Breiðfirðingur - 01.04.1999, Side 131

BREIÐFIRÐJNGAFÉLAGIÐ
129
Oft er þéttsetinn salur í BreiÖfirÖingabúð. SpiluÖ félagsvist í afmœlisviku
félagsins 15. nóvember 1998.
hagyrðingakvöld þar sem hagyrðingar mættu til vísnagerðar.
Nýstárleg og góð skemmtun sem kannski á eftir að endurtaka
síðar. 21. nóvember eftir hádegi var farið í gönguferð um Ell-
iðaárdalinn í fylgd Svavars Gestssonar. Um 70 manns tóku
þátt í þessari skemmtilegu göngu. Um kvöldið var lokadans-
leikur þessarar svokölluðu afmælisviku, fjölmenn og skemmti-
leg. Segja verður að afmælisvikan hafi tekist mjög vel í alla
staði með mikla aðsókn öll kvöldin.
Á aðventu var miðdegissamkoma fyrir fjölskylduna svo sem
venja er og jólaball fyrir böm og fullorðna milli jóla og nýárs.
Dansnámskeið eru haldin allan veturinn í nýrri og eldri dönsum
og virðist alltaf jafn vinsælt. Árshátíð á Þorra þann fyrsta dag
þorra í janúar. Fullt hús eins og venjulega og tókst vel. Þá
dansleikur á miðjum vetri og vorfagnaður í apríl. Dagur aldraðra í
byrjun maí. Gróðursetning og gangstígagerð í skógræktinni okkar
í Heiðmörk í byrjun júnímánaðar. Skemmtiferð félagsins var
farin að þessu sinni í Borgarfjörðinn í endaðan júní.
I vetur stóðu 16 átthagafélög fyrir spurningakeppni átthaga-
félaga þar sem fulltrúar Breiðfirðingafélagsins komust í úrslit
til lokakeppni.