Breiðfirðingur - 01.04.1999, Side 22

20
BREIÐFIRÐINGUR
Úr Skarðsrétt. Myndin tekin 1951-1952. Fremstir: Halldór E. Sigurðsson,
Kristján Kristjánsson bóndi Barmi, Kristinn Jónsson nú bóndi á Skarði.
Fjær má þekkja Guðmund Hólm, Harald Finnsson, Kristinn Indriðason,
Finn Kr., Magnús Halldórsson í Búðardal og Eggert Olafsson Skarði II.
„Elskurnar mínar drífið ykkur nú að draga svo við verðum
ekki að gaufa við þetta fram í kolsvarta helv. myrkur,” kallar
Kristinn með þrumurödd þegar honum finnst menn vera famir
að hægja á sér við dráttinn, því auðvitað þurftu menn að
bregða sér út undir réttarvegg og athuga innihald vasapelanna
hjá kunningjum sínum. Aðrir töfðust við að þrefa um mál sem
ekki náðist að klára árið áður og ekki víst að yrðu útkljáð á
þessu hausti heldur. Svo þurfti að sinna sönggyðjunni. Sú þörf
jókst eftir því sem lækkaði í vasapelunum. A þessum tíma
voru þarna margir ágætir söngmenn. Kristinn var gleðimaður
og vildi drífa réttarhaldið af svo menn gætu farið að syngja og
skemmta sér. Vildi gleðskapurinn stundum halda áfram fram
eftir nóttu heima á bæjum. En þegar kvöldar fara fjárhóparnir
að renna í allar áttir frá réttinni heim til bæja, því alltaf klárast
réttarhaldið að lokum. Mátti þá sjá margan góðan klárinn hlaupa
undir knapann eins og sagt var þegar menn höfðu fengið sér