Morgunblaðið - 27.08.2018, Síða 18

Ágæti fjármála- og
efnahagsráðherra.
Ég set hér nokkur
orð á blað í von um að
þau auki skilning þinn á
aðstæðum fólks sem í
daglegu tali er nefnt ör-
yrkjar. Það er sá hópur
í samfélaginu sem hefur
algjörlega setið eftir
þegar kjör annarra
hafa verið leiðrétt.
Þetta er að stórum
hluta fátækt fólk sem bíður eftir rétt-
læti.
Háttvirti ráðherra, í dag er brýn
nauðsyn að forgangsraða í þágu
þeirra sem minnsta framfærslu hafa,
í þágu þeirra lægst launuðu, í þágu
þeirra sem hrekjast um í velferðar-
kerfi sem ekki dugar nokkrum
manni. Í dag er ekki þörf á að dæla
peningum ríkisins í vasa þeirra sem
hæstu launin hafa. Það er ekki for-
gangsatriði, vegna þess að það fólk
lifir vel af launum sínum. Getum við
verið sammála, Bjarni, um að brýnna
er að veita vatni á þurran gróður en
að bera í bakkafullan lækinn?
Þínu embætti fylgir gríðarleg
ábyrgð. Þínar ákvarðanir hafa áhrif á
landsmenn alla. Ekki bara þá ríkustu
heldur líka þá allra fátækustu. Þú ert
í því vandasama hlutverki að sjá til
þess að þeir íbúar landsins sem búa
við lægstu framfærsluna, geti lifað af
henni. Hvað gerir þú til þess að svo
megi verða? Í dag býr fjöldi fólks –
„alvöru öryrkjar“ – við þá angist að
eiga ekki fyrir nauðsynjum og vera
eignalaust með öllu.
Áhyggjur þínar af því að fólk/
öryrkjar vilji ekki að vinna eru óþarf-
ar. Fyrsta skrefið því til sönnunar
væri að afnema „krónu á móti krónu“
skerðinguna strax. Með því móti
gerðir þú mörgum örorkulífeyr-
isþegum kleift að stunda vinnu. Þann-
ig fengi fólk sjálft fyrstu 60.000 krón-
urnar af vinnulaunum sínum í stað
þess að þetta fé fari beina leið aftur í
ríkiskassann í formi
skatta og skerðinga.
Nú í ágúst 2018 eru
um 17.830 manns með
örorkumat og fá lífeyr-
isgreiðslur frá TR. Um
80% örorkulífeyrisþega
eru með greiðslur frá
TR undir 280.000 kr.
fyrir skatt eða 204.000
kr. útborgaðar. Allt of
margir úr þessum hópi
þurfa að sætta sig við
framfærslu undir
200.000 kr. Um 40% ör-
orkulífeyrisþega eru
með heildartekjur undir 300.000 kr.
fyrir skatt. Örorkumat á ekki að vera
ávísun á fátækt.
Það er einfaldlega þannig að
stærstur hluti þeirra sem verða ör-
orkulífeyrisþegar eru eldri en fimm-
tugir. Hópurinn samanstendur af
konum 50+ og körlum 60+. Það sem
flestir í þessum hópi eiga sameig-
inlegt er að hafa verið lágtekjufólk,
hafa unnið langa vinnudaga og borið
lítið úr býtum á starfsævinni. Þetta
fólk hefur skilað samfélaginu, og þar
með ríkinu, kröftum sínum í yfir 30 ár
áður en það varð fyrir heilsubresti
sem endaði með örorkumati. Ein-
ungis þeir sem búa einir í eigin hús-
næði eða eru með þinglýstan leigu-
samning geta fengið 300.000 kr. í
heildartekjur frá TR (þar er svonefnd
heimilisuppbót meðtalin). Ef fólk
uppfyllir ekki þessi skilyrði neyðist
það til að sætta sig við enn lægri upp-
hæð til að lifa af. Þú hlýtur, kæri ráð-
herra, að taka undir með okkur að óá-
sættanlegt sé: Að örorkulífeyris-
þegum sé gert að lifa af upphæð sem
er lægri en lágmarkslaun. Að þessum
afmarkaða hópi fólks sé ætluð lægri
upphæð til framfærslu en nokkurn
tímann getur dugað til mannsæmandi
afkomu.
Svo er það unga fólkið okkar, ein-
staklingar sem slasast eða veikjast
mjög ungir eða fæðast með skerð-
ingar og/eða sjúkdóm. Ungur ein-
staklingur með 75% örorkumat 18
ára gamall hefur í heildartekjur
238.594 kr. fyrir skatt (204.352 kr. út-
borgaðar). Þessir einstaklingar eru
dæmdir – án dóms en með lögum – til
fátæktar. Þau hafa mjög takmarkaða
möguleika til að auka tekjur sínar
eins og atvinnumálum er háttað í dag.
Ég hef hvergi séð þess merki að verið
sé að vinna að því að laga atvinnulífið
að því mikilvæga og nauðsynlega
markmiði að fólki með skerta starfs-
getu standi viðeigandi störf til boða.
Ágæti ráðherra. Ég er bjartsýn að
eðlisfari og legg alltaf af stað með það
að hafa trú á fólki, trúa því að þeir
sem veljast til starfa fyrir þjóðina
sinni starfi sínu af alúð, heiðarleika og
réttsýni.
Aðgerðarleysi og skeytingarleysi
þitt get ég ekki skilið á annan hátt en
að þú, kæri ráðherra, sért algjörlega
úr tengslum við veruleikann sem
blasir við flestum öðrum: Að fatlað og
langveikt fólk býr við mikla fátækt.
Það hlýtur að vera því annars hefð-
ir þú sennilega þegar séð til þess að
fólkið með lægstu tekjurnar gæti
raunverulega lifað af þeim – rétt eins
og þú hefur sýnt í orði og verki að
þeir sem mest hafa fyrir skuli ávallt
fá meira.
Jákvæðar aðgerðir stjórnvalda í
garð örorkulífeyrisþega eru nauðsyn-
legar strax, áratuga þolinmæði okkar
er á enda – Koma svo!
Eftir Þuríði Hörpu
Sigurðardóttur
» Getum við verið sam-
mála, Bjarni, um að
brýnna er að veita vatni
á þurran gróður en að
bera í bakkafullan læk-
inn?
Þuríður Harpa
Sigurðardóttir
Höfundur er formaður
Öryrkjabandalags Íslands.
Án dóms en með
lögum – opið bréf til
Bjarna Benediktssonar
18 UMRÆÐAN
MORGUNBLAÐIÐ MÁNUDAGUR 27. ÁGÚST 2018
Við uppsetningu þessa pistil sl.
laugardag var stöðumyndum víxlað
þannig að textinn passaði ekki við
þær. Er pistillinn því birtur aftur og
beðist er velvirðingar á mistökunum.
Vignir Vatnar er í 2.-5. sæti áEvrópumóti ungmenna íflokki keppenda 16 ára ogyngri. Eftir sigur í fyrstu
þremur skákum sínu gerði Vignir
jafntefli við Rússann Salemgarev í
fjórðu umferð sem fram fór á
fimmtudaginn og var þá í 2.-7. sæti
með 3½ vinning. Mótið fer fram í
Riga í Lettlandi og keppendur Ís-
lands eru fimm talsins, þar af tvær
stúlkur. Reynslan er mikilvæg á
þessum vettvangi sem sést best á því
að Vignir Vatnar tefldi á EM ung-
menna í fyrsta sinn árið 2011, þá átta
ára gamall, Gunnar Erik, sem teflir í
flokki 12 ára og yngri og er með tvo
vinninga af fjórum, var með í fyrra
en nýliðarnir, Arnar Milutin í flokki
16 ára og yngri og Anna Katarina
Thoroddsen og Soffía Berndsen, sem
tefla í flokki stúlkna 10 ára og yngri,
hafa aldrei verið með í svo sterku
unglingamóti.
Fimm efstir í St. Louis
Það er ekki mikill gáski yfir tafl-
mennsku fremstu skákmanna heims
á „ofurskákmótinu“ í St. Louis í
Missouriríki Bandaríkjunum. Þegar
tefldar hafa verið fimm umferðir af
níu er jafnteflishlutfallið 80%, fimm
keppendur eru með þrjá vinninga en
það eru auk heimsmeistarans Magn-
úsar Carlsen þeir Caruana, Aronjan,
Mamedyarov og Grischuk.
Magnús lagði Karjakin í annarri
umferð í 88 leikjum en hefur gert
jafntefli í öðrum skákum.
Skák ársins 2018 var tefld
í Sánkti Pétursborg
Glæsileg tilþrif komu úr annarri
átt í vikunni eins og Ingvar Þ. Jó-
hannesson fjallaði um á nýrri og
glæsilegri heimasíðu skákhreyfing-
arinnar. Í Sánkti Pétursborg luku
keppni á sterku opnu minningarmóti
um Viktor Kortsnoj þeir Hannes
Hlífar Stefánsson og Guðmundur
Kjartansson. Hannes fékk sex vinn-
inga af níu og varð í 33. sæti af 268
keppendum og Guðmundur hlaut 5½
vinning og endaði í 55. sæti. Hvít-
Rússinn Kirill Stupak sigraði með
átta vinninga af níu.
Viðureign sem tefld var í sjöttu
umferð hefur lyft þessu móti á hærra
plan og margir eru þegar farnir að
kalla hana „skák ársins 2018“:
David Paravjan – Savelí Golubov
Petroffs-vörn
1. e4 e5 2. Rf3 Rf6 3. Rxe5 d6 4.
Rf3 Rxe4 5. d4 d5 6. Bd3 Bd6 7. 0-0
0-0 8. c4 c6 9. Db3!?
Þekkt afbrigði af Petroffs-vörn
þar sem algengara er að leika 9.
cxd5, 9. Dc2 eða 9. He1.
9. … dxc4 10. Bxc4 Rd7 11. He1
Rdf6 12. Rbd2 Rxd2 13. Bxd2 Db6
14. Dd3 Dxb2 15. Hab1 Da3 16. Dc2
Rd5?
Hinn stóri afleikur svarts í skák-
inni, staðan er vel teflanleg eftir
16. … b5.
17. Hb3 Da4 18. Bxd5 cxd5 19.
Rg5 g6
(Sjá stöðumynd 1)
20. Rxh7!
Eins og svo oft byggist þessi
mannsfórn á valdleysi en meira býr
undir, 24. … Kxh7 er vitanlega svarað
með 25. Hh3+ og drottningin fellur.
20. … Bf5 21. Rf6+ Kg7 22. Bh6+!
Sama þema og áður, 22. … Kxh6
er svarað með 23. Hh3+ og drottn-
ingin fellur. Þetta var þó besti kostur
svarts því að eftir 23. … Bxh3 24.
Dxa4 Be6 er enn hægt að berjast.
22. … Kxf6? 23. g4!
(Sjá stöðumynd 2)
Frábær leikur. Drottningin er of
stór biti að kyngja, 23. … Bxc2 24.
Hf3+ Bf5 25. g5 mát.
23. … Bf4 !?
Skemmtilegur varnarleikur en
dugar skammt.
24. Dc7!
(Sjá stöðumynd 3)
Kynngimagnaður leikur, 24. …
Bxc7 er svarað með 25. g5 mát!
24. … Bxh6 25. De5+ Kg5 26.
h4+! Kxh4 27. Hh3+! Kg5 28. De7+!
Lokahnykkurinn kallar fram línu-
rof, svartur gafst upp því að 28. … f6
er svarað með 29. De3+ Kxg5 30.
Dg3 mát.
Skák
Helgi Ólafsson
helol@simnet.is
Í toppbaráttunni á EM 16 ára og yngri
Stöðumynd 1. Stöðumynd 2. Stöðumynd 3.
Fyrir þremur árum
yfirgaf ég vel launað
háskólastarf í Noregi
til að hefja feril minn
sem ráðgjafi. Fólk rak
upp stór augu þegar
ég tilkynnti að ég ætl-
aði að yfirgefa
velmegunarlandið og
öryggið sem fylgdi því
að vera lektor við rík-
isrekinn háskóla.
Ég sá vaxandi þörf fyrir ráðgjaf-
arfyrirtæki sem gæti komið inn sem
samþættur hluti markaðsdeildar fyr-
irtækja án þess að fyrirtækið sjálft
þyrfti að ráða og viðhalda þekkingu
allra sérfræðinga í deildinni. Í þess-
ari grein ætla ég að fara yfir hvers
vegna fyrirtæki ættu að íhuga að
leita til sérhæfðra aðila þegar kemur
að stafrænni markaðssetningu.
Ný þörf í sölu- og
markaðsdeildum
Helsta ástæðan fyrir því að ég
skipti um starfsvettvang er sú að
mér sem kennara og rannsakanda
fannst vera mikil þörf á sérþekkingu
á stafrænni markaðssetningu, sem
mörg lítil sem og stór fyrirtæki eiga
erfitt með að ná tökum á.
Orð eins og leitarvélabestun
(SEO), CRM, inbound marketing,
SEM, og eComm, sem fyrir mörgum
hljóma eins og algjör þvæla, höfðu
komist í daglega notkun í mínu starfi,
allan daginn oft á dag, og það var
augljóst að þörf væri á fyrirtæki sem
gæti orðið leiðandi á sínu sviði með
því að einblína á stafrænan hluta
markaðsfræðinnar.
Samstarfsfólk mitt var
sammála mér um að
þarna fyrirfyndist
vandamál. Þörfin fyrir
sérhæft starfsfólk í staf-
rænni markaðssetningu
var að aukast á miklum
hraða og á sama tíma eru
fá fyrirtæki sem hafa
þörf fyrir slíkan starfs-
kraft í fullri vinnu. Hvað
gera bændur þá?
Þróunin í dag er svo
hröð að nærri ómögulegt
er að fylgjast með gangi mála þegar
þú stendur á miðlínunni og þörfin
fyrir sérfræðinga sem skilja stefnu
þíns fyrirtækis og hvaða markmiðum
þú vilt ná hefur aukist gífurlega. Ég
sá þarna tækifæri til að skapa eins
konar sameiginlegt úrræði fyrir
markaðsstjóra fyrirtækja; utan-
aðkomandi aðila sem getur unnið
sem samþættur langtímasamstarfs-
aðili markaðsdeildarinnar.
„Þetta snýst ekki lengur um að
hafa „stafræna stefnu“. Þetta snýst
um að hafa stefnu sem aðlagast staf-
rænum nútíma.“
Stafræn markaðssetning gegnir
stóru hlutverki í flestum íslenskum
fyrirtækjum í dag. Ef þú lætur vinn-
una í hendurnar á ráðgjafa með sér-
fræðiþekkingu á stafrænum miðlum
og samræmir þannig við stefnu fyr-
irtækisins að gildi og áherslur end-
urspegli vöru og þjónustu, þá þarf að
vera fyrir hendi áætlun með skýrum
markmiðum og helstu lykilmæli-
kvörðum (KPI) til þess að fyrirtækið
nái hámarksárangri. Til dæmis er
gott að hafa á hreinu hver skamm-
tíma- og langtímamarkmiðin eru,
hvert söluvirði einstakra viðskipta er
og hvert virði viðskiptavinarins er.
Fyrir flest fyrirtæki felur stafræn
innleiðing í sér breytingar, bæði í
forgangsröðun fjárhagsáætlunar
sem og breytingu á markaðs-
fyrirkomulagi. Fyrirtækin sem ná
bestum árangri á þessu sviði eru með
skýra stefnu sem felur í sér nýstár-
legar, hagkvæmari aðgerðir og frum-
kvæði. Oft er hagkvæmara fyrir fyr-
irtæki að útvista (outsource) þessari
innleiðingu og láta sérfræðinga um
hluti eins og greiningu gagna,
ákvörðun á markhópum, birtinga-
form auglýsinga og margt margt
fleira.
Eins og komið hefur fram hafa tím-
arnir breyst og við mannfólkið, flest
allavega, með. Netið hefur breytt
kaupferli viðskiptavina þar sem hröð
tækniþróun, til dæmis með tilkomu
samfélagsmiðla og snjallsíma, hefur
haft mikil áhrif á væntingar og kaup-
hegðun viðskiptavina og upplýsinga-
leit gegnir stærra hlutverki en áður.
Eftir Diðrik Örn
Gunnarsson
» Stafræn markaðs-
setning ryður sér til
rúms í auknum mæli í
íslenskum fyrirtækjum.
Fyrrtæki þurfa að íhuga
val sitt þegar kemur að
stafrænni markaðs-
setningu.
Diðrik Örn Gunnarsson
Höfundur er stofnandi og eigandi
Stafrænu auglýsingastofunnar. Hann
er einnig stundakennari við Háskól-
ann í Reykjavík og ráðgjafi hjá Zen-
ter rannsóknum.
didrik@stafraena.is
Dæmi um breytta kauphegðun með nútímatækni.
Stafræn innleiðing í
íslenskum fyrirtækjum