Morgunblaðið - 08.08.2018, Qupperneq 17

Að sögn bandarískra stjórnvalda eru gróður-
eldarnir tveir sem nú geisa í Kaliforníu hinir
stærstu í sögu ríkisins. Eldarnir hafa brennt um
114.850 hektara, sem samsvarar nokkurn veginn
flatarmáli allrar Los Angeles-borgar. Á Twitter
hefur Donald Trump Bandaríkjaforseti kennt
vatnsskorti vegna lélegra umhverfislaga um
eyðilegginguna en staðaryfirvöld segja ekkert
vatn skorta til að slökkva eldinn.
AFP
Stærstu gróðureldar í sögu Kaliforníu brenna glatt
FRÉTTIR 17Erlent
MORGUNBLAÐIÐ MIÐVIKUDAGUR 8. ÁGÚST 2018
Þorgrímur Kári Snævarr
thorgrimur@mbl.is
Dómur féll í gær í sakamáli sem allt
Þýskaland hefur hryllt sig yfir síð-
ustu vikurnar. Hin 48 ára gamla
Berrin Taha og kærasti hennar, 39
ára gamall dæmdur barnaníðingur
að nafni Christian Lais, voru bæði
dæmd í 12 ára fangelsi fyrir að selja
10 ára gamlan son Taha í vændi á
netinu. Frá þessu er sagt á fréttasíð-
um The Guardian og AFP.
Dómarar komust að þeirri niður-
stöðu að parið hefði beitt drenginn
kynferðislegu ofbeldi og grætt á því
að selja líkama hans barnaníðingum
frá 2015 til 2017. Taha og Lais voru
dæmd fyrir nauðgun, kynferðisbrot
gegn barni, nauðungarvændi og
dreifingu á barnaklámi. Einnig voru
sex karlmenn dæmdir í fangelsi fyrir
að brjóta á drengnum gegn greiðslu
til foreldranna.
Málið hefur vakið harða gagnrýni
á barnaverndarstofnanir Þýska-
lands. Vitað var að drengurinn bjó
með dæmdum barnaníðingi en þó
hafði ábendingum frá skóla hans um
að ekki væri allt með felldu verið vís-
að frá þar sem þær þóttu „óljósar“.
Rætt hafði verið við móður drengs-
ins stuttu fyrir handtöku parsins en
ekki við drenginn sjálfan.
AFP
Níð Berrin Taha (til vinstri) og Christian Lais (til hægri) bíða úrskurðar
dómara við réttarhöld sín. Bæði hlutu þau 12 ára fangelsisdóm.
Dæmd fyrir að selja
son sinn í vændi
Kalt er orðið
milli tveggja
ríkja sem sjald-
an eru nefnd í
sömu andrá.
Sendiherra Kan-
ada í Sádi-
Arabíu var rek-
inn úr landinu
og tilkynnt um
lokun á viðskipti
Sáda við Kan-
ada á mánudaginn. Jafnframt var
sendifulltrúi Sáda í Ottawa kall-
aður heim samkvæmt frétt á
fréttavef The Washington Post.
Ástæðan er færsla á Twitter-síðu
kanadíska utanríkisráðherrans
Chrystiu Freeland þar sem hún
lýsti yfir áhyggjum af handtöku
mannréttindakonunnar Samar
Badawi í Sádi-Arabíu. Sádar
brugðust illa við og sökuðu Kan-
adamenn um að skipta sér af
innanríkismálum Sádi-Arabíu.
Meðal annars aflýstu Sádar öllu
áætluðu flugi sádiarabíska ríkis-
flugfélagsins til Kanada og kall-
aði um 12.000 ríkisborgara heim
úr kanadískum háskólum.
KANADA, SÁDI-ARABÍA
Sádar og Kanada-
menn í hár saman
Samar Badawi
Tilraun Brasilíu-
manna til þess
að loka landa-
mærum sínum
við Venesúela
hefur verið kæfð
í fæðingu af
brasilískum
hæstaréttar-
dómara.
Samkvæmt
frétt AFP hugð-
ust Brasilíumenn loka landamær-
unum til að hafa hemil á straumi
flóttamanna sem flykkjast frá
heimalandi sínu vegna stjórnmála-
og efnahagskreppu sem ríkir þar.
„Það er ekki réttlætanlegt að
grípa til hins auðvelda ráðs að
loka dyrunum vegna erfiðleika
með að hýsa flóttamenn,“ sagði
hæstaréttardómarinn Rosa Weber
í úrskurði sínum.
BRASILÍA, VENESÚELA
Neitar að loka
landamærunum
Girt Venesúelskir
flóttamenn.
Þorgrímur Kári Snævarr
thorgrimur@mbl.is
Viðskiptaþvinganir Bandaríkjanna gegn Íran tóku
gildi í gærmorgun. Viðskiptaþvingunum hafði áður
verið aflétt árið 2015 í kjölfar samnings Bandaríkj-
anna og fleiri ríkja í skiptum fyrir hömlur á kjarn-
orkuáætlun Írans.
Heimta nýjan samning
Donald Trump Bandaríkjaforseti hefur verið
gagnrýninn á samninginn frá upphafi og hefur jafn-
an lýst honum sem einu versta samkomulagi mann-
kynssögunnar. Trump tilkynnti í maí að Bandaríkin
hygðust rifta samkomulaginu.
„Í nóvember skjótast
[þvinganirnar] upp á annað
stig,“ tísti forsetinn á Twitter-
síðu sinni. „Hver sem stundar
viðskipti við Íran fær EKKI að
eiga viðskipti við Bandaríkin.
Ég er að biðja um HEIMS-
FRIÐ, ekkert minna!“
Túlka má ummæli forsetans
sem aðvörun til hinna aðildar-
ríkja samningsins. Öll hin ríkin
hafa lýst yfir að þau hyggist standa við hann. Þó er
ófyrirséð hvort áframhaldandi hollusta hinna
aðildarríkjanna við samkomulagið muni halda því á
floti þar sem viðskiptaþvinganir Bandaríkjanna
munu hafa áhrif á getu evrópskra fyrirtækja til að
stunda viðskipti í Íran. Þvinganirnar eru aðeins for-
smekkur fyrir refsiaðgerðir gegn olíuiðnaði Írans
sem taka munu gildi í nóvember.
John Bolton, öryggisráðgjafi Trumps, sagði í við-
tali við Fox News að írönsk stjórnvöld ættu að
þiggja góðfúslegt boð forsetans um samningu nýs
sáttmála um algera afvopnum.
Hassan Rouhani, forseti Írans, hefur ekki reynst
ýkja spenntur yfir hugmyndinni um nýjar samn-
ingaviðræður og hefur sakað Trump um að reka
„sálræna herför“ gegn Íran. „Þegar maður stingur
óvin sinn með rýtingi og segir honum síðan að mað-
ur vilji semja verður maður fyrst að fjarlægja rýt-
inginn.“
Viðskiptafélögum Írans hótað
 „Ég er að biðja um HEIMSFRIÐ, ekkert minna!“ segir Bandaríkjaforseti
 Íranir áhugalausir um nýjar samningaviðræður við Bandaríkjamenn
Hassan Rouhani