Morgunblaðið - 05.06.2018, Qupperneq 4

4 FRÉTTIRInnlent
MORGUNBLAÐIÐ ÞRIÐJUDAGUR 5. JÚNÍ 2018
Erna Ýr Öldudóttir
ernayr@mbl.is
„Þetta er kortér í klárt,“ segir Gunn-
ar Örn Guðmundsson, forstöðumaður
tækni hjá RÚV, í samtali við Morgun-
blaðið vegna ábendingar um mynd-
gæði ólínulegs efnis frá RÚV, sem áð-
ur var kallað Sarpurinn.
Samkvæmt ábendingunni eiga
myndgæði ólínulegs myndefnis frá
RÚV að vera talsvert minni í há-
skerpusjónvarpstækjum en þegar
horft er á sömu þætti þegar þeir eru á
dagskrá.
Haft var samband við sjónvarps-
veitur Símans og Vodafone til að
kanna málið, en
þar fengust þau
svör að ástæðuna
væri að finna hjá
RÚV, þar sem
RÚV sendi mynd-
efni sitt til þeirra
á SD-formi eða í
lágskerpu.
Hjá sjónvarps-
veitum Símans og
Vodafone fengust
þær upplýsingar að fyrirtækin hefðu
í mörg ár haft tæknilegt bolmagn til
að færa áskrifendum sínum sjón-
varpsefni á HD-formi eða háskerpu
og hefðu löngu látið tæknideild RÚV
vita af því. Nýjustu myndlyklar og
beinar væru stilltir til samræmis og
Stöð tvö hefði lengi sýnt allt í há-
skerpu, að sögn Björns Víglunds-
sonar, framkvæmdastjóra Stöðvar
tvö.
Í dag væri jafnvel enn skarpari
tækni að ryðja sér til rúms sem kall-
ast 4K og hún ætti að vera átta sinn-
um skarpari en háskerpa. Stöku er-
lendir aðilar væru byrjaðir að nota þá
tækni en engar sjónvarpsstöðvar hér-
lendis. Báðir aðilar segjast geta fært
áskrifendum með nýjustu gerðir há-
skerpusjónvarpstækja bíómyndir
sem eru framleiddar í þess konar
myndgæðum.
Gunnar Örn sagði að RÚV vildi
vera í góðu samstarfi við sjónvarps-
veiturnar og sendi eftirfarandi svar
við fyrirspurn Morgunblaðsins:
„RÚV uppfærði útsendingarkerfi
sitt fyrir rúmu ári og sendir í kjölfarið
allt út í HD-háskerpu. Strax eftir þá
uppfærslu fórum við í að breyta og
bæta innviði RÚV til samræmis við
uppfærslu útsendingarkerfisins. Við
dreifum samhliða efni fyrir vefsíðu
okkar og leigur símafélaganna í hás-
kerpu, en verið er að fasa út kerfi sem
býr til lágskerpuefni. Við höfum verið
í samstarfi við símafélögin síðasta ár-
ið með að uppfæra upptökur í HD og
er sú vinna mjög langt komin.“
Myndgæði lítil í Sarpi RÚV
 Stöð tvö og sjónvarpsveiturnar hafa lengi getað fært áskrifendum háskerpu-
myndefni  Uppfærsla kerfa hjá RÚV hófst fyrir um ári og er vel á veg komin
RÚV Uppfærslu
kerfa að ljúka.
’
Nýjar áherslur í málefnum barna
með fjölþættan vanda gefa vænt-
ingar um að tekið verði betur utan um
þann hóp og fjölskyldur þeirra. […]
Ákall er eftir auknu aðgengi, sérstak-
lega ungs fólks, að sálfræðiþjónustu.
Með því að efla þjónustu við þennan
hóp og forvarnir á sviði geðheilbrigðis-
mála drögum við úr vaxandi þörf sem
heldur áfram að myndast sé ekkert að
gert.
Ásgerður K. Gylfadóttir,
Framsóknarflokki
’
Við viljum áfram tilheyra fjöl-
skyldu Norðurlanda og vera hluti
hins norræna velferðarkerfis sem
flestar þjóðir heims horfa til með að-
dáun. Núverandi stjórnvöld stefna í
aðra átt, í átt til einhvers konar frjáls-
lyndisstefnu þar sem velferðin er skil-
yrt með háum skerðingum og lágum
frítekjumörkum.
Guðjón Brjánsson,
Samfylkingu
’
Það er ekki aðeins að nýir flokkar
hafi komið fram á sjónarsviðið.
Hinar hefðbundnu átakalínur á mörk-
um hægri- og vinstriáss stjórnmálanna
hafa nú vikið fyrir átökum milli
alþjóðahyggju eða þjóðernishyggju.
Frjálslyndis eða íhalds. Sú breyting
skýrir kannski best tilurð núverandi
ríkisstjórnarsamstarfs.
Þorsteinn Víglundsson,
Viðreisn
’
Þáverandi sjávarútvegsráðherra
studdi það markmið, í viðtali við
RÚV síðastliðið sumar, að veiðigjöldin
yrðu miðuð við nýrri upplýsingar en
verið hefur. Enda hefur þetta verið
nokkuð almennt viðurkenndur galli á
álagningunni. En núna tala forsvars-
menn sama flokks eins og hér sé ægi-
legt hneyksli á ferðinni. Sá málflutn-
ingur stenst enga skoðun.
Þórdís Kolbrún Reykfjörð Gylfadóttir,
Sjálfstæðisflokki.
’
Það er verið að tala um sumarfrí
og það er verið að tala um gleði-
legt sumar. Við sem hér erum inni
getum örugglega talað um gleðilegt
sumar. Við verðum ekki í neinum
vandræðum að fljúga út um allan
heim. […] Við höfum efni á því. En
það er ekki það sama og við getum
sagt um tugi þúsunda samlanda okk-
ar, þegar við stöndum hér og segjum:
„Góðir Íslendingar.“
Inga Sæland,
Flokki fólksins
Úr eldhúsdags-
umræðum
Jón Birgir Eiríksson
jbe@mbl.is
Þingmenn stjórnarandstöðu skutu
föstum skotum að ríkisstjórnar-
flokkunum þremur í eldhúsdags-
umræðum á Alþingi í gær. Þrír úr
hverjum flokki fluttu ræðu, alls 24.
Í brennidepli voru áform ríkis-
stjórnarinnar um lækkun veiðigjalda
og ólíkar hugsjónir flokkanna. Mála-
miðlanir þeirra og stefna í velferð-
armálum voru sérstaklega gagn-
rýndar. Þingmenn ríkisstjórnar-
flokkanna vörðust ásökunum minni-
hlutans og vísuðu m.a. til þess að
ábyrgð ríkisstjórnarinnar á stjórn-
festu fælist í málamiðlunum í ríkis-
stjórninni.
Stjórnin sérhagsmunabandalag
Oddný G. Harðardóttir, þingmað-
ur Samfylkingarinnar, sagði ríkis-
stjórnina bandalag um sérhagsmuni.
Vísaði hún til ræðu Katrínar í eldhús-
dagsumræðum fyrir ári um misskipt-
ingu auðs og arð af auðlindum þjóðar-
innar. Kvaðst hún hafa verið
sammála Katrínu þá, en nú væri hún
hrygg í ljósi áhrifaleysis hennar sem
forsætisráðherra „sem kemur engu í
gegnum ríkisstjórn sína í þessum efn-
um“. Ágúst Ólafur Ágústsson, þing-
maður Samfylkingar, sagði ríkis-
stjórnarflokkana hafa misst tengingu
við kjósendur sína, sérstaklega
Vinstri-græn.
Gunnar Bragi Sveinsson, þing-
maður Miðflokks, sagði eldri stjórn-
málaflokka en sinn eigin hafa fjar-
lægst grunngildi sín og lagt meira
upp úr því að tryggja sér stöður og
stóla. Þannig flokkur yrði Mið-
flokkurinn aldrei.
Bergþór Ólason, flokksbróðir hans,
sagði að sjaldan hefðu samskipti
stjórnar við stjórnarandstöðu verið
jafn snautleg og gagnrýndi hann
tímasetningu veiðigjaldamálsins, sem
lagt var fram á miðvikudag í síðustu
viku.
Komu stjórninni til varnar
Willum Þór Þórsson, þingmaður
Framsóknar, var einn þeirra sem
komu ríkisstjórninni til varnar í ræðu
sinni og sagði hana eina öfluga liðs-
heild sem hefði skýra sýn á verkefnin
og skuldbyndi sig til að vinna saman
að þeim.
„Á þessum forsendum vinnum við
öll, allir ríkisstjórnarflokkarnir, og
verðum að miðla málum og fórna
minni hagsmunum fyrir meiri, fyrir
þau brýnu forgangsverkefni sem við
höfum einsett okkur að vinna að, fyrir
hina sameiginlegu sýn,“ sagði hann.
Guðlaugur Þór Þórðarson utan-
ríkisráðherra kom Katrínu Jakobs-
dóttur forsætisráðherra sérstaklega
til varnar og sagði gagnrýni gegn
henni ósmekklega og ómálefnalega.
Sneri hann taflinu við og setti Við-
reisn í stöðu VG með hliðsjón af and-
stöðu VG við NATO. „Með því að
gera aðild að ESB að skilyrði fyrir
þátttöku í ríkisstjórnarsamstarfi
væri Viðreisn dæmd til áhrifaleysis
við stjórn landsmála,“ sagði hann,
enda væri enginn áhugi á slíkri aðild
hjá öðrum flokkum en Viðreisn og
Samfylkingu.
Ólafur Þór Magnússon, þingmaður
Vinstri-grænna, sagði Vinstri-græn
hafa verið gagnrýnd fyrir þátttöku í
ríkisstjórnarsamstarfinu. „Við lítum
hins vegar þannig á að með þátttök-
unni öxlum við ábyrgð, tökum að okk-
ur að bera hluta byrðanna og hafa
áhrif á alla ákvarðanatöku.“
Föstum skotum var skotið
 Hörð gagnrýni frá stjórnarandstöðunni  Stjórnin varði málamiðlanir og talaði fyrir stjórnfestu
 Ræddu velferðarmál, hugsjónir ríkisstjórnarflokkanna og lækkun veiðigjalda  Skotið á Katrínu
Morgunblaðið/Eggert
Stjórnarliðar Þingmenn meirihlutans vörðust gagnrýni minnihluta, sem varð tíðrætt um þátttöku VG í stjórninni.
Morgunblaðið/Eggert
Ráðherra Þórdís Kolbrún sagði
stjórnarandstöðuna þyrla upp ryki.
Jón Birgir Eiríksson
jbe@mbl.is
Tillaga meirihluta atvinnuveganefndar um breyt-
ingu á veiðigjöldum verður tekin á dagskrá Al-
þingis í dag til fyrstu umræðu af þremur. Ljóst er
að þinghöld tefjast, en þinglok voru áætluð á
fimmtudag.
Málið var lagt fram á miðvikudag í síðustu viku
og náðist ekki samstaða um að málið fengi flýti-
meðferð. Stjórnarandstaðan hefur gagnrýnt ríkis-
stjórnarflokkana fyrir að hafa tilkynnt seint um
málið og ýjað að því að þeir hafi ekki treyst sér til
að leggja það fram fyrr en að sveitarstjórnarkosn-
ingum loknum.
Að lögum um veiðigjöld óbreyttum verður gjald
ekki lagt á fyrir næsta fiskveiðiár, sem hefst 1.
september nk., en í þingmálaskrá sjávarútvegs-
ráðherra var gert ráð fyrir framlengingu gildis-
tíma laganna til áramóta. Fyrir þinginu liggja
einnig ný persónuverndarlög og fjármálaáætlun.
„Stórt og hápólitískt mál“
Oddný G. Harðardóttir, þingflokksformaður
Samfylkingar, sagði í samtali við mbl.is í gær að
stjórnarandstaðan þyrfti góðan tíma til að fara
yfir málið, það væri hápólitískt, stórt og mikið. Að-
spurð kvað hún stjórnarandstöðuna þó ekki ætla
að tefja afgreiðslu þess. „Við vitum ekkert hvenær
þessu þingi lýkur eða hvernig, við tökum okkur
bara þann tíma sem við þurfum til að ræða málin,“
sagði hún.
Þingmenn stjórnarandstöðu hafa gagnrýnt
áform meirihluta atvinnuveganefndar. Hanna
Katrín Friðriksson, þingflokksformaður Viðreisn-
ar, sagði um helgina að engin rök væru fyrir lækk-
un veiðigjalda, annað gæti gilt um sértækar að-
gerðir fyrir smá fyrirtæki, en flöt lækkun væri
gagnrýniverð.
Ræða um veiðigjöldin í dag
 Framlenging á störfum þingsins  Stjórnarandstaðan „tekur sér góðan tíma“
Atkvæðagreiðslu um nýjan kjara-
samning Félags grunnskólakenn-
ara lýkur klukkan 14 í dag. Á há-
degi í gær höfðu 48,86% félags-
manna kosið.
Skrifað var undir samning
grunnskólakennara og sveitar-
félaganna hinn 26. maí. Samning-
urinn kveður á um 4,1% launa-
hækkun 1. júní og 150 þúsund kr.
eingreiðslu 1. júlí næstkomandi.
Launaflokkur bætist við eftir 20 ár
í kennslu, eða við 50 ára aldur hjá
þeim sem taka laun eftir lífaldri,
frá og með 1. ágúst nk., vinnumatið
fellur út og tími kennara til undir-
búnings er aukinn. Þá er í samn-
ingnum nýr menntunarkafli, sem er
óbreyttur frá þeim samningi sem
FG samdi um í mars sl., en félags-
menn felldu þann samning í at-
kvæðagreiðslu.
Atkvæðagreiðslu
kennara lýkur í dag