Morgunblaðið - 28.07.2018, Blaðsíða 47

MENNING 47
MORGUNBLAÐIÐ LAUGARDAGUR 28. JÚLÍ 2018
mynda og verkin eru flest unnin út
frá því,“ segir Gústav. „Margir lista-
mannanna eru músíkantar eða hafa
mikil tengsl í tónlist.“
Umhverfistenging í verkunum
Gústav segir að hann sé afar hrif-
inn af þeim verkum á sýningunni
sem hafa tengingu í umhverfið. „Það
tengir sum verkanna saman. Þetta
eru verk eins og „Lunchtime“ eftir
Jean-Luc Vilmouth. Það verk á sér
stað eftir Fukushima-slysið og þar
hittist fólk úti við borð sem talar
saman um hamfarirnar og eftirleik-
inn. Svo verður á sýningunni verkið
„Diamond Sea“ eftir Doug Aitken
þar sem hann fer inn á lokað námu-
svæði í Namibíu, myndar landslagið,
tækin og það sem þar er í gangi.“
Þrátt fyrir að einhver verkanna
séu tengd á þennan hátt leggur Gúst-
av áherslu á að margbreytileiki
þeirra sé mikill. „Tengingin á milli
verkanna liggur svolítið í hugmynd-
inni um samspil músíkur, hljóðs,
kvikmynda og myndlistar. Ég myndi
samt sem áður segja að það væri
mjög mikil breidd í verkum sýning-
arinnar. Þarna má sjá allt frá kvik-
myndum yfir í myndbandsinnset-
ingar sem er alls ekki það sama.
Sömuleiðis eru verkin frá ólíkum
tímum.“
Pascale tekur undir það að verkin
séu ólík. „Þau eru af ólíkum stíl,
formum, eru á breiðu aldursbili og
koma frá mismunandi löndum. Þau
fjalla mörg hver um landslag og eins
konar andlandslag. Það sem bindur
þau saman er gæska og friðsæld.“
Hún segir titil sýningarinnar, Oh, so
quiet! einmitt sóttan í þessa friðsæld.
„Ég er mikill aðdáandi Bjarkar og ég
mundi eftir titlinum á þessu lagi
hennar. Titillinn er óður til Bjarkar
og óður til Íslands. Það sem þessi
verk eiga sameiginlegt er að þau eru
hugsandi og friðsæl. Mér finnst það
vera svolítið fangað í þessum titli.
Sýningin er full af góðum tilfinn-
ingum og þægilegu andrúmslofti.“
Pascale segir ekkert verk af sýn-
ingunni standa upp úr, að þau séu öll
mikilvæg. „Ég held að þau séu hvert
og eitt mjög mikilvæg, bæði hvert í
sínu lagi og sem heild.“ Hún vonar að
þau frá Cnap hafi tök á að sýna hér-
lendis aftur. „Ég vonast til þess að
við munum halda sambærilega sýn-
ingu aftur að ári og í framtíðinni.“
Náttúran hefur tekið yfir
Gústav segir Verksmiðjuna, sem
áður var síldarverksmiðja, nokkuð
sérstakan sýningarstað og að sér-
staða hennar felist í stærð, hráleika
og óvenjulegum formum á rýmunum.
„Rýmið er ekki hlutlaust og það hef-
ur oft orðið til þess að verk sem hafa
sterka tengingu við umhverfi og
náttúru koma þarna inn.
Þetta er hús sem er ekki byggt
upp út frá einhverjum ákveðnum fag-
urfræðilegum forsendum heldur
beinlínis til nýtingar á náttúrunni en
nú hefur náttúran tekið yfir húsið.
Húsið hefur látið á sjá og það er
miklu fallegra fyrir vikið,“ segir
Gústav.
Hljómburðurinn einstakur
Hljómburður í Verksmiðjunni er
einstakur, samkvæmt Gústav. „Það
er mikill hljómburður í húsinu sem
getur orðið til þess að það sé flókið að
vinna með hljóð þarna inni, sér-
staklega ef listamaðurinn er með
mikið í gangi. Þetta er krefjandi rými
en það býður jafnframt upp á marga
möguleika.“
Verksmiðjan fær styrk frá afmæl-
isnefnd aldarafmælis fullveldis Ís-
lands og er sýningin því hluti af op-
inberri dagskrá afmælis fullveldis
Íslands. Gústav segir listsýningu
sem þessa nátengda fullveldi Íslands.
„Sýningin er bæði íslensk og alþjóð-
leg og þarna eru mjög flottir vídeó-
listamenn og sömuleiðis glæsilegir
fulltrúar Íslands. Það tengist vissu-
lega fullveldinu enda menning mik-
ilvægur hluti af því. Styrkurinn fer í
fjögur ólík verkefni og sum hafa
sterkari tengingu við fullveldið en
önnur. Þau eru öll mjög ólík þrátt
fyrir að þau snúi öll að myndlist.“
Gústav segir mikinn gestagang
hafa verið í Verksmiðjunni þetta
sumarið og að opnunartíminn sé allt-
af að lengjast. Venjulega er bara opið
þar yfir sumartímann en sýningin
Keep Frozen verður sett upp í Verk-
smiðjunni í nóvember. „Það hefur
verið mjög gott rennirí hér í sumar
og það hefur alltaf verið að lengja í
þessu. Til að byrja með vorum við
bara með opið í júlí og ágúst en nú
hefur verið opið hjá okkur í einhvern
tíma frá byrjun maí og út september
eða október. Á næsta ári opnum við
að öllum líkindum í mars eða apríl og
það er bara þróun sem maður ræður
ekkert við, þannig séð. Það er mikil
löngun til að gera góða hluti þarna og
það er bara spennandi.“
Tónlistargjörningur á opnun
Sýningin Oh, so quiet verður opn-
uð í dag, laugardag, klukkan tvö og
stendur opnunin til klukkan sex. Á
opnuninni mun listamaðurinn Rom-
an Kronenberg flytja tónlistargjörn-
inginn „Ad Genua“, eða upp á ís-
lensku „Á hnén“. Sá gjörningur er 33
mínútna langur og er byggður á
trúarlegri tónlist frá 1680 sem Kro-
nenberg telur vera samtímatónlist. Í
gjörningnum fetar hann á milli klass-
íkur og samtímalistar.
Sýningunni lýkur 9. september.
Forvitnilegt Verkið
„Marcher puis disparaître“
eftir Romain Kronenberg.
Ragnhildur Þrastardóttir
ragnhildur@mbl.is
Feðginin Valgeir Guðjónsson og Vig-
dís Vala Valgeirsdóttir koma fram
saman á tónleikum í Strandarkirkju í
Selvogi á morgun, sunnudag. Tón-
leikarnir bera yfirskriftina „Sunnan
yfir sæinn breiða“.
„Það er mjög gaman að spila með
pabba. Þegar við erum að æfa þá leyf-
ir maður sér samt meira en með öðru
tónlistarfólki og það hefur bara kom-
ið skemmtilega út. Í okkar samstarfi
er meira frelsi og mikið grínast,“ seg-
ir Vigdís um samstarf þeirra feðgina.
Fer fyrr að sofa á kvöldin
Valgeir er Íslendingum góðkunnur
en hann er einn af stofnendum Stuð-
manna og Spilverks þjóðanna. „Hann
er í raun alveg jafn ungur í anda og
ég, eini munurinn á okkur er að hann
fer fyrr að sofa á kvöldin,“ segir Vig-
dís sem er tuttugu og fimm ára og
stundar nám í sálfræði á doktorsstigi.
Samhliða því annast hún tónsmíðar
og kemur fram ýmist ein og sér eða
með öðru tónlistarfólki. „Ég tók mér
pásu frá tónlistinni til þess að geta
einbeitt mér að náminu og helgað mig
því. Svo lét ég plata mig í að fara aft-
ur út í tónlistina og þá varð ekki aftur
snúið.“
Um það hvort sálfræðin sé henni
innblástur í tónsmíðum segir Vigdís:
„Já, alveg klárlega. Ég er á taugavís-
indasviðinu og þar er mikið verið að
vinna með viðbrögð fólks við skila-
boðum frá stoðbúnaði, sem miðlar
upplýsingum um heilbrigð skilning-
arvit þegar eitt þeirra skerðist, til
dæmis í tengslum við gervifætur,
búnaði fyrir sjónskerta og fleira.
Skilaboðin eru oft hljóðmerki eða ein-
hverskonar mynstur sem eru teiknuð
á húðina. Það er mikil list í vísindum.“
Ekki á vísan að róa í tónlist
Vigdís segir föður sinn hafa hvatt
hana til að halda áfram í sálfræði-
náminu. „Þegar ég var átján ára og
var að fara að spila í Hörpu í sextugs-
afmælinu hans pabba sagði hann við
mig: „Það er ekki á vísan að róa í tón-
listinni, Vala mín, ég vona að þú ein-
blínir vel á sálfræðina.“ Þarna var ég
átján ára og var að gera upp við mig
hvort ég ætti frekar að fara út í tón-
list eða sálfræði. Ég fylgdi þessum
heilræðum og er hugfangin af náminu
sem ég valdi mér. Ég sæki samt auð-
vitað áfram í tónlistina þó að ég taki
mér pásur inni á milli.“
Á tónleikunum mun kenna ýmissa
grasa. „Það verður alla vega eitt lag
eftir mig, lagið „Hýjalín“ sem ég gaf
pabba í sextugsafmælisgjöf og svo
verður bara ýmislegt, bæði þekkt og
minna þekkt en allt valið með hliðsjón
af tilefninu til þess að tónlistin hljómi
sem best í þessari fallegu kirkju,“
segir Vigdís en þau feðginin eru bæði
hrifin af því að radda og munu tón-
leikarnir líklega bera þess merki.
Vigdís segir að þau feðgin muni bjóða
upp á sannkallaða sumarstemningu.
„Það er búið að vanta svolítið sumar
þetta sumarið. Þegar maður fær ekki
sumarið í hendurnar er nauðsynlegt
að fá það alla vega í sálina. Við ætlum
að reyna að vera með mikinn sum-
aranda á tónleikunum.“
Tónleikarnir hefjast klukkan tvö
og eru klukkustundar langir. Þeir eru
hluti af dagskrá tónlistarhátíðarinnar
Englar og menn sem hófst í Strand-
arkirkju fyrsta júlí og stendur til
tólfta ágúst.
„Alveg jafn ungur í anda og ég“
Samstillt Valgeir Guðjónsson með dóttur sinni Vigdísi Völu.
 Feðginin Valgeir Guðjónsson og
Vigdís Vala koma fram á tónleikum
Listakonan Dodda
Maggý er ein af þeim
sem sýna verk á sýn-
ingunni. Það eru verk-
in „Curlicue(Spectre)“
og „Etude Op 88 N°1“.
Dodda skapaði bæði
verkin í fyrra en „Cur-
licue“ hefur ekki verið
sýnt hérlendis áður.
„Við völdum tvö verk
sem eru dálítið ólík.
Þau eru bæði vídeó-
og tónlistarverk svo ég er sem
sagt að vinna með myndlist og
tónlist saman. „Etude“ var sýnt í
fyrra í Berg Contemporary og síð-
an var verkið sýnt á Listasafni
Reykjavíkur. Mér finnst æðislegt
að fá tækifæri til að sýna það fyrir
norðan líka og að leyfa fleirum að
sjá það. Ég er að frumsýna „Cur-
licue“ á Íslandi en ég hef sýnt það í
Árósum áður í listasafni sem heitir
ARoS. Það var sem sagt frumsýnt í
fyrra en þetta er í fyrsta skipti sem
það er sýnt á Íslandi. Þetta eru tvö
ólík verk en ég held að þau verði
svolítið skemmtileg í þessu sam-
hengi,“ segir Dodda Maggý sem
hlakkar til að sýna í Verksmiðjunni
á Hjalteyri. „Ég er rosalega spennt
að fara norður og vera með í þess-
ari sýningu. Bæði er þetta rými al-
veg æðislegt og ég held að þessi
sýning verði alveg rosalega spenn-
andi. Þarna er mjög flott sam-
ansafn af listamönnum og lista-
verkum þannig að ég held að þetta
verði alveg rosalega athyglisverð
sýning.“
Frumsýnir verk á sýningunni
SPENNANDI SÝNING
Dáleiðandi Úr „Curlicue (Spectre)“ eftir Doddu Maggý.