Morgunblaðið - 23.05.2018, Page 23

UMRÆÐAN 23
MORGUNBLAÐIÐ MIÐVIKUDAGUR 23. MAÍ 2018
Suðurlandsbraut 26 Sími: 587 2700
Opið 11-18 virka daga og 11-16 laugardaga. www.alno.is
Ágæti ráðherra og
formaður Samfylk-
ingar.
Í marsmánuði 2018
átti sér stað umræða í
lokuðum hóp á
Facebook um nafn-
greinda feður sem
ekki fá að umgangast
börn sín og forsvars-
menn svokallaðra
feðrahreyfinga. Í
hópnum voru 2.500
manns, þar af ýmsir stjórn-
málamenn, embættismenn, fræði-
menn og áhrifamenn í samfélaginu.
Stjórnandi hópsins hvatti meðlimi
til að grafast fyrir um slúður og
rógburð um nafngreinda þolendur
tálmunar og reyndar forsvarsmenn
allra feðrahreyfinga á Íslandi, í því
skyni að skapa áfelli eða mannorðs-
missi og til að gera út af við það
sem þær kalla „tálmunarmýtu“.
Varaformaður Samfylkingar, Heiða
Björg Hilmisdóttir, sem jafnframt
er annar maður á framboðslista
Samfylkingar til borg-
arstjórnarkosninga,
líkar við færsluna og
segist hafa grennslast
fyrir um nafngreinda
menn á netinu, í því
skyni að safna óhróðri
og rógi um umrædda
menn. Ber hér að
nefna að Heiða Björg
er jafnframt formaður
ofbeldisvarnarráðs
Reykjavíkurborgar.
Um er að ræða skipu-
lagða aðför gegn nafn-
greindum umgengisfor-
eldrum og forsvarsmönnum
feðrahreyfinga.
Á öðrum þræði eiga sér stað al-
varlegar og óprenthæfar ærumeið-
ingar í garð strangheiðarlegs for-
svarsmanns samtaka sem berjast
fyrir foreldrajafnrétti. Halla Gunn-
arsdóttir, frambjóðandi fyrir Vinstri
græna fyrir síðustu alþingiskosn-
ingar, og núverandi ráðgjafi for-
sætisráðherra í jafnréttismálum,
líkar við færsluna, og þakkar þeim
sem létu orðin falla fyrir „að taka
slaginn“.
Ég vil beina þeirri spurningu til
formanns Samfylkingarinnar hvort
Heiða Björg, varaformaður flokks-
ins, hafi gengið þannig fram í um-
boði Samfylkingar og hvort viðhorf
hennar og framganga endurspegli
afstöðu flokksins til málefna um-
gengnisforeldra sem tálmuð er um-
gengni.
Að sama skapi beini ég þeirri
spurningu til forsætisráðherra
hvort ráðgjafi hennar í jafnrétt-
ismálum, Halla Gunnarsdóttir, hafi
gengið þannig fram í umboði henn-
ar eða Vinstri grænna.
Opið bréf til forsætisráðherra
og formanns Samfylkingar
Eftir Gunnar
Kristin Þórðarson
Gunnar Kristinn
Þórðarson
» Tóku Heiða Björg
Hilmisdóttir og
Halla Gunnarsdóttir
þátt í skipulagðri aðför
gegn feðrahreyfingum í
umboði sinna flokka?
Höfundur er formaður Karlalistans
og oddviti flokksins í Reykjavík.
gunnar@karlalistinn.is
Á fundi hjá Reykja-
víkurborg á árinu 2015
var fjallað um fasteign-
ina Óðinsgötu 8B,
verslun – kjallara. Sótt
var um leyfi til að
breyta íbúðarhúsnæði í
smávöruverslun með
matvæli og útbúa nýj-
an inngang á vest-
urgafl, sbr. fyrirspurn
BN049818 (jákv.), í
kjallara húss á lóð nr. 8b við Óðins-
götu. Útskrift úr gerðabók embætt-
isafgreiðslufundar skipulagsfulltrúa
frá 13. nóvember 2015 fylgdi er-
indinu ásamt umsögn skipulagsfull-
trúa dags. 12. nóvember 2015. Lagt
var fram bréf væntanlegs rekstr-
araðila dags. 27.10. 2015, bréf arki-
tekts dags. 4.11. 2015 þar sem farið
var fram á undanþágu á kröfum um
„aðgengi fyrir alla“ í kjallara og
umsögn Minjastofnunar Íslands
dags. 26.11. 2015. Erindið var sam-
þykkt.
Eitt aðalmarkmið laga um mann-
virki nr. 160/2010 er að tryggja að-
gengi fyrir alla. Orðið
aðgengi kemur tíu
sinnum fyrir í lögunum.
Mér er ekki ljóst hve-
nær hægt er að slá af
þessum kröfum. En
RÚV getur áreiðanlega
fundið út úr því.
Eigandi og íbúi í hús-
inu Óðinsgötu 8B með
undanþágunni á kröf-
um um „aðgengi fyrir
alla“ er Dagur B. Egg-
ertsson læknir, alnafni
borgarstjórans í Reykjavík. Spurn-
ingin er þessi: Um hvað snýst und-
anþágan eiginlega?
Óðinsgata 8B
Eftir Einar S.
Hálfdánarson
Einar S. Hálfdánarson
»Eigandi og íbúi í Óð-
insgötu 8B með und-
anþágunni á kröfum um
„aðgengi fyrir alla“ er
Dagur B. Eggertsson
læknir, alnafni borgar-
stjórans í Reykjavík.
Höfundur er hæstaréttarlögmaður.
Ég las með athygli
Staksteinapistil Morg-
unblaðsins frá laug-
ardeginum 5. maí sl., en
þar er komið inn á
kenningar Karls Marx
og hörmungar þær, sem
af þeim leiddi fyrir al-
menning í Rússlandi og
síðar Sovétríkjunum.
Sagan og afleiðingarnar
eru aldeilis ekki til fyr-
irmyndar nema síður sé og leyfi ég
mér að vitna hér aðeins í pistilinn.
„Afleiðingarnar eru allsstaðar þær
sömu, fátækt og gríðarleg misskipt-
ing, kúgun og margvísleg mannfyr-
irlitning. Á heildina litið er talið að
um eða yfir 100 milljónir manna hafi
látist í hungursneyð og ofbeldi í
nafni Kommúnismans eða Sósíalism-
ans.“
Þetta er ófögur lýsing en það virð-
ist ekki þurfa kenningar Karls Marx
til t.d. hér á Íslandi. Hér er fjár-
málaráðherra sem búinn er að ein-
oka fjármálaráðuneytið um árabil og
framangreind lýsing gæti átt vel við.
Hér er ég ekki að tala
um milljónir því við
erum auðvitað ekki
svo mörg, en erum um
350 þúsund og þar af
u.þ.b. 10% ellilífeyr-
isþegar sem lifa við
sult, seyru og ofbeldi,
eru nánast á horrim-
inni. Deyja jafnvel af
illum aðbúnaði og taka
jafnvel líf sitt. Dæmi
eru um eina kókdós og
maltflösku í ísskápn-
um. Þetta er fólkið
sem unnið hefur hörð-
um höndum allt sitt líf, jafnvel 60-70
ár, borgað sína skatta og skyldur og
í mörgum tilfellum haldið þessu
þjóðfélagi gangandi.
Góður kunningi minn, ellilífeyr-
isþegi, segist vera með, sem ein-
staklingur, tæpar 250 þús. kr. á
mánuði og af því færi rúmur helm-
ingur í húsaleigu og þá væru eftir
120 þús. kr. til að lifa af mánuðinn.
Það er matur, lyf, reka 15 ára gaml-
an bíl og ýmsar aðrar nauðsynjar,
„en ég nota bílinn orðið sjaldan því
ekki er til fyrir bensíni,“ sagði sá
gamli. „Ég lifi því orðið í algjörri ein-
angrun því ég á ekki peninga til að
koma innan um annað fólk,“ bætti
hann við.
Ljót er sagan og rifjaðist upp fyrir
mér lestur Staksteinapistilsins og
einnig hversu lélegir eru meðreið-
arsveinar fjármálaráðherra á Al-
þingi að láta svona hluti viðgangast.
Nýtt dæmi er hvernig fjármála-
ráðherra tekur sanngjörnum kröf-
um ljósmæðra og neitar um eðlileg-
ar launahækkanir og er ég nokkuð
viss um að konur úr ljósmæðrastétt
hafa tekið á móti flestu þessu liði,
sem á Alþingi situr. En þá er sagan
ekki öll því vafalaust hefur þurft að
skeina og skipta um bleiur á króg-
unum, fæða þá og klæða, sem nú er
fullorðið fólk á Alþingi. Og í hlut
hverra skyldi það nú hafa komið,
nema ellilífeyrisþeganna sem nú
lepja dauðann úr skel? Sjaldan
launar kálfurinn ofeldið.
Hvor er verri eða betri?
Eftir Hjörleif
Hallgríms
Hjörleifur Hallgríms
»Hvor er verri eða
betri Karl Marx eða
Bjarni Benediktsson?
Höfundur er eldri borgari á Akureyri.
Öryggi er mál sem
snertir okkur öll og
þegar fólki finnst það
ekki öruggt á sínu
eigin heimili þá er
verið að gera eitt-
hvað rangt, talsverð
ólga hefur verið með-
al bæjarbúa og víðar
um land og því þarf
að breyta.
Það er mjög al-
gengt að íbúar skrái
niður bílnúmer á ókunnugum bíl-
um sem hafa verið að hringsóla
um hverfið og svo hafa margir
sett upp öryggismyndavélar og
þjófavarnarkerfi í húsin sín út af
hræðslu og öryggisleysi. Af
hverju þurfa almennir borgarar
að vera hræddir um öryggi sitt og
af hverju er ekkert gert í þessum
málum? Íbúar eiga ekki að þurfa
að koma heim úr vinnunni hrædd-
ir um að einhver ókunnugur sé
búinn að vaða inn á skítugum
skónum og ræna verðmætum
þeirra og börn eiga ekki að þurfa
að vera hrædd við að koma heim
eftir skóla með þann hugs-
unarhátt að einhver óboðinn gest-
ur sé hugsanlega inni á heimilinu
þeirra. Bæjarstjórnin í Garðabæ
er nýbúin að samþykkja að setja
upp 11 nýjar myndavélar í bænum
en hvernig á það að hjálpa ef
þessi glæpagengi koma labbandi
og fara síðan svo bara heim í
strætó?
Það hefur verið rætt í ein-
stökum hverfum að íbúar þeirra
taki sig saman og greiði fyrir
sýnilega öryggisgæslu fyrir hverf-
ið sitt. Sú spurning vaknar að ef
lögreglan telur sig ekki geta verið
sýnilegri í Garðabæ að Garðabær
stofni nýtt svið innan
bæjarins sem sinni ör-
yggismálum þar.
Hvernig má það vera
að fyrirtæki eins og
IKEA geti haft örygg-
isgæslu allan sóla-
hringinn til að passa
eina strágeit um
jólahátíðina en Garða-
bær geti ekki tryggt
öryggi íbúa sinna?
Tímar hafa breyst,
fólk getur ekki lengur
skilið eftir ólæstar
íbúðir og bíla og koma
þarf með lausnir sem virka.
Íbúar Garðabæjar gera þá kröfu
um lífsgæði að eignir þeirra og
fjölskyldunnar séu óhultar, íbúar
eiga ekki að þurfa að hafa áhyggj-
ur af því að eignunum þeirra verði
stolið, jafnvel um hábjartan dag.
Setjum öryggið
á oddinn í
bænum okkar
Eftir Þorstein Ara
Hallgrímsson
Þorsteinn Ari
Hallgrímsson
» Íbúar gera þá kröfu
um lífsgæði að eign-
ir þeirra séu óhultar og
ekki þurfi að hafa
áhyggjur af því að eign-
um sé stolið, jafnvel um
hábjartan dag!
Höfundur situr í 10. sæti á lista Mið-
flokksins í Garðabæ.