ég sé
flesta íbúana nær daglega.“
Hún segir að nálægðin geti samt
stöku sinnum verið erfið og íbúar eigi
jafnvel ekkert einkalíf á stundum.
„Fólk veit jafnvel meira um mig en ég
sjálf. Þannig gekk til dæmis sú saga
um daginn að ég væri ólétt en þegar
ein konan sagði mér það kom ég af
fjöllum!“
Claudia leggur samt áherslu á að
nálægðin eigi fleiri góðar hliðar og íbú-
arnir séu sérlega hjálpsamir og góðir.
„Samfélagið í Hrísey er mjög gott,“
segir andlit svæðisins.
Claudia andlit Hríseyjar
 Hríseyjarbúðin
starf og yndi ís-
lenskufræðingsins
Ljósmyndir/Ómar Þór Guðmundsson
Í Hrísey Claudia Andrea Werdecker sér um Hríseyjarbúðina og kann sérlega vel við sig á staðnum.
Hríseyjarbúðin Claudia stendur vaktina og hittir flesta íbúana daglega.