Morgunblaðið - 28.07.2018, Side 22

22 FRÉTTIRViðskipti | Atvinnulíf
MORGUNBLAÐIÐ LAUGARDAGUR 28. JÚLÍ 2018
28. júlí 2018
Gengi Kaup Sala Mið
Dollari 105.33 105.83 105.58
Sterlingspund 137.91 138.59 138.25
Kanadadalur 80.57 81.05 80.81
Dönsk króna 16.435 16.531 16.483
Norsk króna 12.83 12.906 12.868
Sænsk króna 11.878 11.948 11.913
Svissn. franki 105.59 106.19 105.89
Japanskt jen 0.947 0.9526 0.9498
SDR 147.46 148.34 147.9
Evra 122.46 123.14 122.8
Meðalgengi/Viðskiptavog þröng 150.9338
Hrávöruverð
Gull 1228.35 ($/únsa)
Ál 2053.5 ($/tonn) LME
Hráolía 74.37 ($/fatið) Brent
Skannaðu kóð-
ann til að sjá
gengið eins og
það er núna á
● Verðmæti sjáv-
arafla íslenskra
skipa í apríl nam
tæpum 11,4 millj-
örðum króna. Borið
saman við apríl á
síðasta ári er þetta
aukning um 33%.
Verðmæti botns-
fiskaflans var um
8,3 milljarðar króna og þar af var verð-
mæti þorskaflans rúmir 4,5 milljarðar
króna.
Aflaverðmæti uppsjávartegunda var
tæpir 2 milljarðar króna. Kolmunni var
um 99,96% af verðmæti uppsjávarteg-
undanna í apríl. Veiði á makríl dróst sam-
an um 91,2% milli aprílmánaða.
Verðmæti afla á Austurlandi jókst
mest milli aprílmánaða, ef litið er á tölur
út frá staðsetningu verkunarstaða, um
64,4%.
Á tólf mánaða tímabili frá maí 2017 til
apríl 2018, nam aflaverðmæti úr sjó tæp-
lega 122 milljörðum króna, sem er 5 pró-
sentustigum hærra en á sama tímabili
ári áður.
Aflaverðmæti í apríl
jókst um þriðjung
STUTT
Þóroddur Bjarnason
tobj@mbl.is
Hundraða milljóna breytingar
standa nú yfir á atvinnuhúsnæðinu
Lynghálsi 4 í Reykjavík, en síðar á
árinu mun verkfræðistofan EFLA
flytja alla sína starfsemi í húsið.
Eins og fram kom í Morgunblaðinu
fyrr í sumar þurfti EFLA að finna
sér nýtt húsnæði, eftir að raka-
skemmdir og mygla greindust í nú-
verandi húsnæði á Höfðabakka 9.
Um 300 manns vinna hjá EFLU.
Pétur Guðmundsson, stjórnarfor-
maður Eyktar, segir að EFLA taki
um 80% af húsnæðinu í leigu til 15
ára, en hreinsað var út úr öllu hús-
inu og það endurhannað miðað við
þarfir verkfræðistofunnar, sem
meðal annars mun verða með rann-
sóknarstofur sínar á neðstu hæð, að
sögn Péturs. Heildarfermetrafjöldi
hússins er nú 8.000 fermetrar eftir
breytingarnar.
Hannað af PKdM arkitektum
Eins og sjá má þegar húsið er
skoðað að utan hefur það fengið
talsverða andlitslyftingu. Þar munar
mest um annars vegar 500 fermetra
viðbyggingu með stórum og björtum
gluggum á fimmtu hæðinni, þeirri
efstu, þar sem útsýni er glæsilegt til
allra átta, og hins vegar þriggja
hæða viðbyggingu við húsið í port-
inu á bakvið húsið. Alls nemur
stækkunin um 3.000 fermetrum.
EFLA verður einnig með hluta af
viðbyggingunni í portinu í leigu, en
enn er óráðstafað fyrstu hæð og
hluta af annarri hæð nýbyggingar-
innar. Hönnuður breytinganna er
PKdM Arkitektar, en sú stofa teikn-
aði húsið upphaflega á sínum tíma.
Spurður um frekari tækifæri á
„hálsunum“ vildi Pétur ekki nefna
neitt eitt, en sagði að alltaf væri eitt-
hvað í bígerð, eins og hann orðaði
það. „Hálsahverfið er mjög öflugt og
gott svæði. Þarna er mikið af
stórum og góðum fyrirtækjum, og
þetta er gott svæði til að vera með
hús á.“
Pétur segir aðspurður aðspurn
eftir atvinnuhúsnæði séalmennt góð.
„Fyrirtæki eru með svo misjafnar
þarfir. Menn leita t.d. að mismikilli
lofthæð, margir leita eftir auknum
sýnileika o.fl.“
Leigðist einn, tveir og þrír
Pétur nefnir að Eykt hafi byggt
ofan á Plastprent-húsið svokallaða
við Dragháls nú nýlega og sú viðbót
hafi leigst út „einn, tveir og þrír“,
eins og hann orðar það.
„Við erum með fjóra leigutaka
þar. Það er mikil eftirspurn eftir at-
vinnuhúsnæði á þessum stað.“
Um ástæður hinnar góðu eftir-
spurnar segir Pétur að ljóst sé að
fyrirtæki hafi stækkað og dafnað frá
hruni, og einnig sé víða verið að
vinna í að loka athafnasvæðum, og
rýma þau fyrir íbúabyggð. Þar megi
nefna Vogabyggð og Kársnesið í
Kópavogi. „Í Vogabyggð eru fyrir-
hugaðar íbúðabyggingar, og fyrir-
tækin þurfa því að finna sér nýjan
stað til að vera á.“
Spurður að því sérstaklega hvort
tækifæri séu í því að byggja ofan á
atvinnuhúsnæði, eins og Eykt gerði
við Plastprent-húsið, segir Pétur að
það sé ekki alltaf sjálfgefið, enda
þurfi húsin helst að vera hönnuð til
þess í upphafi.
Hundraða milljóna
breytingar á Lynghálsi 4
Morgunblaðið/Valli
Breyting Lyngháls 4 hefur fengið mikla andlitslyftingu. 3.000 fermetrar hafa bæst við húsið.
Atvinnuhúsnæði
» Mikil spurn er eftir atvinnu-
húsnæði.
» Athafnastarfsemi víkur víða
fyrir íbúðabyggð, og fyrirtækin
þurfa að finna sér nýja staði til
að vera á.
» Lyngháls 4 stækkar um
3.000 fermetra, og verður að
„EFLU-húsinu“, alls 8.000 fer-
metrar.
» Allt var hreinsað út og hús-
næðið lagað að starfsemi EFLU
» 20% enn óráðstafað
 EFLA samdi um leigu til næstu 15 ára  Húsið stækkað um 3.000 fermetra
Evrópska bankaeftirlitsstofnunin,
EBA, hefur frá árinu 2013 gefið út
ársfjórðungslegt yfirlit um fjöl-
marga áhættuvísa í starfsemi evr-
ópskra banka. Íslenskir bankar hafa
ekki verið inni í þessu yfirliti en
gagnaskil frá Fjármálaeftirlitinu til
EBA hófust ekki fyrr en að loknum
fjórða ársfjórðungi 2017 vegna laga-
legra og tæknilegra aðstæðna.
Stóru viðskiptabankarnir þrír,
Arion banki, Íslandsbanki og Lands-
bankinn, eru því í fyrsta sinn með í
yfirliti EBA, sem byggist á tölum
fyrsta ársfjórðungs þessa árs.
Öll aðildarríki ESB, ásamt Ís-
landi, Liechtenstein og Noregi, eiga
aðild að EBA. Yfirlitin byggjast á
stöðluðum skýrslum bankaeftirlita
30 aðildarríkja og gögnum frá 152
bönkum í Evrópu. Tölurnar eru því
samanburðarhæfar milli banka og
landa. Liechtenstein er eina landið
sem ekki er með. Minnst þrjá banka
þarf til þess að tölur séu birtar fyrir
viðkomandi land.
Norrænir bankar standa vel
Fram kemur í skýrslu EBA að
arðsemi eigin fjár í íslenska banka-
kerfinu var 7,9% á fyrsta ársfjórð-
ungi, samanborið við 6,8% meðaltal
evrópskra banka. Noregur, Svíþjóð
og Danmörk voru með arðsemi á
bilinu 10,1% til 10,8%.
Hlutfall vanskilalána í íslenska
bankakerfinu var 3% í lok fyrsta árs-
fjórðungs, samanborið við 3,9% með-
altal banka í Evrópu. Bankar hinna
norrænu ríkjanna standa þó enn bet-
ur, í Svíþjóð var hlutfallið 1%, Nor-
egi 1,2%, Finnlandi 1,3% og í Dan-
mörku voru 2,6% lána flokkuð sem
vanskilalán.
Morgunblaðið/Eggert
Bankakerfið Íslensku bankarnir í
fyrsta sinn hluti af skýrslu EBA.
Íslenskir bankar
með í yfirliti EBA
 Meiri vanskil á
Íslandi en í öðrum
norrænum ríkjum
HLJÓÐMOGGI
FYRIR FÓLK Á FERÐ