Breiðfirðingur - 01.04.1992, Qupperneq 34

32
BREIÐFIRÐINGUR
Árni Páll Jónsson.
(Úr safni Jóhanns Rafnssonar).
Jafnan voru kosnir þrír menn til að annast allt sem honum
viðvék og hélst svo í 30 ár. Þessi dansskemmtun Ægismanna
var oftast haldin snemma í janúar. Um hana var þannig
bókað á fundi 27. desember 1903:
Formaður leitaði álits félagsmanna um hvort þeir vildu
halda skemmtisamkomu svipaða og áður hafa verið.
Voru félagsmenn á einu máli um að halda hana fyrsta
sunnudag eftir nýár. Félagið greiðir úr félagssjóði
kostnað fyrir húsaleigu, ljós, hita og hljóðfæraslátt, en
aðgangur fyrir hvern félagsmann er ókeypis, og hefur
hver þeirra heimild til að taka með sér einn til tvo gesti
eftir ástæðum.
- Þessi háttur hélst til 1930. Ég minnist þess frá æsku- og
unglingsárum, að ekki þóttu aðrar skemmtanir í Flólminum
jafneftirsóknarverðar og Ægisböllin. Ávallt var farið að
hlakka til þeirra úr því að nálgaðist jólaföstu, enda mátti
telja að með þeim endaði gleði hátíðanna.