Breiðfirðingur - 01.04.1992, Qupperneq 186

Ástvaldur Magnússon
Séra Árelíus Níelsson
Kveðja frá Breiðfirðingafélaginu
Horfinn er af sjónarsviðinu merkur íslendingur, sr. Árelíus
Níelsson. Hann lést 7. febrúar sl., 81 árs að aldri. Sr. Árelíus
var Barðstrendingur að ætt, fæddur í Kvígindisfirði hinn 7.
september 1910. Hann fór ungur til náms við Kennaraskóla
íslands og lauk þaðan kennaraprófi. Nokkrum árum síðar
settist hann í 6. bekk Menntaskólans í Reykjavík þaðan sem
hann lauk stúdentsprófi. Leiðin lá síðan í guðfræðideild
Háskóla íslands. Að loknu guðfræðiprófi árið 1940 var hann
í nokkur ár prestur úti á landi áður en hann var kosinn
prestur í Langholtsprestakalli þar sem hann þjónaði í 27 ár.
Sr. Árelíus kvæntist Ingibjörgu Þórðardóttur frá Firði í
Múlasveit, mikilli ágætiskonu, sem veitti manni sínum þann
stuðning er gerði honum kleift að starfa af slíkri elju og fórn-
arlund sem kunnugt er þeim er til þekktu. Ingibjörg lést árið
1978 tæplega sextug að aldri. Þau hjónin eignuðust fimm
börn sem öll eru á lífi nema eitt sem lést í æsku. Auk þess
ólu þau upp einn fósturson.
Hér verður æviferill sr. Árelíusar ekki rakinn frekar enda
ekki rúm fyrir slíkt í þessum fáu línum. Mér er hins vegar
ljúft og skylt að koma hér á framfæri nokkrum kveðjum og
þakkarorðum fyrir hönd Breiðfirðingafélagsins, sem naut
þess um margra ára bil að hafa sr. Árelíus í foringjastóli
bæði sem formann félagsins og ritstjóra tímaritsins Breið-
firðings.