Morgunblaðið - 20.02.2018, Page 30

30 MENNING
MORGUNBLAÐIÐ ÞRIÐJUDAGUR 20. FEBRÚAR 2018
TVÆR SÍÐUSTU
VÉLARNAR Á
TILBOÐSVERÐI
745
www.VBL.is REYKJAVÍK
Krókháls 5F
110 Reykjavík
Sími: 414-0000
AKUREYRI
Baldursnes 2
603 Akureyri
Sími: 464-8600
VERÐ MEÐ SKÓFLU kr. 3.698.000 án vsk.
Verð miðast við gengi EUR 125
700 lína fjölnotatækjanna
frá Avant er nú framleidd
með nýju og endurhönnuðu
vökvakerfi.
HÉR ER Á FERÐINNI MJÖG AFLMIKIL VÉL
Í ÞESSUM STÆRÐARFLOKKI OG MEÐ
GÓÐUM BÚNAÐI
TIL AFGREIÐSLU
STRAX
Á EINSTAKLEGA HAGSTÆÐU VERÐI
Helgi Snær Sigurðsson
helgisnaer@mbl.is
Sena Live hefur gengið frá kaupum á
tónlistarhátíðinni Iceland Airwaves
(IA), eins og greint hefur verið frá í
Morgunblaðinu og mun Ísleifur Þór-
hallsson, framkvæmdastjóri Senu
Live, jafnframt gegna starfi fram-
kvæmdastjóra hátíðarinnar á þessu
ári en hún verður haldin 7.-10. nóv-
ember. Tekur hann við starfinu af
Grími Atlasyni
sem stýrt hefur
IA í átta ár en há-
tíðin hóf göngu
sína árið 1999.
Icelandair
verður áfram
helsti styrktarað-
ili hátíðarinnar og
mun styðja við
markaðssetningu
hennar og
Reykjavíkurborg
mun einnig styrkja hana. Þeir tónlist-
armenn og hljómsveitir sem hug hafa
á að koma fram á hátíðinni geta sótt
um frá og með 1. mars næstkkom-
andi. Hátíðin í ár verður sú tuttug-
asta í röðinni og Útflutnings-
skrifstofa íslenskrar tónlistar,
ÚTÓN, mun sjá um ráðgjöf varðandi
erlenda fjölmiðla og fagaðila, ráð-
stefnuhluta hátíðarinnar og tengsla-
myndun íslenskra tónlistarmanna og
fulltrúa alþjóðlega tónlistargeirans.
„Kunnum þetta ágætlega“
Hátíðin hefur verið rekin með tapi
síðustu tvö ár og er það ein af áskor-
unum Senu Live að snúa við þeirri
þróun. Ísleifur er spurður að því hvað
Sena Live geti gert betur en aðrir
þegar kemur að skipulagi og rekstri
IA. „Ég veit ekki hvað við getum gert
betur en aðrir en Airwaves er menn-
ingarapparat á Íslandi sem öllum
þykir rosalega vænt um, maður finn-
ur það strax. Hátíðin er búin að vera
til í 20 ár og maður gerir sér grein
fyrir því þegar maður tekur við henni
að henni fylgja alls konar skyldur,“
svarar Ísleifur. „Við viljum ná breiðri
samstöðu um þetta, hitta fyrrverandi
starfsfólk hátíðarinnar og styrktar-
og samstarfsaðila og fá þeirra skoð-
anir á því hvernig eigi að gera þetta.
En við erum a.m.k. vanir því að halda
viðburði og búnir að læra „the hard
way“ hvernig eigi að gera þetta, er-
um með ágætis kerfi og mjög gott
teymi sem hefur verið að vinna með
okkur síðastliðin tíu ár. Ég er búinn
að vera í þessu í rúmlega tuttugu ár
og við kunnum þetta ágætlega, erum
með góð sambönd og gott innra
skipulag uppi í Senu hvað varðar bók-
hald, fjármál, markaðsmál og svoleið-
is og ansi sterkt bakland. Og það er
kannski helsti munurinn á okkur og
öðrum tónleikahöldurum, að bak-
landið er ansi sterkt.“
– Þú nefndir að hátíðinni fylgi
skyldur, hverjar eru þær helstu?
„Airwaves byrjaði sem „show
case“ hátíð til að koma íslensku tón-
listarfólki á framfæri og draga til
landsins erlenda bransann og vekja
athygli á íslensku tónlistarfólki er-
lendis. Tilgangurinn er annars vegar
að styrkja íslenskt tónlistarlíf og hins
vegar að draga ferðamenn til lands-
ins utan háannatíma. Þannig að
styrkir frá Reykjavíkurborg og Ice-
landair eru auðvitað háðir því að
þessar skyldur séu ræktar, þessir að-
ilar vilja vera vissir um að við ætlum
að taka þetta alvarlega og auðvitað
gerum við það. Icelandair er búið að
staðfesta áframhaldandi samstarf og
allir hinir eru jákvæðir, nú förum við í
það að hitta alla hina styrktaraðilana
og reyna að ganga frá nýjum samn-
ingum við þá,“ svarar Ísleifur.
Breytingar nauðsynlegar
Hvað breytingar á hátíðinni varðar
segir Ísleifur að mögulega verði þeir
einhverjar þar sem reksturinn hafi
verið þungur og erfiður síðustu tvö
ár. „En við þurfum að gera þær í sátt
og samlyndi við bransann, við tónlist-
argeirann og fólk þarf að skilja af
hverju við erum að gera þessar
breytingar, af því reksturinn gekk
ómögulega síðastliðin tvö ár og því er
óhjákvæmilegt að endurskoða allt
skipulag og alla framkvæmd frá
grunni með það fyrir augum að ná
rekstrinum a.m.k. á núllið,“ útskýrir
Ísleifur.
– Máttu segja nánar frá þeim
breytingum, hvernig þið ætlið að
snúa þessum taprekstri við?
„Það er kannski aðeins of snemmt
að gefa einhverjar yfirlýsingar, það
þarf að ræða fyrst við alla þessa aðila
en eitt af því sem þarf að skoða er
þessi „off venue“ sprengja. Það eru
50 „off-venue“ staðir og rétt rúmlega
tíu opinberir, salan hefur farið
minnkandi síðastliðin tvö ár og hluti
ástæðunnar getur verið að búið sé að
kenna fólki að það geti tekið Airwa-
ves helgina með trompi án þess að
kaupa armband. Og það er ekki gott.
Við þurfum að ræða við þessa aðila og
fara yfir hvernig hægt sé að gera
þetta sanngjarnt fyrir alla. Hátíðin
býr til miklar tekjur fyrir marga aðila
en reksturinn á henni er vondur. Við
þurfum að ræða við alla um hvernig
við getum lagað þetta, það gengur
ekki til lengdar að hátíðin sé alltaf að
skíttapa en allir aðrir að græða,“
svarar Ísleifur en til skýringar eru
„off-venue“ tónleikar haldnir á stöð-
um sem aðgangur er ókeypis, t.d.
kaffihúsum, og eru ekki hluti af aðal-
dagskrá hátíðarinnar sem krefst þess
að gestir séu með aðgangsarmbönd.
Atriðum gæti fækkað
Icelandair verður, eins og áður
sagði, áfram helsti styrktaraðili há-
tíðarinnar og mun bæði styrkja hana
með flugmiðum og fjárframlögum.
Ísleifur segir samstarfið við Ice-
landair skipta miklu fyrir hátíðina.
„Það var grundvallarforsenda að fyr-
irtækið yrði áfram styrktaraðili og
það sama á við um aðra styrktaraðila,
það er grundvallaratriði að þeir haldi
áfram,“ segir hann og nefnir sér-
staklega Reykjavíkurborg sem mik-
ilvægan samstarfs- og styrktaraðila.
– Nú velta eflaust margir fyrir sér
hvort íslensk tónlist verði enn stærri
hluti af dagskránni en áður með þess-
um breytingum á rekstri hátíðar-
innar. Verður hún það?
„Við erum örugglega að fara svolít-
ið „back to basics“, rifja upp hvernig
og af hverju hátíðin varð til, hver
hennar tilgangur sé og hver hennar
sérstaða miðað við aðrar hátíðir og
það er auðvitað tengingin við íslensku
atriðin, allur þessi fjöldi íslenskra at-
riða. Þau hafa í fjölda talið verið um
80%, að ég held, það voru 200 atriði
síðast og þar af 160 íslensk. Þessi
hlutföll eru svo sem allt í lagi og við
ætlum bara að halda þeim og styrkja,
ef eitthvað er. Það getur vel verið að
atriðum fækki eitthvað en við ætlum
bara að reyna að bóka betur þannig
að jafnvel þó atriðum fækki virki há-
tíðin jafnstór og jafnspennandi fyrir
gestina. Við viljum ekki gera breyt-
ingar sem minnka söluna, við viljum
gera breytingar sem auka hana. Það
er örugglega tækifæri til að skera
niður hér og þar og það getur vel ver-
ið að íslensku böndunum og þeim er-
lendu fækki eitthvað en við viljum
gera tilraun til að gera það á þann
hátt að hátíðin sé meira spennandi og
heildstæðari, ef eitthvað er. Það er
hægara sagt en gert en við ætlum að
reyna það.“
Harpa ólíklegur tónleikastaður
– Hvað með tónleikastaði? Nú var
Harpa nánast út úr myndinni í fyrra,
ætlið þið að reyna að halda sömu tón-
leikastöðum og voru á hátíðinni þá?
„Við byrjum þar sem þetta endaði
síðast og förum yfir hvernig þetta
gekk allt. Ég held að „official“ stað-
irnir séu fínir en við þurfum að skoða
„off venue“ staðina,“ svarar Ísleifur.
Hann hafi mikla reynslu af Hörpu
sem tónleikastað og hún henti ekki
hvaða tónleikum sem er. „Hún er þó-
nokkuð dýrari en allir aðrir staðir og
allt inni í henni er dýrara en annars
staðar. Ég er ekki þar með að gagn-
rýna Hörpu en þetta er einfaldlega
ofsalega fínt og flókið hús, stórt og
mikið með mikinn kostnað sem þýðir
bara að þetta er ekki staður fyrir
hvaða tónleika sem er. Ég sé ekki
fram á að Airwaves hafi efni á Hörpu
sem tónleikastað en ég þarf að hitta
þau og setjast yfir þetta allt með
þeim,“ segir Ísleifur. Fjárhagslega sé
ólíklegt að það gangi upp.
– Það er í mörg horn að líta hjá þér
og eitt þeirra eru greiðslur til lista-
manna. Þarf ekki að skoða þau mál
vel og fyrirkomulagið á þeim?
„Jú, við þurfum að setjast yfir það,
hvað er eðlilegt að borga þeim og
ÚTÓN er áfram með okkur sem sam-
starfsaðili, mun sjá um ráðstefnu-
hlutann áfram m.a. og við þurfum
bara að tala við bransann, ræða þessi
mál.“
Mikilvægur sýningargluggi
– Það hefur verið mikilvægur hluti
af hátíðinni að bjóða fjölda erlendra
fjölmiðlamanna og fólki úr tónlistar-
bransanum á hana sem hefur skilað
sér í því að hátíðin er orðin vel þekkt
erlendis og íslenskt tónlistarfólk hef-
ur fengið tækifæri á erlendri grundu.
Þurfið þið ekki að halda því áfram?
„Jú, ekki spurning og það kemur
inn á að fara „back to basics“ og finna
ræturnar og hjartað. Þetta byrjaði
sem sýningargluggi fyrir íslenska
tónlist og það er mjög mikilvægt að fá
erlenda bransann til landsins og þar
erum við í samstarfi við ÚTÓN, með
ráðstefnuhlutann og allt það, í því að
tengja tónlistarfólkið við bransann,“
segir Ísleifur. Hann hafi kynnst því af
eigin raun, m.a. í samskiptum sínum
við umboðsmenn erlendis, hversu
þekkt hátíðin sé og sterkt vörumerki.
„Menn bera mikla virðingu fyrir
þessari hátíð og maður finnur fyrir
velvild alls staðar gagnvart henni.“
– Þú verður framkvæmdastjóri
fram yfir hátíðina í ár en svo tekur
annar við, eða hvað?
„Ja, það er stefnan, hefur ekki ver-
ið endanlega ákveðið en við sjáum
þetta svona fyrir okkur, að ég geti að-
eins bakkað út eftir fyrstu hátíð og að
við getum svo ráðið annan fram-
kvæmdastjóra til að stjórna dag-
legum rekstri hátíðarinnar. En við
sjáum bara hvernig það gengur,“
segir hinn tvöfaldi framkvæmda-
stjóri, léttur í bragði.
„Baklandið er ansi sterkt“
 Breytinga má vænta á skipulagi Iceland Airwaves svo snúa megi við taprekstri síðustu tveggja ára
 Til greina kemur að fækka „off-venue“ tónleikum  Leitað í ræturnar og hjarta hátíðarinnar
Morgunblaðið/Eggert
Hættur Grímur Atlason plokkaði bassann á tónleikum með Dr. Gunna á Iceland Airwaves í fyrra. Grímur sagði
starfi sínu lausu sem framkvæmdastjóri Iceland Airwaves fyrr í þessum mánuði eftir átta ára starf.
Ísleifur
Þórhallsson
Vefsíða Iceland Airwaves:
icelandairwaves.is