Morgunblaðið - 18.06.2018, Side 25

DÆGRADVÖL 25
MORGUNBLAÐIÐ MÁNUDAGUR 18. JÚNÍ 2018
Stjörnuspá
21. mars - 19. apríl 
Hrútur Vænleg tækifæri bíða þín og þú skalt
ekki hika við að grípa þau sem þér líst best
á. Mundu að hvatning fær mun meiru áorkað
en gagnrýni.
20. apríl - 20. maí 
Naut Þú munt komast að því að hæfileikar
þínir liggja á mörgum sviðum. Þótt þig langi
til þess að breyta einhverju þá er ekki rétti
tíminn til þess núna.
21. maí - 20. júní 
Tvíburar Sinntu starfi þínu af kostgæfni því
það kemur að viðurkenningu, þótt síðar
verði. Hættu að bera þig saman við annað
fólk því engir tveir eru eins.
21. júní - 22. júlí 
Krabbi Þú ert eitthvað snefsinn við aðra og
það er ekki þér líkt. Reyndu að sýna lipurð
og samstarfsvilja og þá muntu ná árangri.
23. júlí - 22. ágúst 
Ljón Fátt er betra en góðir vinir en farðu
varlega í að ráðleggja þeim í viðkvæmum
málum. Einbeittu þér að því að efla styrk
fólks frekar en að einblína á veikleikana.
23. ágúst - 22. sept. 
Meyja Þú átt það til að draga þig í hlé til að
forðast árekstra við annað fólk. Nú er komið
að því að þú framkvæmir það sem þú hefur
lengi látið þig dreyma um.
23. sept. - 22. okt. 
Vog Hlustaðu á hjarta þitt þótt ekki sé það
sársaukalaust. Sýndu varkárni í peninga-
málum og ekki eyða um efni fram einungis
til þess að skemmta þér.
23. okt. - 21. nóv.
Sporðdreki Þótt það sé afskaplega freist-
andi að leggja orð í belg skaltu halda aftur af
þér og láta aðra um það að leysa málin að
þessu sinni.
22. nóv. - 21. des.

Bogmaður Þú færð tækifæri til þess að
hitta skemmtilegt fólk og skalt njóta augna-
bliksins. Þú nærð mjög vel saman við vissa
manneskju, sem gæti gert aðra afbrýðisama.
22. des. - 19. janúar 
Steingeit Láttu ekki ljós þitt skína um of,
því það þreytir bara þá sem þig umgangast.
Vertu því þolinmóður og sýndu aðstæðum
annarra skilning.
20. jan. - 18. febr. 
Vatnsberi Ekki vera of fljótur á þér að játast
verkefnum og fólki, því það á eftir að éta
upp allan þinn tíma. Gefðu þér tíma til að
rækta sjálfan þig.
19. feb. - 20. mars

Fiskar Dagurinn í dag er eins og töfrabragð,
þú þarft ekki að skilja allt til hlítar til að
njóta dagsins. Njóttu hinna smærri sigra,
þeir skipta meira máli en þú gerir þér grein
fyrir.
Árbók Þingeyinga hóf göngusína árið 1958 og hefur komið
út síðan. Ritstjóri var Bjartmar
Guðmundsson á Sandi. Það var
fróðleg og skemmtileg upprifjun að
lesa þetta 60 ára gamla rit. Fyrsta
ljóðið í árbókinni er „Áhyggjuefni“
eftir Egil Jónasson og ég læt það
eftir mér að endurprenta það hér í
Vísnahorni:
Áhyggja vex og undrun mín,
og engin von að drottni líki
að mennirnir skuli‘ ekki skammast sín
að skjóta flaugum á Himnaríki.
Skipin þola ei skotin föst
og skaði að fleiru orðið getur.
Hugsið ykkur þau eftirköst,
ef þeir drepa nú Sankti-Pétur!
Allir prestar um allan heim,
erkibiskupar svo og páfinn,
samtaka ættu að segja þeim
að sigla‘ ekki laupunum út í bláinn.
Þó við búum við kreppukjör
og kvelji oss sárir jarðarþyrnar,
þá hikar margur við himnaför,
ef hundar jarðneskir verja dyrnar.
Í Árbókinni eru þessar stökur
eftir Brynjólf Sigurðsson, – hin
fyrri „Í síldinni“:
Fáfnis gæla fyllir mæla,
fyrða tælir út að Dröfn,
mest er sæla að mega þræla
í Mammonsbrælu á Raufarhöfn.
„Undir kaffiborði“ er seinni stak-
an:
Þegar kyljan kófi og snjá
kastar að Adamssonum
yndi er að kanna ylinn frá
elskulegum konum.
Í Árbókinni 1959 eru þessar stök-
ur eftir Kristján Ólason, – fyrst er
„Auðnin áhyggjulausa“:
Ekki þjáist auðnin grá
yndisfáa og nauma,
heldur sá er ann og á
ástarþrá og drauma.
Þá er „Arðan“:
Góða, mjúka gróna jörð,
græn og fögur sýnum!
Hví er alltaf einhver hörð
arða í skónum þínum?
Síðan koma „Höpp og töp“:
Hóflega blandast höpp og töp,
hinstu stunda gaman,
æskubrek og elliglöp
eru að kemba saman.
Halldór Blöndal
halldorblondal@simnet.is
Vísnahorn
Úr Árbók Þingeyinga,
ljóð og stökur
VALGEIR ÁTTI ALLTAF ERFITT UM
SVEFN NEMA Á HVÍLDARDÖGUM.
„HVAÐA FINGUR ER UM AÐ RÆÐA?“
Ferdinand
Hrólfur hræðilegi
Grettir
... þú, ég, tunglið og
stjörnurnar.
Í klípu eftir Mike Baldwin eftir Jim UngerHermann
ÉG ER SVO
ÞREYTTUR
FYRIRGEFÐU, ODDI.
ÉG ER OF ÞREYTTUR
TIL AÐ SPARKA Í ÞIG
ÖLL UPPLIFUM VIÐ
EINHVER VONBRIGÐI
AF HVERJU ERTU
MEÐ EDDA HEPPNA
Í LIÐINU ÞÍNU?
ÉG REIÐI MIG
Á HANN EF
ILLA FER Í
ÚTLÖNDUM!
ER HANN HARÐARI EN
HANN VIRÐIST?
NEI, EN HANN KANN AÐ GEFAST
UPP Á ÁTTA TUNGUMÁLUM!
Sumarmorgunninn við Tjörnina íReykjavík var fallegur. Allt er
orðið iðjagrænt og blómstrandi
runnar neðan við Ráðherrabústað-
inn anga eins og ilmvatn. Víkverji
gekk Tjarnargötuna að Austurvelli
til þess að fygjast með hátíð-
arhöldum þjóðhátíðardagsins. Í
fjarskanum heyrðist ómur frá
klukknaspili kirkna í grendinni þeg-
ar hringt var til guðþjónustu. Bros-
mildar löggur stóðu vaktina við
Dómkirkjuna; Ásgeir Þór Ásgeirs-
son yfirlögregluþjónn, Árni Frið-
leifsson mótarhjólakappi og fleiri
góðir. Við Kirkjutorg stóðu stífbón-
aðir sendiherrabílar og Lexus for-
seta Íslands. Skátarnir marseruðu
um strætin og æfðu hlutverk sitt og
ungliðasveit lögreglunnar marseraði
fyrir framan alþingishúsið sam-
kvæmt samræmdu göngulagi.
x x x
Þjóðbúningakonur flykktust núfram og tóku sér sæti á Aust-
urvelli. Þegar klukkan sló ellefu
gekk hersing mikil út úr Dómkirkj-
unni; forystusveit Alþingis og
Reykjavíkurborgar og svo sendi-
fulltrúar erlendra ríkja. Forsetinn
og stúdentar lögðu blómsveig á leiði
Jóns Sigurðssonar; mannsins sem
með viðhorfum sínum og baráttu
skapaði inntak þjóðhátíðardagsins.
x x x
En hver er boðskapur dagsins.Hver lítur sínum augum á silfrið
en flestir geta verið sammála um þá
skilgreiningu að við Íslendingar eig-
um að bera höfuðið hátt og vera stolt
af því að tilheyra þjóð sem eru flestir
vegir færir, eins og jafntefli karla-
landsliðs okkar í knattspyrnu við
Argentínu sl. laugardag sannaði.
Hugurinn þarf þó að vera rétt stillt-
ur gagnvart hverju verkefni og liðs-
heildin í lagi, sagði Katrín Jak-
obsdóttir forsætisráðherra í
þjóðhátíðarávarpi sínu.
x x x
Eftir þjóðhátíðardag fer gjarnan aðhægja á takti þjóðlífsins og fólk
fer í sumarfrí. Út í heim, upp í sveit,
inn til heiða og dala. Víða liggja leið-
ir, sumarið er tíminn og landið faðm-
inn breiðir. Það er gaman að vera til.
vikverji@mbl.is
Víkverji
Lofaður sé Drottinn, Guð Ísraels, því
að hann hefur vitjað lýðs síns og búið
honum lausn.
(Lúk:1.68)