Morgunblaðið - 23.05.2018, Blaðsíða 11

Morgunblaðið/Björn Björnsson
Sæfari Trillan var hífð á land á
Sauðárkróki í gær.
Jón Birgir Eiríksson
jbe@mbl.is
Flaki Sæfara, bátsins sem sökk á
laugardag við Ingveldarstaðahólma í
Skagafirði, var komið á land á Sauð-
árkróki í gær. Tveimur mönnum var
bjargað og munaði litlu að verr færi.
„Þetta er lífsreynsla sem menn
óska þess ekki að lenda í. Ég get
ekki lýst því hversu snúin hún er á
meðan þetta stendur yfir,“ segir Ás-
grímur Gísli Ásgrímsson, sem var á
bátnum ásamt tengdasyni sínum.
Hann segir að skammur tími hafi lið-
ið þar til hjálp barst, um þrjátíu mín-
útur. „Við gátum verið inni í bátnum
í u.þ.b. tuttugu af þessum þrjátíu
mínútum. Í tíu mínútur stóðum við
frammi á stefninu. Það fór svo sem
ágætlega um okkur,“ segir hann.
„Það fyrsta sem ég gerði var að
segja tengdasyninum að fara í galla.
Ég fór síðan sjálfur í galla þegar ég
var búinn að fullvissa mig um að
hjálp væri á leiðinni. Ég áttaði mig á
því að ég gæti ekki bjargað bátnum.
Þetta var þá bara spurning um
hvernig við gætum notað bátinn og
aðstæður til að verja okkur sem
best,“ bætir Ásgrímur við.
Hann vill koma á framfæri mikl-
um þökkum til björgunarsveitar-
mannanna fyrir björgunina. „Ég vil
koma miklu þakklæti til þeirra, þeir
eiga það svo sannarlega skilið. Ég
held ég nái aldrei í höndina á þeim
öllum,“ segir Ásgrímur.
Björgunin
mikil mildi
 Færir björgunar-
sveit miklar þakkir
FRÉTTIR 11Innlent
MORGUNBLAÐIÐ MIÐVIKUDAGUR 23. MAÍ 2018
Nýjar glæsilegar
sumarvörur
• Bolir
• Kjólar
• Túnikur
• Stuttbuxur
• Kvartbuxur
• Leggings
• Jakkar
• Vesti
• Peysur
Vinsælu bómullar- og velúrgallarnir til
í mörgum litum og í stærðum S-4XL
Verið velkomin
Álfheimum 74, 104 Rvk, sími 568 5170
Helgi Bjarnason
helgi@mbl.is
Reykjavíkurborg samþykkir ekki að
Kjósarhreppur fái að fara í gegnum
land borgarinnar á Kjalarnesi til að
sækja ljósið fyrir ljósleiðarakerfi
sveitarinnar. Andstaða borgarinnar
er við það að 10 til 15 jarðeigendur á
leiðinni, allir innan borgarmarkanna,
fái að tengjast ljósleiðara Kjósar-
innar. Málið er í klemmu þar sem vit-
að er að jarðeigendur munu ekki
hleypa ljósleiðaranum í gegnum land
sitt nema þeir fái tengingu.
Leiðarljós, sem er í eigu Kjósar-
hrepps, hefur látið leggja ljósleiðara-
rör heim á alla þá bæi og sumar-
bústaði sem tengst hafa hitaveitu í
hitaveituvæðingu sveitarinnar. Stefnt
var að því að blása ljósleiðara í rörin
sl. haust en dráttur varð á því vegna
þess að efnið í ljósleiðarann fékkst
ekki frá framleiðanda á umsömdum
tíma.
Ljósleiðarinn kom í febrúar. Þá
kom upp önnur hindrun sem ekki hef-
ur tekist að yfirstíga, að sögn Guð-
nýjar G. Ívarsdóttur, sveitarstjóra
Kjósarhrepps. „Auðveldasta leiðin er
að sækja ljósið að Fólkvangi á Kjal-
arnesi. Þá þarf að fara í gegnum land
Reykjavíkurborgar á Kjalarnesi og
land í einkaeigu, um 12 kílómetra leið
upp í Kiðafell. Á þeirri leið býr fólk
sem er nánast netlaust og við fáum
ekki að fara í gegnum land þess nema
bjóða tengingar,“ segir Guðný.
Vilja ekki minnka verkefni sitt
Það er venja sveitarfélaga í því
átaki við lagningu ljósleiðara í dreif-
býli landsins sem nú stendur yfir að
bjóða ekki tengingar í öðrum sveit-
arfélögum nema með samþykki við-
komandi sveitarstjórnar. Kjósar-
hreppur er reiðubúinn að bjóða
þessum íbúum tengingu á sama verði
og íbúum sveitarfélagsins. Reykja-
víkurborg hefur ekki samþykkt
þetta.
Borgin hefur verið að undirbúa út-
boð á lagningu ljósleiðara í dreifbýli
Reykjavíkurborgar og er tregða við
að kljúfa þessa tilteknu bæjaröð frá
heildarverkefninu. Guðný bendir á að
þónokkur tími geti liðið þar til þetta
heildarverkefni komist til fram-
kvæmda hjá Reykjavíkurborg. Á
meðan þurfi íbúar og sumargestir í
Kjósinni að bíða með tilbúið ljósleið-
arakerfi sem ekki fæst tengt en með
lélegt eða ekkert netsamband og
gsm-síma og lélegt sjónvarpsmerki.
„Við stjórnendur sveitarfélagsins
fáum gagnrýni fyrir þessa stöðu. Við
stóðum hins vegar í þeirri trú að það
væri sjálfsagt mál að fara þarna nið-
ureftir og leyfa íbúum á leiðinni að
njóta þess,“ segir Guðný.
Kjósarhreppur á ekki marga aðra
möguleika í stöðunni. Ekki er talið
öruggt að ljósleiðari sem Hvalfjarð-
arsveit hefur lagt geti annað þeirri
viðbót sem Kjósin er.
Borgin neitar að leyfa Kjós-
verjum að sækja ljósið
 Kjósarhreppur fær ekki að bjóða nokkrum bændum á Kjalarnesi að tengjast
Í geymslu Leiðarinn í ljósleiðarakerfi Kjósverja er kominn til landsins og í geymslu. Búið er að leggja rör heim á
alla bæi og í fjölda sumarhúsa. Þegar leyfi fæst verður gengið í lokahönnun kerfisins og ljósinu blásið í rörin.
Starfsmenn Kjósarhrepps hafa átt í samskiptum við
embættismenn Reykjavíkurborgar vegna þeirrar stöðu
sem upp er komin og vandræða Kjósarhrepps með að
ljúka ljósleiðaraverkefni sínu.
Borgin hefur ekki svarað síðasta bréfi hreppsins.
Guðný segir að málið sé orðið pólitískt og þurfi að fara
fyrir borgarráð í Reykjavík. Þá sé ekki að vita hvernig
næsta borgarstjórn taki á málinu. Kjósarhreppur og
Reykjavíkurborg eiga í samskiptum á vettvangi Samtaka
sveitarfélaga á höfuðborgarsvæðinu þar sem borgin er
langstærsta sveitarfélagið en Kjósarhreppur langminnsta. Hún segist hafa
náð að setja Dag B. Eggertsson borgarstjóra inn í málið en ekki náð sam-
bandi við hann að undanförnu til að spyrjast fyrir um niðurstöðuna.
Kjósarhreppur hefur sjálfstæðar skoðanir á ýmsum verkefnum sem
snerta bæði sveitarfélögin. Guðný telur ekki að önnur mál blandist inn í
þann ágreining sem uppi er um ljósleiðarana.
Borgarstjóri svarar ekki
ERFIÐ STAÐA
Guðný G. Ívarsdóttir
Jón Birgir Eiríksson
jbe@mbl.is
Dagur B. Eggertsson borgarstjóri
segir að íbúar muni ekki bera beinan
kostnað af djúpgámum til sorphirðu
við heimili þeirra.
Djúpgámum er komið fyrir í jörðu
í steyptum kassa utan við íbúðarhús.
Gámarnir eru tæmdir af sérstökum
sorphirðubílum með krana.
Í frétt RÚV á laugardag kom fram
að íbúar miðborgarinnar og grónari
hverfa gætu þurft að greiða meira en
aðrir fyrir djúpgáma og að borgin liti
svo á að kaup og rekstur þeirra ættu
að vera á höndum íbúa.
Dagur segir að fréttaflutning hafi
mátt skilja þannig að til stæði að
þröngva djúpgámum upp á íbúa og
að sumir þyrftu að bera meiri kostn-
að en aðrir. „Byggingaraðilar á viss-
um reitum hafa farið þessa leið á
sumum nýbyggingarsvæðum af því
að þeir telja það hagkvæma lausn,“
segir hann.
Á einum stað í borginni kanni
borgin þó möguleika á því að koma
fyrir djúpgámum, á Haðarstíg.
„Haðarstígurinn er eini tilraunar-
staðurinn sem ég veit um og þar
stendur ekki til að senda íbúum aðra
reikninga en hefðbundin sorphirðu-
gjöld. Fyrir utan nýbyggingar hefur
þetta aðeins komið til skoðunar á
Haðarstíg. Endurnýjun á honum
stendur til og íbúarnir vildu láta
skoða þetta. Í því sambandi er ekki
verið að tala um að íbúarnir borgi
tuttugu milljónir eins og kemur fram
í fréttinni hjá RÚV. Það væri full-
komlega óraunhæft,“ segir Dagur.
Hann segir að ekki standi til að
hirða sorp með djúpgámum annars
staðar á borgarsvæðinu og að það sé
í raun óraunhæft í ljósi þess að
ómögulegt sé að koma þeim fyrir í
mörgum hverfum borgarinnar.
Íbúar greiði ekki
fyrir djúpgámana
 Til skoðunar á einum stað að ósk íbúa
Morgunblaðið/Hari
Sorp Gámar eru stundum taldir
hagkvæmari en hefðbundnar leiðir.