Morgunblaðið - 18.06.2018, Blaðsíða 4
4
MORGUNBLAÐIÐ MÁNUDAGUR 18. JÚNÍ 2018
Bir
tm
eð
fr
irv
ar
au
m
re
ntv
illu
r.
He
im
sfe
rð
ir
ás
kil
ja
sé
rr
étt
til
lei
ðr
étt
ing
aá
slí
ku
.A
th.
að
ve
rð
ge
tur
br
ey
st
án
fyr
irv
ar
a.
Bókaðu þína ferð á
www.heimsferdir.is
m/VöluMatt ogUnuSigurðardóttur
595 1000
LANDIÐMITT ÍTALÍA
Frá kr.
149.995
Í MOSKVU
Skapti Hallgrímsson
skapti@mbl.is
Hin fleygu orð, að Ísland sé
stórasta land í heimi áttu býsna vel
við í Moskvu á laugardaginn. Þjóð-
in á að minnsta kosti „stórasta
landslið“ í heimi. Hjörtun slá í takt.
Frægari leikmenn eru í mörgum
hinna liðanna, miklu þekktari nöfn,
leikmenn sem spila fyrir þekktari
og ríkari félagslið, en samheldni og
félagslegur styrkur fást ekki keypt
fyrir peninga.
Íslenska karlalandsliðið tók stórt
skref fyrir tveimur árum með þátt-
töku í lokakeppni Evrópumóts í
fyrsta skipti en á laugardag var
stigið risaskref. Sjálft heimsmeist-
aramótið var það, heillin, og ekki
ráðist á garðinn þar sem hann er
lægstur; Messi, litli risinn, einn
besti knattspyrnumaður sögunnar,
og samherjar hans í liði Argentínu.
Allt er stærra á HM en EM.
Miklu fleiri fjölmiðlamenn og
áhuginn gríðarlegur í öllum heims-
hornum.
Vert er að minna á að Íslend-
ingar eru langfámennasta þjóð sem
komist hefur í lokakeppni HM.
Þjóðin telur nú um 340.000 sálir,
um milljón færri en Trininad og
Tobago, þegar lið landsins lék á
HM 2006.
Mannfjöldi er hins vegar bara
tölfræði. Á vellinum eru 11 hjörtu í
hvoru liði og einn bolti.
Morgunblaðið/Skapti Hallgrímsson
Söguleg stund Alfreð Finnbogason gerir fyrsta mark Íslands í úrslitakeppni heimsmeistaramóts. Caballero markmaður varði skot Gylfa Þórs Sigurðssonar en boltinn hrökk til Alfreðs.
Samstaða Leikmenn Íslands þakka áhorfendum jafn-
an fyrir stuðninginn. Emil Hallfreðsson hvílir lúin bein.
Markvarsla Hannes Þór Halldórsson, sem var frábær í leiknum, augnabliki áður en hann ver víti Lionels Messi.
Tilfinningar Gunnar Malmquist og Jóna Arnórsdóttir, for-
eldrar Arons fyrirliða, voru nánast örmagna í leikslok.
Hamingja Heimir Hallgrímsson, landsliðsþjálfari, kyssir eiginkonu sína,
Írisi Sæmundsdóttur að leikslokum. Jónína systir hans hefur gaman af.
Draumar rætast
ef hjörtu slá í takt
Sigurður Bogi Sævarsson
sbs@mbl.is
„Það eru allir í góðu skapi meðan á HM stendur og Ís-
lendingum gengur vel. Þetta hefur góð áhrif á þjóðarsál-
ina. Áhrifin eru þó sjaldnast langvarandi, nema kannski
að áhugi ungra stráka og stelpna á því
að æfa fótbolta eykst,“ segir Guð-
mundur Hálfdánarson, prófessor í
sagnfræði og forseti hugvísindasviðs
Háskóla Íslands.
Framkoma til fyrirmyndar
Guðmundur hefur mikið rannsakað
og skrifað um þjóðernismál sem eiga
sér margar birtingarmyndir. Hann
segir góðan árangur íslenska karla-
landsliðsins í knattspyrnu, það er að
gera jafntefli við Argentínu í fyrsta
leik sínum í riðlakeppni, 1-1, sannarlega skapa jákvæð
áhrif í þjóðlífinu.
„Þetta snertir alla, jafnvel fólk sem hefur lítinn áhuga
á íþróttum. Það gerðist til dæmis í tengslum við EM fyr-
ir tveimur árum og eins þegar best gekk hjá íslenska
landsliðinu í handbolta fyrr á árum,“ segir Guðmundur
sem telur árangur í Argentínuleiknum vitna um góða
vinnu og skipulag sem allir geti verið stoltir af. Fram-
koma áhorfenda og annars fylgisfólks íslenska liðsins í
Moskvu hafi verið til fyrirmyndar, en stundum hafi
boltabullur sett leiðan svip á stórleiki.
Eins og sterkur og góður kaffibolli
„Ætli áhrifin sem góður árangur Íslendinga í íþróttum
vekur séu ekki svipuð því að drekka sterkan og góðan
kaffibolla. Þetta skilar vellíðan í svolitla stund sem fljótt
fjarar út. En vissulega skapar allt svona sterka sam-
stöðu meðal lítillar þjóðarinnar og hún er eftirsóknar-
verð,“ segir Guðmundur Hálfdánarson. Vísar hann í þá
miklu stemningu sem myndaðist til dæmis þegar Vala
Flosadóttir vann til bronsverðlauna á ÓL í Sydney árið
2000 og silfurverðlaun íslenska handboltalandsliðsins á
ÓL árið 2008. Megi þá nefna fleiri dæmi frá ýmsum tím-
um sem skópu jákvæð áhrif. Undirstrika verði þó að nú
sé aðeins einum af fjórum leikjum sem Ísland leikur lok-
ið og sé gott að hafa í huga orðatiltækið að dag skuli að
kveldi lofa.
Góð áhrif á þjóðarsálina
Guðmundur
Hálfdánarson
Jákvætt en ekki langvarandi Áhugi ungmenna á
íþróttum eykst Allir í góðu skapi meðan á HM stendur