Morgunblaðið - 11.08.2018, Side 24

24 VIÐSKIPTIViðskipti | Atvinnulíf
MORGUNBLAÐIÐ LAUGARDAGUR 11. ÁGÚST 2018
Vagnhöfði 7, 110 Reykjavík | Sími: 517 5000 | stalogstansar.is
Ekki bara jeppar
2013
- 2017
ota, Hyundai, Nissan,
, og fleiri gerðir bíla
ER BÍLLINN ÞINN
ÖRUGGUR
Í UMFERÐINNI?
Varahlutir í...
Eltak sérhæfir sig í sölu
og þjónustu á vogum
Skannaðu kóð-
ann til að sjá
gengið eins og
það er núna á
BAKSVIÐ
Steingrímur Eyjólfsson
steingrimur@mbl.is
Úrvalsvísitalan, OMX Iceland 8, hef-
ur ekki verið lægri síðan í september
2015. „Úrvalsvísitalan er á sama
stað og hún var um haustið 2015,“
segir Snorri Jakobsson hjá fjár-
mála- og hagfræðiráðgjöf Capacent.
„Þetta er áhyggjuefni, lífeyrissjóð-
irnir eru langstærstu fjárfestarnir á
hlutabréfamarkaði og þeir hafa ver-
ið í meira mæli að fjárfesta erlendis,
eftir að fjármagnshöftin voru af-
numin í fyrra. Það er einnig
áhyggjuefni að menn hafi ekki verið
að auglýsa hlutabréfamarkaðinn
nógu mikið sem sparnaðarform.“
Gæði markaða ekki mæld af
hækkun eða lækkun
Stefán Broddi Guðjónsson, for-
stöðumaður hjá greiningardeild Ar-
ion banka, segir að auðvitað sé
ánægjulegra ef ávöxtun er góð. „Ég
myndi samt ekki mæla gæði hluta-
bréfamarkaða út frá því hvort hluta-
bréfaverð hækki eða lækki. Aðalat-
riðið er að verð til lengri tíma litið
endurspegli afkomu félaga og
áhættu í rekstrarumhverfi. Fyrir
sum félög hafa aðstæður færst til
verri vegar síðustu ár og kostnaður í
rekstri fyrirtækja hefur hækkað
talsvert. Það er jú afkoma félaganna
sem skapar ávöxtunina og síðan get-
ur markaðurinn stundum orðið of
bjartsýnn og stundum of svart-
sýnn.“
Stefán bendir á að þótt mörgum
finnist markaðurinn hafa verið dauf-
ur að undanförnu þá hafi gengið á
með stórtíðindum. Hann nefnir sem
dæmi sameiningar félaga og skrán-
ingu Arion banka. „Þá áttu sér stað
nú í vor og sumar líklega stærstu
fjárfestingar einkaaðila í skráðum
félögum frá því hlutabréfamarkað-
urinn var endurreistur.“ Þar á Stef-
án við kaup Brims á 34% í Granda og
kaup Samherja á 25% hlut í Eimskip.
„Mér finnast það eiginlega stærri
tíðindi en einhver deyfð yfir því að
ekki sé innstreymi frá lífeyrissjóð-
unum inn á hlutabréfamarkaðinn. Að
minnsta kosti hefur lengi verið kall-
að eftir því að fleiri innlendir aðilar
en lífeyrissjóðir komi að fjárfestingu
á skráðum hlutabréfum.“
Icelandair áhugaverður kostur
„Í sumar höfum við séð hjá fast-
eignafélögum að markaðsvirði er
undir raunverulegu virði eigna sem
liggja þar undir,“ segir Snorri Jak-
obsson. „Einnig hefur það verið
raunin hjá Icelandair, þar sem mark-
aðsvirði þess er töluvert lægra en
virði eigin fjár. Þetta er spennandi
fjárfestingakostur fyrir önnur
stærri flugfélög eða stóra fjárfesta
að mínu mati. Ef fjárfestar hefðu
fjárhagslegt bolmagn til þess að
kaupa meirihluta, yrði þetta mjög
spennandi kostur.“
Aðspurður hvort það sé eðlilegt að
markaðsvirði félaga á hlutabréfa-
markaði sé lægra en eigið fé segir
Stefán Broddi að sá mælikvarði einn
og sér sé ófullkominn. „Þetta snýst
um þær væntingar sem gerðar eru
til rekstrar og kannski eru um þess-
ar mundir einfaldlega gerðar lágar
væntingar til afkomu skráðra félaga
á næstunni.“
Sveiflur ættu að jafnast út
Páll Harðarson, forstjóri Kaup-
hallarinnar, segir að til lengri tíma
litið ættu grundvallarrekstarþættir
að skipta mestu máli ásamt vaxta-
stigi í landinu. „Ef bréf væru und-
irverðlögð í einhvern tíma kæmu
aðrir fjárfestar inn sem sæju tæki-
færi í því. Ég held að markaðurinn sé
orðinn nægilega opinn til að menn
stökkvi á svoleiðis tækifæri.“
Aðspurður hvort það sé eitthvert
áhyggjuefni að úrvalsvísitalan sé
ekki hærri, segir Páll að svo sé ekki.
„Það er alltaf ánægjulegra þegar
hlutabréf hækka í verði, en ég hugsa
að það séu ákveðnar sértækar skýr-
ingar sem muni ekki setja mark sitt
á markaðinn í heild sinni til fram-
tíðar litið. Við erum að vinna að
grundvallarþáttum til þess að gera
markaðinn meira aðlaðandi fyrir er-
lenda fjárfesta, meðal annars með
því að koma okkur inn í erlendar vísi-
tölur. Verðsveiflur sem stafa af sér-
tækum rekstarlegum þáttum og
breytingum á væntingum er ekki
áhyggjuefni fyrir markaðinn í heild.
Ég lít frekar til grundvallarþátta
eins og að auka þátttöku fjárfesta og
minnka vægi lífeyrissjóðanna og
mikilvægi þeirra á markaði. Fyrir
mér væri það áhyggjuefni ef það
tækist ekki á næstu misserum.“
Vísitala svipuð og 2015
Morgunblaðið/ÞÖK
Hlutabréfamarkaður Kauphöll vill gera markaðinn meira aðlaðandi.
 Greiningaraðili telur Icelandair vænlegan fjárfestingakost fyrir fjárhagslega
sterka aðila  Virði nokkurra félaga á hlutabréfamarkaði lægra en eigið fé þeirra
11. ágúst 2018
Gengi Kaup Sala Mið
Dollari 108.34 108.86 108.6
Sterlingspund 138.47 139.15 138.81
Kanadadalur 82.7 83.18 82.94
Dönsk króna 16.666 16.764 16.715
Norsk króna 13.011 13.087 13.049
Sænsk króna 11.926 11.996 11.961
Svissn. franki 108.85 109.45 109.15
Japanskt jen 0.9756 0.9814 0.9785
SDR 150.69 151.59 151.14
Evra 124.25 124.95 124.6
Meðalgengi/Viðskiptavog þröng 150.356
Hrávöruverð
Gull 1215.5 ($/únsa)
Ál 2117.0 ($/tonn) LME
Hráolía 72.16 ($/fatið) Brent
Samtals 57 matvælavagnar hafa gilt
starfsleyfi í Reykjavík, Hafnarfirði,
Kópavogi, Garðabæ, Mosfellsbæ, Sel-
tjarnarnesi og í Kjós. Um er að ræða
bæði vagna sem hafa fasta starfsstöð
og þá vagna sem eru hreyfanlegir. 41
staður sem Heilbrigðiseftirlit Reykja-
víkur flokkar sem matsöluvagn hefur
gilt starfsleyfi frá eftirlitinu. Sam-
kvæmt upplýsingum frá Heilbrigð-
iseftirliti Reykjavíkur hafa 29 leyfi
verið veitt frá árinu 2012 sem enn eru í
gildi í dag. Í ár hafa verið samþykkt
sex starfsleyfi fyrir matsöluvagna og
eru þau jafnmörg og fjöldi starfsleyfa
sem samþykkt voru í fyrra og hitteð-
fyrra .
„Tilfinningin er sú að það sé vaxandi
áhugi á svona starfsemi,“ segir Óskar
Ísfeld Sigurðsson, deildarstjóri mat-
vælaeftirlits Reykjavíkur. „Okkur
finnst við vera að fá fleiri fyrir-
spurnir,“ segir Óskar en tekur fram að
fjöldi útgefinna starfsleyfa fyrir mat-
söluvagna hafi verið svipaður síðast-
liðin 3 ár. Sjö matvælavagnar hafa
starfsleyfi frá heilbrigðiseftirliti Hafn-
arfjarðar og Kópavogssvæðis. Einn
fékk leyfi árið 2018, fjórir 2017 og tveir
árið 2016. Níu vagnar hafa starfsleyfi
hjá heilbrigðiseftirliti Kjósarsvæðis.
peturhreins@mbl.is
Matarvögn-
um fjölgar
● Fjöldi ferða-
manna jókst um
2,5% í júlímánuði
miðað við sama
mánuð í fyrra en
alls nam fjöldi
ferðamanna
278.613. Jókst
fjöldinn um 6.693.
Þetta kemur fram í
Hagsjá Lands-
bankans. Fyrstu
sjö mánuði ársins nam fjöldi erlendra
ferðamanna tæplega 1.306 þúsund
samanborið við 1.245 þúsund á sama
tímabili í fyrra. Er það aukning um
4,9%. Aprílmánuður er eini mánuður
þessa árs þar sem mælst hefur fækkun
á milli ára en hún nam 3,9%. Þrátt fyrir
að ferðamönnum fjölgi áfram hefur
verulega hægst á, en til samanburðar
nam fjölgunin 33% á fyrstu sjö mán-
uðum ársins 2017 samanborið við árið
áður. peturhreins@mbl.is
Hægist verulega á
fjölgun ferðamanna
Ferðamenn Hægt
hefur á fjölguninni.
STUTT
Matur