Morgunblaðið - 10.03.2018, Qupperneq 20

20 FRÉTTIRInnlent
MORGUNBLAÐIÐ LAUGARDAGUR 10. MARS 2018
ÚR BÆJARLÍFINU
Sigmundur G. Sigurgeirsson
Selfoss
Segja má að hálft samfélagið hér
á Selfossi hafi verið í spennumóki
undanfarna daga í aðdraganda
bikarkeppni HSÍ. Um fátt hefur
verið meira skrafað á kaffistofum
hér á bökkum Ölfusár en ágætt
gengi Selfossliðsins í handbolta
karla, sem kom upp úr næstefstu
deild boltans í fyrra, en er nú meðal
bestu liða handboltans á landinu,
þrátt fyrir lágan meðalaldur liðs-
manna. Er því haldið á lofti með
ákveðinni kímni að margir leik-
mannanna þurfi að fá far hjá móður
sinni á æfingar þar sem þeir hafi
ekki öðlast rétt til að taka bílpróf.
Hvað sem því líður gengur liðinu af-
ar vel og er alltaf þéttsetinn áhorf-
endabekkurinn í íþróttahúsinu í
Vallaskóla þegar liðið tekur á móti
mótherjum sínum í boltanum.
  
Hundruð æstra áhangenda
liðsins voru mætt síðdegis í gær til
að æfa baráttusöngvana fyrir leik
kvöldsins og ljóst mátti vera að
stúkan í Laugardalshöllinni yrði vín-
rauð að stórum hluta. Vonandi held-
ur gengi liðsins áfram á sama veg,
og nýverið skrifuðu þrír af lykil-
mönnum liðsins undir nýjan samn-
ing við Selfoss, sem eykur vonir
stuðningsmanna um að hin nýja
„mjaltavél“ fái tilefni til að syngja
sigursöngva um ókomna framtíð.
  
Nú hefur verið ákveðið að
menningar- og bæjarhátíðin „Vor í
Árborg 2018“ verði haldin dagana
18. til 22. apríl næstkomandi og mun
hún að þessu sinni verða tileinkuð
20 ára afmæli Sveitarfélagsins Ár-
borgar. Menningarhátíð þessi hefur
verið haldin með ákveðnum hætti
undanfarin ár, en misjafnlega mikið
í hana lagt hverju sinni. Skipulagn-
ing er á undirbúningsstigi og leitað
er eftir hvers kyns tillögum að dag-
skráratriðum eða hugmyndum að
menningarviðburði í tengslum við
hátíðina.
  
Leikfélag Selfoss fagnar 60
ára afmæli um þessar mundir og
stendur félagið fyrir glæsilegri dag-
skrá á afmælisárinu. Nú standa yfir
sýningar á gamanverkinu Glæpir og
góðverk í leikgerð Sigrúnar Val-
bergsdóttur, byggt á leikriti Anton
Delmar. Sýningatímabilið er um það
bil hálfnað en frumsýnt var hinn 16.
febrúar. Í gegnum tíðina hefur
Leikfélag Selfoss sett upp tæplega
90 verk sem gefur glögga mynd af
því hversu öflugt starf félagsins hef-
ur verið í gegnum árin sextíu. Sýn-
ingin Glæpir og góðverk hentar vel
fyrir alla fjölskylduna og hefur upp-
setning leikfélagsins fengið góðar
viðtökur gesta.
  
Áformað er að hefja byggingu
knatthúss á íþróttasvæðinu við
Engjaveg á Selfossi í haust. Húsið,
sem verður klætt segli, á að verða
liðlega 3100 fermetrar að gólffleti.
Hlaupabraut verður með langhlið og
við annan endann. Bygging hússins
er samstarfsverkefni ungmenna-
félagsins og bæjaryfirvalda á Sel-
fossi. Húsið verður reist við suður-
enda gervigrasvallar á
íþróttasvæðinu en þar er til staðar
skipulagt svæði undir slíka starf-
semi. Viðlíka hús hefur verið reist í
Hafnarfirði og eru áform um bygg-
ingu slíks húsnæðis í Mosfellsbæ á
næstunni. Hönnunarferli er hafið og
vonir eru bundnar við að hefja megi
bygginu þess á haustdögum.
Morgunblaðið / Sigmundur Sigurgeirsson
Fjör Spenntir Selfyssingar fylktu liði með sínum mönnum í bikarleiknum í gærkvöldi og var stemningin mikil.
Handboltaspenna skekur bæinn
Steinþór Guðbjartsson
steinthor@mbl.is
Veitur hafa sent öllum viðskiptavinum
sínum póst til þess að vekja athygli á
því að komið sé að því hjá þeim að lesa
af rafmagns- og heitavatnsmælum.
„Við komum ekki nema sérstaklega sé
óskað eftir því,“ segir Sigrún Viktors-
dóttir, forstöðumaður þjónustustýr-
ingar, en Veitur eru með 155.000 mæla
í notkun hjá viðskiptavinum.
Sigrún segir að fyrir nokkru hafi
vegferðin hafist með því að benda fólki
á að gott væri að það kynni að lesa af
mælunum vegna þess að það ætti að
skila álestri árlega. Venjulega hafi
starfsmenn Veitna farið í hús og lesið á
mælana en þeim bæri ekki skylda til
þess að gera það nema á fjögurra ára
fresti. „Hins vegar ber viðskiptavinum
að skila inn tölunum einu sinni á ári,“
áréttar hún.
Á heimasíðu Veitna eru upplýsingar
um hvernig lesa á af mælunum auk
þess sem þar er myndband til nánari
skýringa. Sigrún segir mikilvægt að
fólk læri að lesa á mælana til þess að
geta fylgst með eigin notkun. Það að
fara vel með vöruna sé til hagsbóta
fyrir alla, jafnt notendur sem Veitur.
Sérstaklega sé fólki ráðlagt að fylgjast
með eigin notkun á „Mínum síðum“ á
vef Veitna með því að skrá notkunina
oftar en einu sinni á ári. Þannig megi
koma í veg fyrir óeðlilega notkun.
„Það er krafa á okkur að sýna
ábyrgð í rekstri,“ segir Sigrún til nán-
ari útskýringar á umræddri ákvörðun
og bendir á að með þessu sé einnig
verið að reyna að búa til meðvitaða
neytendur. Sparnaður geti verið að
fylgjast með eigin notkun og rekstr-
arkostnaður hverrar veitu fyrir sig
byggist meðal annars á kostnaði við af-
lestur. „Það er okkar ósk að rekstr-
arkostnaður verði minni sem komi á
endanum fram í lægra vöruverði,“ seg-
ir hún.
Fólki ber að lesa
af mælum Veitna
 Langtímamarkmiðið er að skila
lægra vöruverði til neytenda
Morgunblaðið/Kristinn Magnússon
Lestur Auðvelt er að lesa á raf-
magns- og heitavatnsmæla Veitna.
Helgi Bjarnason
helgi@mbl.is
„Við viljum fá hugmyndir um hvað
hægt er að gera nýtt úr jarðhita.
Okkur er alveg sama hvernig hug-
myndin er formuð, bara að hún teng-
ist næringu og jarðhita,“ segir Snæ-
björn Sigurðarson, framkvæmda-
stjóri Eims sem efnir til samkeppni
um bestu hugmyndina um matvæla-
framleiðslu með jarðhita.
Eimur er samstarfsverkefni um
bætta nýtingu orkuauðlinda og
aukna nýsköpun í orkumálum á
Norðurlandi eystra.
Bætt nýting auðlinda
Samkeppnin er haldin undir yfir-
skriftinni: Gerum okkur mat úr jarð-
hitanum. Leitað er eftir hugmyndum
um matvælaframleiðslu með jarðhita
sem stuðlar að bættri nýtingu nátt-
úruauðlinda á Norðurlandi eystra.
Samkeppnin er öllum opin og fær
besta hugmyndin tvær milljónir í
verðlaun og önnur besta hugmyndin
tvær og hálfa milljón.
Tekið er fram að hugmyndirnar
mega vera á hvaða stigi sem er;
frumvinnsla, fullvinnsla, hliðarafurð-
ir, hráefni, nýjungar, eitthvað spes
eða eiginlega hvað sem er. Sérstök
áhersla er lögð á sjálfbærni, sam-
vinnu ólíkra aðila og að finna nýjar
leiðir til að nýta betur það sem fyrir
er.
Margt kemur til greina
Upp í hugann kemur soðið hvera-
brauð en það telst varla ný hug-
mynd. Snæbjörn segir hugsanlegt að
hægt sé að finna nýja fleti á þeirri
hugmynd, eins og öðrum. Annars
megi nota jarðhitann hvernig sem
er. Nefnir að nú þegar séu gerð
fæðubótarefni úr jarðhitavatni og
jarðhiti sé notaður við ræktun á Wa-
sabi-plöntum hér á landi.
Þeir sem hyggjast taka þátt þurfa
að senda inn tillögur fyrir 15. maí
næstkomandi.
Eimur hefur áður haldið slíka
samkeppni og þótti hún takast vel.
Þá var leitað eftir hugmyndum um
nýtingu lághitavatns sem rennur út
úr Vaðlaheiðargöngum. Sigurhug-
myndin gekk út á það að nýta um-
hverfið í nánd við Vaðlaheiðargöng
til hellagerðar og einstakrar baðupp-
lifunar með heita vatninu úr göng-
unum. Sérstakt félag vinnur nú að
því að kanna hvort hægt er að gera
hugmyndina að veruleika.
Vilja gera mat
úr jarðhitanum
 Efnt til hugmyndasamkeppni um
matvælaframleiðslu með jarðhita
Morgunblaðið/Helgi Bjarnason
Blástur Áhugi er á að nýta betur
náttúruauðlindir Norðurlands.
Hvað er Eimur?
» Eimur er samstarfsverkefni
um bætta nýtingu orkuauð-
linda og aukna nýsköpun í
orkumálum á Norðurlandi.
» Að Eimi standa Lands-
virkjun, Norðurorka, Orkuveita
Húsavíkur og Eyþing. Auk þess
eru Íslenski jarðvarmaklasinn
og Íslenski ferðaklasinn aðilar
að verkefninu ásamt at-
vinnuþróunarfélögum á svæð-
inu.