Víkurfréttir - 24.09.1981, Blaðsíða 5

VÍKUR-fréttir
Fimmtudagur 24. september 1981 5
„Nemendur öldungadeildar
ekki neinar hornrekur“
- segir Jón Böðvarsson, skólameistari
„Öldungadeildin í Fjölbrauta-
skóla Suðurnesja er sú næst
elsta á landinu. Húná rætursínar
að rekja til Gagnfræðaskólans í
Keflavík, stofnuð þar 1975. Árið
eftir tók FS við rekstri hennar og
er deildin nú starfrækt samhliða
Jón Böðvarsson
dagskólanum. Kostnaður við
deildina skiptist jafnt á ríkissjóð,
sveitarfélögin á Suðurnesjum og
nemendur."
Þetta kom m.a. fram í viðtali
sem blaðamaður átti við Jón
Böðvarsson skólameistara FS.
Á þessari önn munu 180
nemendur stunda nám við öld-
ungadeildina, en þá eru þeirekki
taldir með sem nema fatasaum
og trésmíði. Það er vegna þess
að ráðuneytið viðurkennir ekki
þá áfanga í öldungadeild.
„Ráðuneytið hefuraldreiviljað
viðurkenna aðra áfanga í deild-
ina en þá sem kenna má með tvö-
földum námshraða. Við töldum,
samkvæmt raðuneytisbréfi að
skólinn mætti halda uppi
kennslu í öldungadeild á öllu
svæðinu. En ráðuneytið hefur
verið mjög þversum i þessu efni
og neitað að borga sinn hlut af
kostnaðinum nema að kennt
væri í Keflavík. Við höföum einu
sinni fjóra hópa í Sandgerði, en
ríkissjóður hefur ennþá ekki
greitt sinn þriðjung af þeim kostn
aði. Þetta er mjög bagalegt.
Æskilegt væri að dreifa kennsl-
unni á sveitarfélögin eftir því sem
nemendafjöldinn leyfði," sagði
Jón.
„Þátttaka í öldungadeildinni
var lítil framan af og tiltölulega
fáir stefndu að ákveðnum náms-
lokum. Um tíma leit út fyrir að
deildin yrði lögð niður vegna
þessa. En sem betur fer varð svo
ekki og nú er svo komið að flestir
nemendurnir stefna að ákveðn-
um lokaprófum. Vinsælustu
brautirnar eru viðskiptabraut og
uppeldisbraut. Þessi þróun er í
senn ánægjuleg og eðlileg. Á
næstu árum má gera ráð fyrir þvi
að fullorðinsfræðsla verði æ
ríkari þáttur í starfsemi skólanna.
Það unga fólk sem brautskráist
núna úr skólanum má gera ráð
fyrir því að þurfa að skipta um
starf og tileinka sér breytta
starfshætti þrisvar til fjórum
sinnum á ævinni. ( framtiðinni
munu framhaldsskólarnir leggja
áherslu á ákveðna undirstöðu-
menntun t.d. í stærðfræði, er-
lendum tungumálum og
íslensku. Námstíminn yrði þá
jafnvel styttri en nú er - og siðan
kæmu nemendur i endurmennt-
un með óreglulegu millibili.
Af þessum sökum viljum við
flest vinna til þessað halda deild-
inni gangandi og nú fer fram
könnun á því hvaða rekstrarform
hentar best. Við stöndum í sam-
bandi við oddvita öldungadeilda
víða um land því við teljum að nú
þurfi að endursemja við ríkis-
valdið um þennan þátt í starfsemi
skólanna.
Við teljum nema í öldunga-
deild ekki neinar hornrekur. Því
höfum við Ingólfur Halldórsson,
aðstoðarskólameistari, skipt
með okkur verkum þannig að
aðalstarf hans er umsjón með
öldungadeild og meistaranám-
skeiði - sem einnig er fullorðins-
fræðsla Ég legg áherslu á að
fullorðinsfræðsla er okkur afar
mikils virði.
Menntun er ekki bara fyrir
börn og unglinga, heldur er hún
fyriralla. Almenn menntun skilar
sér alltaf, bæði í efnahagslegu
tilliti og i formi betra og ham-
ingjusamra lífs,“ sagði Jón Böðv-
arsson að lokum.
Keflvíkingar
Suðurnesjamenn
Þótt sólin lækki á lofti, þá skín hún alltaf jafn skært
á Sólbaðstofunni Sóley, að Heiðarbraut 2 Keflavík.
Opið frá kl. 7.30 - 22.30.
Ath. Mikið úrval af snyrtivörum.
Athugið einnig, að haustverðið hefur tekið gildi.
Heiðarbraut 2 - Keflavík - Sími 2764
þeir sem vit hafa á
K velja
WORLD CARPET
Verð frá kr. 75,00 pr. ferm.
Fæst í Járn & Skip.
KAUPFÉLAG SUÐURNESJA
Gunnar Þórarinsson kennir „öldungum" bókfærslu