Morgunblaðið - 19.07.2018, Qupperneq 37

DÆGRADVÖL 37
MORGUNBLAÐIÐ FIMMTUDAGUR 19. JÚLÍ 2018
Stjörnuspá
21. mars - 19. apríl 
Hrútur Þó að stóru hlutirnir kalli á aðgerðir
er ekki rétt að láta smáatriðin sitja á hak-
anum. Galsi losar þig ekki endilega við
vandamálin en hjálpar þér að sjá þau frá
nýrri hlið.
20. apríl - 20. maí 
Naut Þú stendur frammi fyrir ráðgátu sem
þú þarft að beita öllum þínum hæfileikum til
þess að finna lausn á. Reyndu að gera eitt-
hvað á hverjum degi sem þú hefur ekki gert/
prófað áður.
21. maí - 20. júní 
Tvíburar Ekki hika við að hrinda hugmyndum
í framkvæmd sem fegra heimilið. Eitthvað
sem þér fannst frumlegt er það ekki lengur.
21. júní - 22. júlí 
Krabbi Þér hættir til að líta framhjá öllum
smáatriðum en stundum verður maður að
hafa þau á hreinu ef allt á að ganga vel. Vertu
raunsæ/r í peningamálunum. Þú þarft ekki
að eignast allt strax.
23. júlí - 22. ágúst 
Ljón Reyndu að finna lausn sem sættir sjón-
armið allra í fjölskyldunni. Allir ættu að hafa
atkvæðisrétt í ákvörðun um stóru málin.
23. ágúst - 22. sept. 
Meyja Notaðu þennan frábæra dag til þess
að lyfta þér upp og spá í nýjar hugmyndir
eða heimsækja ókunnar slóðir. Varastu að
láta tilfinningarnar hlaupa með þig í gönur.
23. sept. - 22. okt. 
Vog Hugsaðu vel um fjármál þín því þér er
ekki alveg treystandi á því sviði þessa dag-
ana. Þér vefst tunga um tönn þegar þú ert
spurð/ur um ástamálin.
23. okt. - 21. nóv.
Sporðdreki Þótt það sé voða gaman hjá þér
í góðra vina hópi, verður þú að leyfa öðrum
að komast að. Sýndu sanngirni og vertu
sveigjanleg/ur.
22. nóv. - 21. des.

Bogmaður Þolinmæði er dyggð sem erfitt er
að muna þegar metnaður þinn er jafn mikill
og raun ber vitni. Sumir skilja ekki fyrr en
skellur í tönnum, hafðu það í huga.
22. des. - 19. janúar 
Steingeit Búðu þig undir að þurfa að leggja
heilmikið á þig á næstu daga. Félagslífið hef-
ur aldrei verið fjörugra. Gakktu hægt um
gleðinnar dyr.
20. jan. - 18. febr. 
Vatnsberi Trú tvíburans á sjálfan sig laðar
aðra að honum. Láttu hann hjálpa þér á leið
þinni að settu marki. Margir hlutir sem
freista eru ekki svo nauðsynlegir.
19. feb. - 20. mars

Fiskar Dagar víns og rósa liðnir í bili, ör-
væntu þó ekki, þeir koma aftur. Forvitni þín
um umheiminn er vakin og nú gæti komið
tækifæri til að leggja land undir fót.
Fréttir af lúsmýi hafa tröllriðið öll-um helstu miðlum síðustu daga,
og ratað beint inn í martraðir Vík-
verja. Hann er ekkert sérstaklega
hrifinn af mýflugum eða lúsum, og
nafnið á þessum bitvargi hljómar
eins og þarna hafi þessar tvær óvær-
ur gert með sér vanheilagt bandalag.
x x x
Hvað næst?“ dæsti Víkverjistundarhátt þegar hann sá ljós-
mynd af einni flugunni, sem var þá
greinilega nýbúin að fá sér að borða.
Og hvað getur fylgt í kjölfar lúsmýs?
Erum við að fara að sjá lúsbjöllur?
Pöddumý? Versta mögulega útkoma
í huga Víkverja væri þó að sjálfsögðu
sú ef lúsbý færu láta á sér kræla. Þá
gæti hann bara pakkað saman og
haldið heim.
x x x
Víkverji er ekki að segja að honumsé illa við skordýr. Hann er hins
vegar að segja að sér hafi alltaf liðið
frekar vel á Íslandi þegar kemur að
þessum efnum, enda aðstæður hér á
landi jafnan ekki ákjósanlegt kjör-
lendi sumra kvikinda, sem valda
jafnan óskunda úti í heimi. Hugsan-
lega gæti það þó verið að breytast
með breyttu tíðarfari.
x x x
Honum finnst það þó nokkuð kald-hæðnislegt, með sérstakri
áherslu á kald-hlutann, ef arfleifð
versta sumars sem Víkverji hefur
upplifað er að hér hafi nýr og skæð-
ur bitvargur skotið rótum. Næst
vantar bara fréttir um að eitraðar
köngulær undirbúi fólksflutninga til
landsins í stórum stíl. Þá verður Vík-
verja öllum lokið.
x x x
Að öðru, og geta antísportistar núlokið lestrinum. Heimsmeistara-
keppnin í Rússlandi verður eflaust
lengi í minnum höfð. Víkverji man
ekki eftir því að hafa séð eins
skemmtilega HM-keppni, og er hann
sérstaklega þakklátur fyrir að Ís-
land var á meðal þátttökuþjóða. Það
sem kannski var helst öðruvísi að
þessu sinni er að nú vann „rétt“ lið
að mati Víkverja úrslitaleikinn, í
fyrsta sinn í langan tíma.
vikverji@mbl.is
Víkverji
Leitið Drottins meðan hann er að
finna, ákallið hann meðan hann er
nálægur.
(Jesaja 55.6)
VANTAR ÞIG STARFSFÓLK?
Suðurlandsbraut 6, 108 Rvk. | SÍMI 419 9000 | info@handafl.is | handafl.is
Við útvegum hæfa
starfskrafta í flestar
greinar atvinnulífsins
Handafl er traust
og fagleg
starfsmannaveita
með margra ára reynslu
á markaði þar sem við
þjónustum jafnt stór
sem smá fyrirtæki.
Hagyrðingar brugðust skjótt viðá mánudag þegar Reykvík-
ingar vöknuðu í glaðasólskini. Pét-
ur Stefánsson orti á Leir:
Rigningin er farin frá,
finn ég mæðu dvína.
Nú er dýrðleg sjón að sjá
sól í heiði skína.
Kveðja barst að norðan frá Birni
Ingólfssyni:
Pétri að lokum lánaðist
að lenda sólarmegin.
Jörðin hérna, þurr og þyrst
þambar regnið fegin.
Og í Mývatnssveit orti Friðrik
Steingrímsson:
Þegar regnið þokast frá
þornað loksins getur,
„þá er fögur sjón að sjá“
sólina skína á Pétur.
Fyrstu sólargeislarnir dugðu
ekki til að blíðka skap Sigurlínar
Hermannsdóttur svo að hún gat
ekki stillt sig um að setja vitnisburð
um gærdaginn inn á Leirinn: „Það
er kannski nóg komið af rigning-
artuði en það þýðir ekkert annað en
að láta veðurguðina heyra það“:
Vætusamt er veðurlag
veslast menn og jarðargróður.
Enginn þráður þurr í dag.
Þvílík útreið, Drottinn góður.
Á Boðnarmiði orti Guðmundur
Arnfinnsson:
Blærinn strýkur blöð á grein,
burtu skuggar flýja.
Sólin græðir sálarmein,
syng ég vísu nýja.
Á Boðnarmiði birtist líka mynd
sem tekin var í fallegum garði. Þar
baðaði stúlka sig á sólbekk en að-
eins sáust leggirnir í gallabuxum en
fæturnir voru berir. Anton Helgi
Jónsson lét þessa vísu fylgja til að
lýsa veðursældinni:
Ekki held ég hætt við því
að hríslur neinar bogni;
viðra tíu tásur í
tveggja stafa logni.
Þórður Vilberg Oddsson gladdist
yfir veðrabrigðunum en hafði allan
varann á:
Ský og kuldi skruppu frá,
skín á meðan sólin.
Í nokkrar stundir njóta má,
því næst hún sést um jólin.
Halldór Blöndal
halldorblondal@simnet.is
Vísnahorn
Sól í Reykjavík
og af skáldum
„AFMÆLIÐ ÞITT ER Í NÆSTU VIKU. VILTU
FÁ ÓVÆNT AFMÆLISPARTÍ?“
Ferdinand
Hrólfur hræðilegi
Grettir
... að sýna áhugamálum
hans áhuga.
Í klípu eftir Mike Baldwin eftir Jim UngerHermann
EINN DAGINN MUNU ÞAU ÖLL
SJÁ EFTIR ÞESSU – GEFÐU
ORÐUM MÍNUM EINKUNN!
6,0
PÚKI, MÉR SKILST AÐ JÓN HAFI
SETT ÞIG Í ÞVOTTAVÉLINA
AFTUR. HVERNIG VAR ÞAÐ?
HANN VILL EKKI
TALA UM ÞAÐ
HELGA, HLUSTAÐU Á MIG…
NEI! ÞÚ GEFUR SLÆM RÁÐ!
HVENÆR GAF ÉG ÞÉR
SÍÐAST SLÆM RÁÐ?
NÚ ÞEGAR ÞÚ SAGÐIR MÉR
AÐ HLUSTA Á ÞIG!
Allt um sjávarútveg