Morgunblaðið - 23.08.2018, Page 36

36 FRÉTTIRInnlent
MORGUNBLAÐIÐ FIMMTUDAGUR 23. ÁGÚST 2018
VIÐTAL
Steinþór Guðbjartsson
steinthor@mbl.is
„Ferðin er ógleymanleg, þökk sé
Eric og Myrnu, sem skipulögðu
hana,“ segir Björgólfur Jóhannsson,
forstjóri Icelandair Group, um ferð
hans og eiginkonunnar Málfríðar
Pálsdóttur um Nýja Ísland í Mani-
toba í Kanada á dögunum.
Eric Stefanson, fyrrverandi ráð-
herra í Manitoba í Kanada og sann-
kallaður Íslandsvinur, heimsótti Ís-
land fyrst með bróður sínum,
Kristjáni heitnum, 1986, og saman
komu þeir til landsins um 40 sinn-
um. Að öðrum ólöstuðum unnu þeir
manna mest að auknum samskiptum
milli Íslands og Kanada og Eric hef-
ur haldið áfram því góða starfi eftir
að Kristján, sem var hæstarétt-
ardómari í Winnipeg, féll frá 2016.
„Við Kristján ræddum oft um að
allir Íslendingar ættu að heimsækja
Manitoba og allir Vestur-Íslend-
ingar ættu að fara í heimsókn til Ís-
lands,“ segir Eric. „Auðvitað er það
ekki raunhæft og þess vegna er mik-
ilvægt að þeir sem ferðast á þessar
slóðir greini frá upplifun sinni.
Fyrsta Íslandsferð okkar Kris
breytti svo sannarlega lífi okkar til
hins betra. Við vorum óþreytandi við
að segja frá reynslu okkar á meðan
Kris lifði og ég hef haldið því
áfram.“
Björgólfur tekur í sama streng.
„Við þyrftum eiginlega að senda alla
Íslendinga til Manitoba til þess að
þeir finni hvað það er í raun sterkt
að vera Íslendingur.“
Fræðsla og tengsl
Þetta var þriðja heimsókn Björg-
ólfs til Manitoba en fyrsta ferð Mál-
fríðar á þessar Íslendingaslóðir.
„Við hjónin eigum örugglega eftir að
fara aftur á þessar slóðir í frí,“ segir
Björgólfur. „Ég er ættfræðinörd og
og mig langar til þess að kanna bet-
ur hvort og hvernig einhverjir ætt-
ingjar hafa farið vestur. Ég veit að
margir fóru frá heimaslóðum mínum
í Grýtubakkahreppi og ég kannaðist
við bæjarnöfn að heiman. Það kveik-
ir áhugann að vita meira um þetta
fólk. Upp úr þessum vangaveltum
hefur meðal annars komið að við Er-
ic erum fimmmenningar.“
Samskipti Erics og Kris við Ice-
landair og áður Loftleiðir eiga sér
langa sögu. Björgólfur kynntist
þeim í tengslum við fyrsta flug Ice-
landair til Toronto fyrir um áratug.
„Mikilvægi þessara manna er tölu-
vert mikið og þeir voru ötulir tals-
menn aukinna flugheimilda okkar til
Kanada,“ segir hann. „Tengslin hafa
styrkst með hverju árinu og við eig-
um þeim mikið að þakka.“
Stolt af íslenska upprunanum
Fyrir nokkrum árum fór Björg-
ólfur í dagsferð um Íslendinga-
byggðir í Manitoba með Atla Ás-
mundssyni, þáverandi aðal-
ræðismanni í Winnipeg. „Nú var
Malla með og við köfuðum dýpra á
lengri tíma með Eric og Myrnu,“
segir hann. „Það sem stendur upp
úr þessum ferðum er að finna hvað
fólk er stolt af því að vera af íslensk-
um ættum. Það er mjög gefandi að
tala við þetta fólk um söguna, erf-
iðleikana sem forfeðurnir upplifðu á
Íslandi og hvað tók við í nýju landi.
Þrátt fyrir mikinn mótbyr rofnuðu
tengslin aldrei og það er ótrúlegt að
sjá íslenska fánann við híbýli manna,
þegar ekið er um sveitirnar, og ís-
lensku bæjarnöfnin styrkja tengslin
enn frekar. Það er líka svolítið sér-
stakt að sjá íslensk nöfn og merk-
ingar á hótelinu á Heclu-eyju.“
Íslensk arfleifð
Kanadamenn af íslenskum ættum
hafa unnið þrekvirki við að treysta
íslenska arfleifð í Manitoba. Í því
sambandi má nefna Safn íslenskrar
menningararfleifðar á Gimli (New
Iceland Heritage Museum), Vík-
ingagarðinn á Gimli, íslenska garð-
inn í Riverton og safnið á Heclu-
eyju. „Þetta starf er mjög mikilvægt
og það var fróðlegt að hlusta á
heimafólk segja okkur söguna, sem
það kann svo vel,“ segir Björgólfur
og vísar meðal annars til frásagna
Rosalind og Einars Vigfússonar,
tréskurðarmeistara í Árborg, Joels
Friðfinnsonar, bónda á Svaðastöð-
um skammt frá Riverton, Wöndu og
Tim Anderson í Riverton, Maxine og
John Ingalls á Heclu og Tammy og
Grétars Axelssonar á Gimli. „Það er
mikilvægt að þessi arfleifð gleymist
ekki,“ segir hann og bendir á vel
heppnaða framkvæmd við víkinga-
garðinn í því sambandi. „Þarna er
ný framkvæmd sem heldur sögunni
á lofti, þökk sé Tammy, Grant Stef-
anson og öðrum sem hlut eiga að
máli.“ Hann segist víða hafa fundið
fyrir þessari sterku taug til Íslands
og það hafi komið skemmtilega á
óvart að heyra hvað margir tala ís-
lensku. „Þegar hrunið varð á Íslandi
2008 grétu Vestur-Íslendingar og
það segir allt um hug þeirra til okk-
ar.“
Samvinnan mikilvæg
Björgólfur segir erfitt til þess að
hugsa hvað vesturfararnir hafi þurft
að glíma við mikla erfiðleika. „Þetta
var greinilega gífurlega mikið átak
og í raun merkilegt að fólk hafi ekki
gefist upp. Hugsanlega endurspegl-
ast þarna þessi kraftur sem er í ís-
lensku samfélagi.“
Mikla, íslenska sögu er að finna á
sléttum Manitoba. „Við fundum
hvað þessi saga er sterk,“ segir
Björgólfur og dáist að dugnaði Ís-
lendinganna og afkomenda þeirra.
„Þetta var erfitt líf, en sagan varpar
ljósi á kraft einstaklinganna til þess
að koma sér áfram og standa sig.“
Þrátt fyrir augljós íslensk merki í
Manitoba segir Björgólfur að heima-
menn skynji vel hættuna á að
tengslin rofni. „Það má ekki mikið út
af bregða og heimamenn eru með-
vitaðir um það. Þeir eru allir af vilja
gerðir og við verðum að aðstoða þá
við að halda arfleifðinni á lofti.“
Íslendingar kynnast styrkleika
sínum í Manitoba í Kanada
 Björgólfur Jóhannsson kafar ofan í
vestur-íslensku söguna í Manitoba
Ljósmynd/Eric Stefanson
Víkingagarðurinn Björgólfur við
minnismerki um Kris Stefanson.
Winnipeg Eric, Myrna, Málfríður Pálsdóttir og Björgólfur Jóhannsson við styttu af Jóni Sigurðssyni við þinghúsið.
Sólvallagata 59 – Einbýlishús í vesturborginni
ÓÐINSGÖTU 4 | s 570 4500 | OPIÐ VIRKA DAGA KL. 9-17 | fastmark@fastmark.is | www.fastmark.is
FASTEIGNA-
MARKAÐURINN
Jón Guðmundsson, lögg. fastsali. Guðmundur Th. Jónsson, lögg. fastsali.
Eignin verður til sýnis í dag fimmtudag frá kl. 17.15 – 17.45
Eign sem hefur alla tíð fengið mjög gott viðhald.
Eignin stendur á rólegum stað á 370,8 m2 lóð með hellulagðri stétt fyrir framan hús,
stórri hellulagðri innkeyrslu á austanverðri lóðinni og stórri tyrfðri flöt á lóð til suðurs.
Verð 109,5 millj.
Fallegt og vel skipulagt
230,7 m2 steinsteypt
einbýlishús á þremur
hæðum í vesturborginni.
Mögulegt væri að gera
aukaíbúð í kjallara húss­
ins. Aðalhæð hússins
er með aukinni lofthæð.
Þrjár samliggjandi stofur.
Rúmgott hjónaherbergi
með fataherbergi innaf.
Út af fataherbergi eru
rúmgóðar svalir til suðurs
og austurs. Geymsluris
er yfir húsinu og er það
manngengt að hluta.OPIÐ HÚS Í DAG