Morgunblaðið - 20.02.2018, Page 1

Þ R I Ð J U D A G U R 2 0. F E B R Ú A R 2 0 1 8
Stofnað 1913  43. tölublað  106. árgangur 
BAKLANDIÐ
ER ANSI
STERKT MAGNAÐAR MÚSÍKPERLUR
KÓRINN ER
EINS OG
FJÖLSKYLDA
KAMMERTÓNLEIKAR bbbbm 31 KVENNAKÓR SUÐURNESJA 12ICELAND AIRWAVES 30
Morgunblaðið/Árni Sæberg
Flugvöllur Nýja hverfið á að rísa milli
flugbrautarinnar og byggðar í Skerjafirði.
 Nauðsynlegt getur reynst að fara
í umfangsmikla hreinsun áður en
ný íbúðarbyggð rís við Skerjafjörð.
Vitað er að mikil olíumengun er í
jarðvegi þar sem athafnasvæði
Skeljungs var á árum áður.
Þetta kemur fram í umsögn Heil-
brigðiseftirlits Reykjavíkur um for-
sögn að rammaskipulagi fyrir nýja
byggð í Skerjafirði.
Áætlanir gera ráð fyrir að allt að
1.400 íbúðir rísi á svæðinu auk
20.000 fermetra atvinnu- og þjón-
ustuhúsnæðis. Húsin verða 2-5 hæð-
ir. Rannsóknir sem gerðar voru ár-
ið 1998 leiddu í ljós að á lóðinni var
talsvert af dísilolíu, bensíni og
steinolíu/þotubensíni í jarðvegs-
sýnum. Einnig er þar að finna olíu-
úrgang. »18
Fjarlægja þarf olíu
áður en nýtt hverfi
rís í Skerjafirði
Helgi Bjarnason
Þorgerður Anna Gunnarsdóttir
Skjálftahrinur eru algengar á Gríms-
eyjarbeltinu, en hrinur af svipaðri
stærð og sú sem nú stendur yfir urðu
til dæmis í maí og september 1969,
um jólaleytið 1980, í september 1988
og í apríl 2013. Ragnar Stefánsson
jarðskjálftafræðingur segir að gliðn-
unaratburður eins og nú á sér stað við
Grímsey reyni á umhverfið og geti ýtt
undir stærri skjálfta norðan eða
sunnan við gliðnunina. Hann vill þó
ekki spá skjálfta, en segir jarðvísinda-
menn lengi hafa búist við skjálfta af
stærðinni 6,5 á Skjálfandaflóa.
„Opnunin kemur neðan frá. Sjálf-
sagt eru í þessu einhverjar léttar
kvikur sem flæða inn og ýta undir
spennulosun. Kvikuhreyfingarnar
eru það djúpt að þær eru ekki líklegar
til að valda eldgosi en þær geta verið
fæðuefni fyrir jarðhitasvæðin. Þekkt
jarðhitasvæði er austur af Grímsey,
þarna skammt frá,“ segir Ragnar.
Vísindamenn Veðurstofu Íslands
og Jarðvísindastofnunar Háskólans
svara spurningunni um það hvort
skjálftavirknin tengist kvikuhreyf-
ingum í jarðskorpunni á þann hátt að
ekki hafi greinst skjálftavirkni sem
líkist þeirri sem þekkt er í tengslum
við kvikuhreyfingar.
Íbúar halda ró sinni
Íbúar í Grímsey fengu upplýsinga-
bréf frá Viðlagatryggingum í gær. Jó-
hannes Henningsson, formaður
hverfisráðs í Grímsey, segir íbúa hafa
gert ráðstafanir en séu rólegir. „Mað-
ur vonar að þetta fari að ganga hjá, en
ég held ekki að það sé óróleiki í fólki.
Við höfum nú séð þetta áður þó að
þetta sé óvanalega mikið.“
Aðspurður segir hann gott að vita
af því að vel sé fylgst með gangi mála
á svæðinu. „Óvissustigi var lýst yfir,
sem er ekkert til að gera fólk hrætt,
heldur er fylgst betur með okkur.“
Búist við enn stærri skjálfta
 Jarðvísindamenn búast við jarðskjálfta upp á 6,5 á Skjálfandaflóa  Fjórir stórir
skjálftar urðu á svæðinu á 20. öld  Gliðnun jarðskorpu og jafnvel kvikuhreyfingar
MSkjálftahrina við Grímsey »6
Morgunblaðið/Ófeigur
ASÍ Gylfi Arnbjörnsson segir enn
óljóst hvort samningarnir haldi.
Ómar Friðriksson
Þorgerður Anna Gunnarsdóttir
Þau fjórtán aðildarfélög BHM sem
gengu frá endurnýjun kjarasamn-
inga við samninganefnd ríkisins á
dögunum hafa nú samþykkt samn-
ingana.
Þegar Morgunblaðið leitaði við-
bragða hjá Gylfa Arnbjörnssyni, for-
seta ASÍ, um það hvaða forsendur
þetta setti fyrir endurskoðun kjara-
samninga á almennum vinnumarkaði,
sagði hann að meta þyrfti stöðuna.
„Við höfum ekkert um það að segja
svo sem, það er fjöldi félaga sem ekki
eru búin að semja.“
Umræddir samningar BHM kveða
á um rúmlega 4% launahækkun auk
70 þúsund króna eingreiðslu.
Aðspurður sagði Gylfi að ákvörðun
hefði ekki verið tekin um það hvort
kjarasamningum yrði sagt upp um
mánaðamótin. Forsendunefnd, sem
skipuð er fulltrúum ASÍ og SA hefur
nú átta daga til stefnu til þess að
ákveða hvort kjarasamningum verði
sagt upp, en í síðustu viku viður-
kenndi Gylfi að viss spenna væri að
hlaðast upp hjá stéttarfélögum. »4
Alls óákveðið hjá ASÍ
 14 aðildarfélög BHM samþykktu nýgerða samninga
Björgunarsveitin Garðar á Húsavík boðaði sitt
fólk á kynningu með stuttum fyrirvara í gær.
„Við vorum bara að undirbúa okkar menn,“
segir Hjálmar Bogi Hafliðason hjá Garðari.
Hann segir mikilvægt að fólk kynni sér til
hvers sé ætlast af björgunarsveitarfólki þegar
óvissustigi er lýst yfir, hvað þá neyðar- og hættu-
stigi. „Nú dustum við rykið af búnaði og áætl-
unum og höfum síma og talstöðvar í hleðslu.“
Björgunarsveitin Garðar á Húsavík við öllu búin
Morgunblaðið/Hafþór Hreiðarsson
 Strætó bs. reiknar 50 þúsund
króna sektir á vagn á kínverska
rafbílaframleiðandann Yutong
Eurobus fyrir hvern dag sem af-
hending strætisvagna frá fyrirtæk-
inu dregst.
Strætó hefur samið við kínverska
fyrirtækið um kaup á 13 rafmagns-
strætisvögnum fyrir samtals 880
milljónir króna. Áttu níu þeirra að
afhendast á síðasta ári en enginn
þeirra er kominn til landsins.
Jóhannes Rúnarsson, forstjóri
Strætó, segir að upphæð dagsekt-
anna standi í um það bil 110 millj-
ónum króna. Hugsanlega verði þó
samið um þessa fjárhæð. »4
Háar dagsektir
vegna rafvagna
Bönkum hefur verið óheimilt að lána
gegn veði í eigin hlutabréfum frá
árinu 2010. Hið sama gildir um aðra
samninga sé undirliggjandi áhætta á
eigin bréf þeirra. Þetta kemur fram í
svari frá Fjármálaeftirlitinu við fyr-
irspurn Morgunblaðsins.
Stefnt er að því að skrá Arion
banka á hlutabréfamarkað, væntan-
lega í vor á Íslandi og í Svíþjóð. Auk
þess er stefnt að skráningu fjárfest-
ingabankans Kviku á First-North-
hliðarmarkaðinn í ár. Af þeim sökum
vaknar meðal annars spurningin
hvort mögulegt verði að fjárfesta í
bankanum með lánum frá honum
sjálfum, líkt og tíðkaðist meðal bank-
anna á árunum fyrir hrun. Eins og
fyrr segir hefur verið spornað við því
með lagabreytingum.
Fram kemur í breyttum lögum frá
2010 að fármálafyrirtækjum sé
óheimilt að veita stjórnarmanni,
framkvæmdastjóra, lykilstarfs-
manni eða þeim sem á virkan eignar-
hlut í þeim, eða aðila í nánum
tengslum við framangreinda, lán eða
aðra fyrirgreiðslu, sem teljist
áhættuskuldbinding, nema gegn
traustum tryggingum. »16
Girt fyrir lán gegn
veðum í eigin bréfum