Morgunblaðið - 09.08.2018, Page 22

22 FRÉTTIRInnlent
MORGUNBLAÐIÐ FIMMTUDAGUR 9. ÁGÚST 2018
VIÐTAL
Teitur Gissurarson
teitur@mbl.is
Það var sannarlega tilkomumikil
sjón að fylgjast með tíu F-15 orr-
ustuþotum taka á loft á Keflavík-
urflugvelli í vikunni. Þar var á ferð-
inni hluti af þeim bandarísku
orrustuflugmönnum sem dvelja nú
hérlendis við loftrýmisgæslu á veg-
um Atlantshafsbandalagsins en 274
liðsmenn bandaríska flughersins
hafa dvalið á Íslandi í rúma viku.
Blaðamaður og ljósmyndari Morg-
unblaðsins komu við og fengu leið-
sögn um svæðið og spjölluðu við orr-
ustuflugmenn og starfsmenn
Landhelgisgæslu Íslands um gang
mála.
„Bara æfingaskeyti“
Moggamenn hittu fyrir vingjarn-
legan og brosmildan mann í einu af
mörgum flugskýlum á öryggissvæð-
inu á Keflavíkurflugvelli þar sem
hann stóð stoltur við hlið orrustu-
þotu sinnar.
Vegna reglna bandaríska flug-
hersins gat hann ekki sagt til nafns
en kallmerki hans er „Irish“. Hann
hefur verið virkur orrustuflugmaður
í bandaríska flughernum frá árinu
2012.
„Veðrið hefur ekki verið of mikið
til trafala. Þetta er ekki ósvipað
breskum haustdögum svo við erum
nokkuð vanir þessu,“ sagði Irish um
aðstæður til flugs á Íslandi meðan
hann rölti kringum flugvélina. Flota-
deildin hans, 493. leiðangurs- og bar-
dagaflokkur, er alla jafna með
heimastöð í Bretlandi.
Irish hafði farið í tvær eftirlits-
flugferðir síðan hann kom til lands-
ins en fékk á þriðjudaginn frí frá
flugi og var þess í stað úthlutað það
verkefni að spjalla við áhugasaman
blaðamann Morgunblaðsins.
„Þetta hefur bara gengið mjög vel.
Hún flýgur frábærlega,“ sagði Irish
og bætti kíminn við að vélin sín væri
sú besta í flokknum.
Eins og sjá má af meðfylgjandi
myndum eru orrustuþoturnar búnar
öflugum vopnum en spurður um þau
svaraði Irish: „Þetta eru nú bara æf-
ingaskot. Þetta eru ekki alvöruflug-
skeyti.“
Hann sagði vélarnar að mestu
vera notaðar í friðsamlega loftrým-
isgæslu eins og þeir sinna núna hér
við land og bætti við: „Það er t.d.
þegar flugvélar villast af leið eða fara
inn á svæði sem þær eiga ekki að
vera á. Þá þurfum við að skerast í
leikinn en vélin getur t.a.m. hafa
misst samband við stjórnstöðina
sína. Þá getum við aðstoðað hana við
að komast örugglega aftur inn á
rétta braut.“
Hann sagði tilfelli þar sem hann
og samverkamenn hans þurfi að
skerast í leikinn vera sjaldgæf en
benti á mikilvægi undirbúnings og
æfinga.
Mikilvægt að halda hópinn
Eins og áður segir eru bandarísku
vélarnar sem nú eru staddar hér-
lendis þrettán talsins, sem þykir
töluvert, en sem dæmi má nefna að
flugsveit Dana hafði með sér fjórar
F-16 orrustuþotur þegar hún sinnti
loftrýmisgæslu hér í vor.
„Við höfum stundum verið sex og
sex en það er miklu betra að skipta
ekki upp deildinni,“ sagði Irish
spurður um þetta og lýsti mikilvægi
þess að flokkurinn stundaði æfingar
sínar sem heild.
„Okkar aðalverkefni er að sjálf-
sögðu NATO-verkefnið,“ sagði Irish
en bætti við að æfingar innan landa
Atlantshafsbandalagsins væru einn-
ig mikilvægar.
Flugmenn deildarinnar eru 27 en
flokkur flugvirkja og annarra við-
haldsmanna fylgir hverri vél og sagði
Irish m.a. ástæðuna fyrir öllum þess-
um fjölda manns vera að sérhæfður
aðili ynni við hvern hluta vélarinnar.
„Innviðirnir eru til staðar. Svo höf-
um við fengið frábærar móttökur frá
Landhelgisgæslunni og þar hefur
fólkið verið allt af vilja gert til þess
að aðstoða okkur,“ sagði Irish um
komuna til Íslands.
Elskar vélina sína
„Þú sérð að nafnið mitt er hérna á
hliðinni,“ sagði Irish og benti á vél-
Morgunblaðið/Árni Sæberg
Írinn Í um sex ár hefur Capt. „Irish“ starfað fyrir bandaríska flugherinn. Hann segir vélina sína vera þá langbestu í flokknum og að vingjarnlegur metingur sé daglegt brauð.
Þurfa sjaldan að skerast í leikinn
 274 liðsmenn bandaríska flughersins
á Íslandi  Þrettán F-15 orrustuþotur
fylgja Kananum  Hefur gengið vel
F-15 Þotan fór fyrst á teikniborðið 1967 og eru vélar frá árunum 1976 enn í notkun hjá Bandaríkjamönnum.
 SJÁ SÍÐU 24
Rafstilling ehf
Dugguvogi 23, 104 Reykjavík, sími 581 4991, rafstilling@rafstilling.is
Opið mán.-fim. 8-12 og 13-18, fös. 8-14
Hröð og góð þjónusta um allt land
Áratuga
reynsla
Startar bíllinn ekki?
Við hjá Rafstillingu leysum málið