Morgunblaðið - 17.07.2018, Side 4

4 FRÉTTIRInnlent
MORGUNBLAÐIÐ ÞRIÐJUDAGUR 17. JÚLÍ 2018
VÍKURVAGNAR EHF. STYRKUR, ÞJÓNUSTA OG ÁREIÐANLEIKI
STÆRÐ FRÁ 360-550 L
FARANGURSBOX
Víkurvagnar ehf. - Hyrjarhöfði 8. - 110 Reykjavík -
Sími 577-1090 - www.vikurvagnar.is - sala@vikurvagnar.is
Morgunblaðið/Eggert
Á ferð um landið Lagaumhverfið
í ferðaþjónustu mun breytast.
Baldur Arnarson
baldura@mbl.is
Bókunarþjónustur í ferðaþjónustu
verða leyfisskyldar frá og með ára-
mótum. Þá verða
þær meðal annars
skyldaðar til að
leggja fram
tryggingar vegna
pakkaferða og
samtengdrar
ferðatilhögunar
bjóði þær upp á
slíkt, eða gera við-
skiptavinum sín-
um kleift að setja
saman ferðir.
Þetta segir Helena Þ. Karlsdóttir,
forstöðumaður stjórnsýslu- og um-
hverfissviðs hjá Ferðamálastofu.
Verið sé að stoppa upp í gat í reglu-
verkinu og innleiða nýja tilskipun
Evrópusambandsins. Samsettar ferð-
ir verða í flestum tilfellum trygginga-
skyldar.
Leggst af í núverandi mynd
„Leyfismálin eru að breytast hjá
okkur. Nú eru annars vegar ferða-
skrifstofuleyfi og ferðaskipuleggj-
endaleyfi og hins vegar skráðar bók-
unarþjónustur. Með breytingunni
verða ferðaskipuleggjendur ekki til í
þeirri mynd sem þeir eru nú, heldur
munu þeir heita ferðasali dagsferða
(stakar ferðir), og bókunarþjónustur
munu detta út. Bókunarþjónustur og
ferðaskipuleggjendur þurfa fyrir 1.
mars 2019 að endurskilgreina starf-
semi sína og sækja annaðhvort um
ferðaskrifstofuleyfi eða leyfi sem
ferðasalar dagsferða,“ segir Helena
og bendir á að hægt verði að leggja
dagsektir á fyrirtæki sem uppfylli
ekki lagaskilyrði og geti þær numið
frá 50- 500 þúsund á dag.
,,Þegar núverandi ákvæði um bók-
unarþjónustur var sett var rekstrar-
umhverfi fyrirtækja allt annað og var
hugsunin sú að þær ættu einungis að
bóka ferðir en ekki taka við
greiðslum. Það áttu þeir sem veita
viðkomandi þjónustu að gera.“
Nær til pakkaferða
Framangreindar breytingar verða
innleiddar með nýjum lögum um
Ferðamálastofu og lögum um pakka-
ferðir og samtengda ferðatilhögun.
Með pakkaferð er átt við samsetningu
að minnsta kosti tveggja tegunda
ferðatengdrar þjónustu. Með sam-
tengdri ferðatilhögun er hins vegar
átt við tvær mismunandi tegundir
ferðatengdrar þjónustu sem keyptar
eru vegna sömu ferðar en mynda ekki
pakkaferð. Í greinargerð frumvarps
að lögum um pakkaferðir og sam-
tengda ferðatilhögun segir að mark-
mið laganna sé að tryggja neytenda-
vernd við kynningu, gerð og efndir
samninga um pakkaferðir og sam-
tengda ferðatilhögun. Með frumvarp-
inu sé lagt til að tilskipun Evrópu-
þingsins og ráðsins 2015/2302, um
pakkaferðir og samtengda ferðatil-
högun, verði innleidd í íslenskan rétt.
Með tilkomu nýrra laga verður
hvers konar milliganga og sala á sam-
settum ferðum leyfis- og tryggingar-
skyld. Með núverandi fyrirkomulagi
er sá möguleiki fyrir hendi að bók-
unarþjónustur selji samsetta þjón-
ustu, til dæmis gistingu, bílaleigubíl
og afþreyingu, án þess að hafa leyfi
sem ferðaskrifstofur með viðeigandi
framlagningu tryggingar, eins og
ferðaskrifstofur þurfa að gera. Þetta
er meðal þess sem mun breytast með
gildistöku laganna 1. janúar.
Bókunarþjónusta verður leyfisskyld
 Bókunarþjónustur munu meðal annars þurfa að leggja fram tryggingar eftir að ný lög taka gildi
 Dagsektir verða lagðar á fyrirtæki sem uppfylla ekki skilyrðin  Kemur í kjölfar tilskipunar ESB
Helena Þ.
Karlsdóttir
Axel Helgi Ívarsson
axel@mbl.is
„Þetta er áfall fyrir réttlætið í land-
inu að dómar skuli ítrekað falla með
hagsmuni banka og fjármálafyrir-
tækja í huga,“ segir Ásthildur Lóa
Þórsdóttir, formaður Hagsmuna-
samtaka heimilanna, um nýfallinn
dóm Landsréttar um ógildingu
skuldabréfs, mál nr. 95/2018.
Vekja samtökin athygli á því að
samkvæmt dómnum virðist mega
krefja skuldara um greiðslu skuldar
þó að kröfuhafi geti ekki framvísað
frumriti skuldabréfsins. „Dómurinn
er ávísun á stórfellda réttaróvissu
þegar tekist er á um réttmæti skulda
og hver sé eigandi skuldarinnar ef
frumrit finnast ekki, því afrit skulda-
bréfa geta legið víða,“ segir í tilkynn-
ingu frá samtökunum.
Landsréttur staðfesti niðurstöðu
héraðsdóms um ógildingu veð-
skuldabréfs þar sem talið var
nægjanlega sannað að Landsbank-
inn hf. teldi til réttar yfir bréfinu.
Fyrir héraðsdómi kvaðst Lands-
bankinn vera eigandi skuldabréfs en
sagði frumrit þess vera glatað.
Vegna þess vildi bankinn fá bréfið
ógilt með dómi svo hann gæti nýtt
sér þau réttindi sem því fylgdu.
Stefndi sagði hins vegar að bankinn
ætti ekki og hefði aldrei eignast um-
rætt veðskuldabréf.
„Þarna eru rosalega mikil réttindi
í húfi og það er náttúrlega bara alveg
út í hött að það sé hægt að taka heim-
ili fólks af því án þess að hafa frumrit
skuldabréfs,“ segir Ásthildur. Til
stendur að fara fram á áfrýjun til
Hæstaréttar Íslands.
Spurð hversu vongóð hún sé um að
Hæstiréttur snúi dómi Landsréttar
fari málið þangað segist Ásthildur
ekki trúa öðru. Segir hún Hæstarétt
hljóta að taka dóminn til endurskoð-
unar vegna þess hve miklar afleið-
ingar hans séu. „Ef þetta á að
standa, að ekki þurfi frumrit af
skuldabréfi, erum við komin á of-
boðslega hættulega braut,“ segir
Ásthildur að endingu.
Skuldabréfadómur Lands-
réttar „áfall fyrir réttlætið“
 Farið fram á áfrýjun til Hæstaréttar  Mikil réttindi í húfi
Kosnir þeir
bestu á HM
Aðdáendur ís-
lenska karla-
landsliðsins í
knattspyrnu á
heimsmeistara-
mótinu í Rúss-
landi voru valdir
þeir bestu í kosn-
ingu á vef Euro-
sport. Kosningin
stóð yfir frá upp-
hafi mótsins, eða 15. júní, og voru
úrslitin kunngerð í fyrradag þar
sem Ísland varð í efsta sæti. Stuðn-
ingsmenn Perú voru valdir þeir
næstbestu og stuðningsmenn Níg-
eríu hlutu þriðja sætið. Það land
sem hafnaði neðst í kosningunni í
lok hvers dags var fellt úr leik þar
til aðeins eitt land stóð eftir sem
sigurvegari.
Eftirtektarverður stuðningur
„Það er mjög gaman að fólk frá
öðrum löndum finni hvað Íslending-
ar eru góðir stuðningsmenn og þess
vegna er þetta mikill heiður,“ segir
Hilmar Jökull Stefánsson, með-
stjórnandi í stjórn Tólfunnar, um
kjörið í samtali við Morgunblaðið.
„Reglan okkar er alltaf sú að allir
eru í Tólfunni á leikdag ef mætt er í
bláu og sungið,“ segir Hilmar um
stuðningssveit Íslands á HM.
Bendir hann sérstaklega á að sam-
heldni íslenskra stuðningsmanna á
HM hafi vakið eftirtekt víðs vegar
um heim. axel@mbl.is
Hilmar Jökull
Stefánsson
 Netkosning um
bestu aðdáendurna
Það var kærkomið mánudagssólskinið á Snæ-
fellsnesi eftir vætusamt veður að undanförnu.
Þegar ljósmyndari Morgunblaðsins átti leið þar
um mátti sjá þennan fríða hóp hoppa og hlaupa
yfir rennblautan hagann. Á köflum var æsingur
dýranna svo mikill að sjónarspilið minnti einna
helst á þann stórviðburð þegar bændur landsins
hleypa kúnum út á vorin. Í fjarska blasti hinn
kynngimagnaði Snæfellsjökull við, en hann teyg-
ir sig upp í 1.446 metra hæð og er eldstöðin
sennilega það sem flestum dettur í hug þegar
minnst er á Vesturland.
Morgunblaðið/Valli
Hlaupið og hoppað yfir rennblautan hagann
Kýrnar á Snæfellsnesi bauluðu í átt að sumarsólinni