Morgunblaðið - 23.05.2018, Page 2

2 FRÉTTIRInnlent
MORGUNBLAÐIÐ MIÐVIKUDAGUR 23. MAÍ 2018
laugavegi 47 www.kokka.is kokka@kokka.is
Pappelina gólfmotta, 70 x 100 cm
Verð 12.500 kr.
Morgunblaðið Hádegismóum 2, 110 Reykjavík. Sími 5691100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Sigurður Nordal vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/senda grein Prentun Landsprent ehf.
Skammt frá stíflunni í Elliðaárdalnum
synti Svanhildur stolt með fjóra unga sér
við hlið, en nýklaktir ungar álfta, gæsa og
æðarfugls hafa víða sést síðustu daga. Þó
svo að tíðarfarið hafi verið heldur leiðin-
legt sunnanlands og vestan síðustu daga
er ekki líklegt að það valdi álftaungviðinu
á myndinni erfiðleikum og votviðrasamur
maímánuður hefur tæpast haft umtals-
verð áhrif á fuglavarp enn sem komið er.
Álftin er að mestu farfugl og dvelja
íslenskar álftir flestar á Bretlandseyjum
yfir vetrarmánuðina en hluti þeirra hefur
vetursetu á Íslandi, aðallega á Suðurlandi,
Suðvesturlandi og Mývatni. Álftin er með
fyrstu farfuglum til landsins á vorin. Þær
fyrstu hafa oft sést á Suðausturlandi í lok
febrúar, en meðalkomutími þeirra er 4.
mars.
Síðustu farfuglarnir eru hins vegar að
lenda á landinu þessa dagana, en venju
samkvæmt kemur þórshani þeirra síð-
astur; meðalkomudagur er 23. maí.
Nokkru fyrr á ferðinni er náfrændi hans,
óðinshaninn, og er meðalkomudagur hans
talinn vera 8. maí. Komutími farfugla hef-
ur í mörgum tilvikum færst fram um
nokkra daga á síðustu árum.
Síðustu farfuglarnir að koma til landsins en þórshani er þeirra síðastur
Svanhildur
stolt með
ungana sína
Morgunblaðið/Ómar Óskarsson
Jón Birgir Eiríksson
jbe@mbl.is
Sú krafa er ekki gerð til borgarfull-
trúa í reglum borgarinnar um hags-
munaskráningu að þeir geti hags-
muna sinna og tekna í tengslum við
útleigu fasteigna. Misjafnt er milli
borgarfulltrúa hvernig þessari
skráningu er háttað, en sumir þeirra
nefna af sjálfsdáðum hvort þeir hafi
leigutekjur.
Borgarfulltrúum er gert að til-
kynna sérstaklega um fasteignir sín-
ar sem þeir hafi ekki til nota fyrir sig
og fjölskyldu sína. Ekki er gerð
krafa um að upplýsingar um útleigu
þessara fasteigna séu tilteknar undir
þessum sama lið. Þó nefna sumir
borgarfulltrúar að fasteignirnar leigi
þær út.
Dagur B. Eggertsson, Samfylk-
ingu, leigir kjallara í eigin fasteign til
herrafataverslunarinnar Sturlu og
getur útleigunnar. Hjálmar Sveins-
son, Samfylkingu, getur sumarhúss í
Stykkishólmi og útleigu þess yfir
vetrartímann. Kristín Soffía Jóns-
dóttir, Samfylkingu, getur fasteign-
ar en þar býr hún þó sjálf og hefur
engan hluta hennar til útleigu.
Sjálfsagt að skrá hagsmunina
S. Björn Blöndal, Bjartri framtíð,
getur eignar við Laugaveg 141 en
ekki er tekið fram að leigutekjur séu
af eigninni. Líf Magneudóttir,
Vinstri grænum, getur húss við
Bræðraborgarstíg 22, en hún leigir
báðar hæðir hússins út. Þess er ekki
getið í hagsmunaskráningunni.
Aðrir borgarfulltrúar geta engra
fasteigna undir þessum lið.
Í samtali við Morgunblaðið segir
Líf að húseignin við Bræðraborgar-
stíg sé í tímabundinni langtímaleigu
en hún muni sjálf flytjast í húsið þeg-
ar fram líði stundir. Reiknar hún
með að húsið verði til leigu tíma-
bundið á meðan breytingar á því
verði útfærðar af arkitekt. Festi Líf
kaup á efri hæðinni síðasta haust en
átti þá neðri fyrir.
Hún segir að tekjur af neðri hæð-
inni, um 90 fermetrum, séu 180 þús-
und krónur á mánuði og tekjur af
efri hæðinni, um 113 fermetrum, séu
260 þúsund krónur á mánuði. Líf
segir að leigan sé undir meðalverði á
markaði. „Ég hef alltaf passað að
halda þessu í lágmarki og aldrei haft
sérstakar tekjur af þessu. Bara
þannig þetta standi undir sér,“ segir
hún. Aðspurð segir hún sjálfsagt að
fram komi í skráningunni upplýsing-
ar um leigutekjur.
S. Björn Blöndal segir að hann
eigi eina eign við Laugaveg sem hafi
að jafnaði verið í útleigu. „Það hafa
verið stúdentar í henni og síðasta
sumar leigði ég hana til ferðamanna í
tíu daga eða svo. Nú er í íbúðinni
heiðvirður leikskólakennari,“ segir
hann. Björn kveðst ekki hafa miklar
tekjur af eigninni. Aðspurður segir
hann að ákjósanlegt sé að upplýs-
ingar um tekjur af leigusölu séu til-
teknar í hagsmunaskráningunni.
Honum þyki þó ólíklegt að hann
muni breyta sinni skráningu enda
láti hann af störfum við lok kjörtíma-
bilsins.
Ekki skylt að skrá leigutekjur
Morgunblaðið/Ófeigur
Ráðhús Sumir borgarfulltrúar gefa sjálfir upp að þeir leigi út fasteignir.
 Hagsmunaskráning borgarfulltrúa gerir ekki ráð fyrir skráningu tekna af útleigu fasteigna þeirra
 Fjórir hafa aðrar fasteignir en eigin íbúðir í leigu  Sumir borgarfulltrúar geta leiguíbúðanna
Guðrún Erlingsdóttir
ge@mbl.is
Hart var tekist á um sölu á fast-
eignunum Fannborg 2, 4 og 6, sem
áður hýstu bæjarskrifstofur Kópa-
vogsbæjar, á bæjarstjórnarfundi í
gær.
Umræður um söluna stóðu yfir í
tæplega tvær og hálfa klukkustund
með nokkrum fundarhléum.
Minnihluti bæjarstjórnar Kópa-
vogs lagði fram tillögu um að fresta
sölunni þar sem einungis fjórir dag-
ar væru fram að kosningum og
taldi eðlilegt að ný bæjarstjórn sem
funda mun 20. júní tæki ákvörðun
um söluna og skipulag á Fann-
borgarreitnum.
Meirihlutinn taldi allar forsendur
fyrir því að afgreiða kaupsamning-
inn á síðasta fundi núverandi
bæjarstjórnar og taldi jafnframt að
ef af afgreiðslunni yrði ekki gæti
það skapað skaðabótaskyldu gagn-
vart kaupendum. En meirihluti
bæjarráðs hafði áður samþykkt að
taka tilboði Stólpa ehf. sem hljóðaði
upp á einn milljarð og fimmtíu
milljónir króna.
Bókanir meiri- og minnihluta
gengu á víxl en svo fór að lokum að
salan á Fannborg 2, 4 og 6 var sam-
þykkt með sjö atkvæðum meirihlut-
ans gegn fjórum atkvæðum minni-
hlutans. Afgreiðsla kaupsamnings
og áætlun um uppbyggingu á Fann-
borgarreitnum var sömuleiðis sam-
þykkt með sjö atkvæðum gegn fjór-
um atkvæðum minnihlutans.
Bæjaskrifstofur Kópavogs eru nú
til húsa að Digranesvegi 1.
Átakafundur í Kópavogi vegna
sölu á Fannborg 2, 4 og 6
 Vildu fresta afgreiðslu  Meirihlutinn samþykkti söluna
Morgunblaðið/Kristinn Magnússon
Kópavogur Bæjarskrifstofurnar
eru nú til húsa við Digranesveg.