Morgunblaðið - 28.07.2018, Blaðsíða 45

DÆGRADVÖL 45
MORGUNBLAÐIÐ LAUGARDAGUR 28. JÚLÍ 2018
Stjörnuspá
21. mars - 19. apríl 
Hrútur Mótspyrnan sem þú hefur fundið
fyrir, hverfur um leið og þú eykur kraftinn.
Mundu að þú þarft ekki að finna upp hjólið.
20. apríl - 20. maí 
Naut Gefðu gaum að líkama þínum og
sinntu þörfum hans. Eyddu tíma með fólki
sem hefur jákvæð og hvetjandi áhrif á þig
og segðu skilið við annað.
21. maí - 20. júní 
Tvíburar Vinna með samtökum eða hópi
fólks veldur því að þú munt eiga óvenjuann-
ríkt á næstunni. Tímabundið starf gæti orð-
ið að fastráðningu.
21. júní - 22. júlí 
Krabbi Þú áleist þig vita í hverju þú værir
bestur, en sumir hæfileikar þínir eru svo
augljósir að þú sérð þá ekki.
23. júlí - 22. ágúst 
Ljón Veittu mótspyrnu og varastu tungulip-
urt fólk sem ekki ber hag þinn fyrir brjósti.
Hristu af þér slenið og gakktu glaður til
starfa á nýjum degi.
23. ágúst - 22. sept. 
Meyja Ekki afskrifa neina hugmynd, nema
þú sért fullviss um tilgangsleysi hennar.
Gefðu þér því tíma í dag og uppfylltu lang-
anir þínar.
23. sept. - 22. okt. 
Vog Lítill pirringur getur orðið að meirihátt-
ar vandamáli. Sýndu umfram allt þol-
inmæði. Farðu rétt í málin því vinslit eru
ástæðulaus.
23. okt. - 21. nóv.
Sporðdreki Að loknu erfiðu verki áttu góða
hvíld skilið. Allir hrósa þér nema einn eða
tveir. Láttu ekkert slá ryki í augun á þér,
heldur haltu þínu striki.
22. nóv. - 21. des.

Bogmaður Sjálfsagi þinn og skipulagning
vekja aðdáun annarra. Brjóttu upp gráma
hversdagsins og settu lit á dag þinna nán-
ustu.
22. des. - 19. janúar 
Steingeit Þú lætur aðgerðir annarra fara í
taugarnar á þér og þarft að hafa hugfast að
aðrir verða að ráða sínum málum.
20. jan. - 18. febr. 
Vatnsberi Þú átt að taka frumkvæðið í þín-
ar hendur í stað þess að láta reka fyrir at-
hugasemdum annarra. Byggðu skoðanir þín-
ar bara á eigin reynslu.
19. feb. - 20. mars

Fiskar Þótt eitt og annað megi lesa út úr
vísbendingum sem blasa við skaltu varast
að gera svo mikið úr þeim að þér fallist
hendur. Ekki hika samt við að biðja um
hjálp.
Víkverji freistast til að fresta. Þaðtók hann tvö ár að endurnýja
ökuskírteinið sitt. Hann fór að lokum
og hitti ökukennara. Þeir tóku einn
rúnt og sögðu það gott. Svo fékk Vík-
verji að borga honum hátt í tíu þús-
und kall fyrir korterið og svo „Sýslu-
manninum í Kópavogi“ annað eins.
Kerfið samþykkir nú ekilinn Vík-
verja.
x x x
Ætli Íslendingar séu ekki skárri íbílprófsmálum en Spánverjar?
Ef ungt fólk þar notar sumarleyfið í
ökunám lætur það eins og það sé
meistaragráða. Þau eru enda vön að
liggja í fullkominni leti alla sumar-
mánuðina. Ekki fá þau sér vinnu,
enda atvinnuleysi enn slíkt að líf-
fræðingur fær ekki vinnu á bensín-
stöð.
x x x
Lítið á Víkverji þó með að vera aðfjalla um atvinnumál á Spáni,
enda loga atvinnumál á hans fóstur-
jörð. Ein mest lesna frétt síðustu
viku var um einhverja búllu úti á
landi sem lýsti eftir afgreiðslustúlku.
Það var hneyksli. Á því herrans ári
2018, fyrirgefið, á því kynlausa ári
2018 lýsir maður augljóslega bara
eftir afgreiðslulífveru!
x x x
Ugglaust átti afgreiðslulífveran íþokkabót að hafa ríka þjónustu-
lund. Það er merkingarlaus klisja. Að
hafa yfirleitt þjónustulund þýðir í
raun að láta orðagjálfur ruddalegra
kúnna yfir sig ganga. Þeir sem það
þola, þeir hafa þjónustulund. Aðrir
ekki. Hún er hvorki rík né fátækleg.
Svipað gildir um tugguna að hafa af-
burðasamskiptahæfileika. Annað-
hvort getur fólk talað við annað fólk
eða ekki.
x x x
Maður sigrar ekki heiminn meðþví að væla. Um að gera fyrir
Víkverja að halda bara áfram með líf-
ið, með brakandi ferskt ökuskírteini í
vasanum. Kerfið er um sinn vinveitt
honum, lofar honum að aka um
strætin. En hann er engu að síður
þræll kerfisins, sem kemur ekki að
sök, úr því að ekki aðeins hefur Vík-
verji ríka þjónustulund, heldur líka
ríka þrælslund. vikverji@mbl.is
Víkverji
Lát ekki hið vonda sigra þig en sigra
þú illt með góðu.
(Rómverjabréfið 21.21)
Gátan er sem endranær eftirGuðmund Arnfinnsson:
Fjarðarmynni má sá vera.
Maður varla nokkur hér
Í þeim rándýr börn sín bera.
Á byssuhlaupi jafnan er.
Sigmar Ingason á þessa lausn:
Um fjarðarkjaftinn fór ég fram og aftur
fannst þar ei við veiðar nokkur kjaftur.
Með hvolp í kjafti hundur veður á.
Hörfar margur byssukjöftum frá.
Helgi Seljan svarar:
Fjarðakjaftar vísir munu vera,
varla nokkur kjaftur reynist þar.
Rándýrin í kjafti börn sín bera,
á byssuhlaupi raunar kjaftur var.
Þannig leysir Helgi R. Einarsson
gátuna:
Niðurstaðan loks er ljós
og laugardagur aftur.
Heiti á gini, hlaupi og ós
er hér og „margur“ kjaftur.
Hér kemur lausnin frá Hörpu á
Hjarðarfelli:
Hér kemur lausnin mín.
Fjarðarkjaftur víst má vera.
Varla finnst hér nokkur kjaftur.
Krílin sín í kjafti bera.
Kjaftur byssu skýtur aftur.
Sjálfur skýrir Guðmundur gát-
una þannig:
Svar mitt:
Fjarðarkjaftur kennist vera,
Kjaftur varla nokkur hér.
Í kjafti refir börn sín bera.
Á byssuhlaupi kjaftur er.
Þá er limra:
Kormákur kvæðamaður
er kjaftaskur annálaður,
og þar sem býr
hinn bráðmælski fýr,
sá bær heitir Orðastaður.
Síðan er ný gáta eftir Guðmund:
Gleður oss nú fremur fátt,
falla rosa skriður,
streymir regnið geims úr gátt,
og gátum rignir niður:
Jafnan má í seti sjá.
Sungin bæði nú og þá.
Mörg í köku minni sá.
Menn þau hlutu fleins í þrá.
Halldór Blöndal
halldorblondal@simnet.is
Vísnahorn
Gott að hafa kjaftana tvo
Í klípu
„ÞAÐ ER TILTÖLULEGA ALGENGT AÐ
DEYJA Á AFMÆLISDEGINUM SÍNUM. ÉG
SET SÖKINA Á ÞANN SEM STÓÐ AÐ
ÓVÆNTU VEISLUNNI.“
eftir Mike Baldwin eftir Jim Unger
„BURT MEÐ ÞIG! ÞÚ FÆRÐ EKKERT.“
Hermann
Ferdinand
Hrólfur hræðilegi
Grettir
... að vita að hann
verður yndislegur
pabbi.
HELGA, ÉG
KEYPTI
PÁFAGAUK!
SKRENSUM Á GÓLFINU
NEI… KETTIR
SKRENSA EKKI
KETTIR
STRUNSA
PÁFAGAUK?
ÞETTA ER
HRÆGAMMUR!
EÐA EITTHVAÐ! HANN
TALAR VÍST ÞEGAR
HANN ER SVANGUR!
FITUHLUNKUR! SÉRÐU?!
Allt um sjávarútveg
NÝ
R
CITROEN
GRAND C4 PICASSO
Dísel, sjálfskiptur, 7 manna, Shine Pakki, Leiðsögukerfi +
Mirror Link, lyklalaust aðgengi, bakkmyndavél, bluetooth.
Verð aðeins kr. 3.980.000
562 1717
Kletthálsi 2 - bilalif@bilalif.is
bilalif.is
Eigum mikið úrval af nýjum og nýlegum bílum á staðnum