Morgunblaðið - 19.07.2018, Side 15

FRÉTTIR 15Innlent
MORGUNBLAÐIÐ FIMMTUDAGUR 19. JÚLÍ 2018
Sjónmælingar eru okkar fag
Tímapantanir í síma:
Optical Studio í Smáralind, 5288500
Optical Studio í Keflavík, 4213811
Optical Studio í Leifsstöð, 4250500
Ragnhildur Þrastardóttir
ragnhildur@mbl.is
Plokk-in er forrit í þróun sem hefur
það að markmiði að auðvelda þeim
sem plokka vinnuna og gera hana skil-
virkari. Plokk hefur notið aukinna vin-
sælda hérlendis síðustu misseri, en
það snýst um að tína upp rusl á förnum
vegi á meðan gengið er eða skokkað.
Guolin Fang vinnur að verkefninu
ásamt þeim Tinnu Þuríði Sigurðar-
dóttur, Þorgeiri Sigurðssyni og Stef-
áni Þorvarðarsyni. „Fólk sem sér rusl í
náttúrunni getur skráð það inn í for-
ritið og svo geta þau sem plokka séð
hvar mest þörf er á að tína rusl og farið
að plokka á þeim svæðum sem mest
hefur verið skráð að þurfi á plokki að
halda,“ segir Guolin.
Forritið mun finna út fyrir hvert og
eitt hvaða leið er hentugust og skilar
mestu plokki. „Til dæmis ef ég er á
hjóli, í farþegasæti í bíl eða strætó og
ég sé rusl einhvers staðar en hef ekki
endilega tíma og tól til að tína strax get
ég merkt inn á kortið hvar er rusl.
Seinna meir, ef einhvern langar að
fara að plokka, getum við reiknað út
leiðangur fyrir viðkomandi og sýnt
honum eða henni hvert er sniðugt að
fara til að tína sem mest rusl, hvaða
svæði þarf á plokki að halda. Segjum
sem svo að mig langi að plokka í
klukkutíma, þá reiknar appið út hvaða
vegur hentar mér og hvar þarf mest að
plokka út frá þeim gögnum sem appið
á.“
Þau sem standa að Plokk-in hafa nú
þegar fengið góðar viðtökur hjá bæði
Reykjavíkurborg og Startup Reykja-
vík, samkvæmt Guolin.
„Þau eru mjög áhugasöm um að
styðja okkur í þessu. Borgin hefur
ekki endilega mannafla til þess að
sinna ruslatínslu endalaust og fólk
langar virkilega að halda borginni
hreinni þannig að við þurfum bara að
búa til einhvers konar brú á milli til að
auðvelda samskipti á milli borgar-
stjórnarinnar og samfélagsins.“
Ætlunin er þó að hafa forritið að-
gengilegt fleirum en höfuðborgar-
búum. „Við erum ekki að leysa vanda-
málið ef við erum bara að sinna
ákveðnum svæðum. Við ætlum að
byrja á því að horfa á Reykjavík en
ætlum svo að stækka svæðið og hafa
appið aðgengilegt á öllu landinu og
fyrir alla landshluta,“ segir Guolin, en
markið er sett hátt og vonast hann til
þess að þau geti einnig boðið upp á for-
ritið erlendis.
„Við tökum samt sem áður bara eitt
skref í einu og einbeitum okkur að því
að koma forritinu í loftið áður en
haldið er lengra.“ Samkvæmt
Guolin stefna þau hjá Plokk-in
á að forritið verði komið í loftið
í byrjun næsta árs. „Við ætlum
að reyna að klára frumgerð fyr-
ir desember og nota tímann frá
janúar til mars til að
kynna appið svo að
sem flestir geti notað
það næsta sumar.“
Borgin hreinsuð með nýju appi
 Forrit sem sýnir plokkurum hvar er mest þörf á plokki væntanlegt á markað  Vilja fara í samstarf
við borgina  Vonast til þess að geta gert forritið aðgengilegt á landsbyggðinni og jafnvel erlendis
Sjónrænt Með forritinu er bæði hægt að merkja inn hvar er rusl og athuga hvar er mest þörf á að tína rusl.
Plokk-in hópurinn stefnir á að
nýta þetta umhverfisvæna
verkefni til að ráðast einnig að
rót vandans. „Markmið okkar
er að reyna að finna lausn,
ekki bara að skrá niður hvar er
rusl og hvar ekki, heldur að
finna út úr því hvað veldur því
að það er rusl úti um allt og
gera eitthvað í því,“ segir
Guolin, sem bendir á að gögn
úr Plokk-in muni geta nýst til
þess að staðsetja ruslafötur
og hjálpað til við að finna út
hvar þurfi að bæta þeim við.
Í framhaldinu stefnir Plokk-
in hópurinn á að fræða börn
um umhverfisvernd. „Okkur
langar að kynna plokk í skól-
um, kynna þetta fyrir börnum
og unglingum ásamt því að
segja þeim frá því sem er að
gerast í loftslagsmálum,
hvaða áhrif plast og rusl
hefur á umhverfið og hvern-
ig við getum haft góð áhrif á
umhverfið og gert það
betra,“ segir Guolin, sem
kveðst mjög ánægður með
þetta tækifæri til að
bæta umhverfið.
Ráðast að
rót vandans
VILJA LÁTA TIL SÍN TAKA
Guolin Fang