Morgunblaðið - 07.03.2018, Side 11

NÝTT NÝTT
Verið velkomin
• Peysur
• Bolir
• Túnikur
• Vesti
• Leggings
• Kjólar
• Kvartbuxurnar
komnar í 4 litum
Vinsælu heimagallarnir
alltaf til í mörgum litum
og í stærðum S-4XL
Álfheimum 74, 104 Rvk, sími 568 5170
HEYRNARSTÖ‹INKringlunni • Sími 568 7777 • heyra.is
exton™ heyrnartækin opna nýjar leiðir í samskiptum
g auka lífsgæðin. Komdu í ókeypis heyrnarmælingu
g fáðu heyrnartæki lánuð til reynslu.
Við hjálpum þér
að bæta lífsgæðin
R
o
o
FRÉTTIR 11Innlent
MORGUNBLAÐIÐ MIÐVIKUDAGUR 7. MARS 2018
Aðalfundur Samtakanna ’78 fór
fram um síðustu helgi. Þar var
stjórn kosin til næstu tveggja ára og
var María Helga Guðmundsdóttir
endurkjörin formaður með öllum
greiddum atkvæðum.
Fjölbreytt starf fer fram á vegum
samtakanna en hápunktur ársins
verður í vor þegar 40 ár verða liðin
frá stofnun Samtakanna ’78.
Í ræðu sinni á fundinum sagði
María að á þessum árum hefði náðst
ótrúlegur árangur í baráttu hinsegin
fólks fyrir mannréttindum. Í þá
daga hefðu viðhorfin í þjóðfélaginu
verið slík að margir neyddust til að
flýja land undan ofsóknum. Síðan
hefði margt breyst, nú leitaði hingað
fólk eftir alþjóðlegri vernd vegna
kynhneigðar eða kynvitundar og
stjórnvöld væru með það yfirlýsta
markmið að koma Íslandi í fremstu
röð í réttindamálum hinsegin fólks.
„Um leið og við gleðjumst yfir
árangri í baráttunni er margt sem
minnir okkur á að halda baráttunni
áfram. Líkamsárás á homma í mið-
borg Reykjavíkur og hatursfull um-
mæli á samfélagsmiðlum sem leggja
hinsegin fræðslu og barnaníð að
jöfnu minna okkur á að fordómar og
hatur þrífast allt of víða í samfélag-
inu,“ sagði María m.a. í ræðu sinni.
Bætti hún við að þótt meðvitund
og viðurkenning á trans og intersex
fólki færi vaxandi í íslensku sam-
félagi væru nauðsynlegar réttar-
bætur fyrir þessa hópa enn ekki í
höfn. bjb@mbl.is
Samtökin ’78 fagna 40 árum
 Formaðurinn segir fordóma og hatur þrífast allt of víða
Skipulags- og byggingarráð Hafn-
arfjarðarbæjar hefur boðað til
kynningarfundar miðvikudaginn
14. mars nk. þar sem framtíðarsýn
hverfisins Hraun-Vestur verður
kynnt. Fundurinn verður í Bæj-
arbíói og hefst kl. 20.
Á hönnunarstiginu hefur hverfið
fengið viðurnefnið „Fimm mín-
útna“ hverfið. Hugmyndin gengur
út á að íbúar geti fengið flesta þjón-
ustu í fimm mínútna göngufjarlægð
frá miðju hverfisins, segir í tilkynn-
ingu um fundinn.
Þar segir ennfremur að í hverf-
inu muni kveða við nýjan tón í
skipulagsmálum þar sem áhersla
verði lögð á góða blöndun íbúð-
arbyggðar, þjónustu, létts iðnaðar,
verslana, skóla, dagvistunar- og frí-
stundasvæða. Bílastæði og bíla-
stæðahús verða undir byggðinni að
miklu leyti og útfærslur eru á götu-
mynd að norrænni fyrirmynd, á
sama tíma og aðgengi að almenn-
ingssamgöngum sé eins og best
verður á kosið.
Hugmyndin að Hraun-Vestur
hefur verið í þróun í nokkur ár.
„Unnið hefur verið að þessum
hugmyndum allt kjörtímabilið. En
þar er leitast við að mæta kröfum
nýrra kynslóða sem eru að fara að
koma sér upp heimili en um leið
spennandi kostur fyrir fólk sem er
komið á þann stað í lífinu að vilja
minnka við sig og hafa viðhald í
lágmarki og vera í nálægð við mið-
bæjarþjónustustig. Hraun-Vestur
er ekki bara ný framtíðarsýn held-
ur er hverfið ef af verður nýtt
glæsilegt andlit Hafnarfjarðar,“
segir m.a. í tilkynningu frá Hafn-
arfjarðarbæ.
Fimm mínútna hverfi
mótast í Hafnarfirði
 Kynningarfundur um Hraun-Vestur
Ágúst Ingi Jónsson
aij@mbl.is
Kraftur kemst væntanlega í hrogna-
vinnslu upp úr miðri vikunni, en um
tvær vikur gætu verið eftir af loðnu-
vertíð. Í gær voru skipin dreifð um
Faxaflóa við leit og veiðar, frá Garð-
skaga og norður undir Malarrif. Á
mánudag var yfirleitt lítið að sjá og
„kaldaskítur“ á miðunum, en bæði í
gær og í fyrradag náðu einhverjir
þokkalegum köstum. Loðnu hefur
verið víða að sjá, en hún virðist ekki
hafa þétt sig í flekki eða stórar torfur
eins og hún gerði í fyrravetur.
Hrognavinnsla byrjaði hjá HB
Granda fyrir helgi og voru unnin
svokölluð iðnaðarhrogn. Hrogna-
vinnsla er einnig hafin í Vestmanna-
eyjum og hjá Síldarvinnslunni og
Eskju er beðið eftir að fyrstu skipin
komi með farma til vinnslu hrogna.
Enn óvissa um verð
Loðnan er unnin í marga afurða-
flokka og auk lýsis og mjöls er hún
fryst fyrir ólíka markaði í Austur-
Evrópu og Asíu eftir stærð loðnunn-
ar, hrognafyllingu og þroska hrogna.
Síðustu daga vertíðar er hrogna-
vinnsla til manneldis síðan alls ráð-
andi, en hrognin eru verðmætasta
afurð loðnunnar.
Nokkur óvissa er um verð fyrir
hrognin og einhverjar birgðir eru í
landinu síðan í fyrra. Oft er ekki
samið um endanlegt verð fyrr en að
lokinni vertíð þegar fyrir liggur hver
framleiðslan er. Útgerðarmaður sem
rætt var við í gær sagði að ekki væri
ólíklegt að seljendur og kaupendur
myndu hittast og ræða málin á sjáv-
arútvegssýningunni í Brussel 24.-26.
apríl.
Eftir aukningu í byrjun febrúar
var heildaraflamark á loðnu við Ís-
land í vetur ákveðið 285 þúsund
tonn. Af þeim kvóta koma alls
185.575 tonn í hlut Íslendinga. Sam-
kvæmt yfirliti á vef Fiskistofu er bú-
ið að landa 113 þúsund tonnum, en
eitthvað kann að vanta inn í þær töl-
ur.
Sérstök vertíð í fyrra
Í fyrra komu 196 þúsund tonn í
hlut íslenskra veiðiskipa og náðist sá
afli allur. Útflutningsverðmæti var
þá áætlað um 17 milljarðar króna.
Vertíðin í fyrra var að mörgu leyti
sérstök, því skipin héldu ekki til
veiða fyrr en að loknu sjómanna-
verkfalli 20. febrúar. Kvóti íslenskra
skipa var síðan aukinn 14. febrúar úr
rúmum 12 þúsund tonnum í rúmlega
196 þúsund tonn. Gott veður, þéttar
göngur og öflug skip gerðu það að
verkum að kvótinn náðist þó svo að
skammur tími væri til stefnu.
Morgunblaðið/Börkur Kjartansson
Um borð í Víkingi AK Kastað vestur af Reykjanesi í lok loðnuvertíðar í
fyrravetur, en góður afli fékkst þá á skömmum tíma.
Loðnuskipin
dreifð á Faxaflóa
við leit og veiðar
 Kraftur að komast í hrognavinnslu