Breiðfirðingur - 01.04.1999, Síða 134

Einar G. Pétursson
Frá ritstjóra
Frá og með 37. árgangi Breiðfirðings hef ég undirritaður setið
í ritstjórn. Fyrst var tímaritið undir ritstjórn Einars Kristjáns-
sonar, fyrrum skólastjóra á Laugum, og var ég þá í ritnefnd
ásamt fleirum. Frá árinu 1989 höfum við Ami Bjömsson báðir
verið ritstjórar, en þegar lauk við útkomu ritsins fyrir árið
1998 kaus Ámi að draga sig í hlé. Hef ég undirritaður því einn
staðið að þessum árgangi og ekki notið aðstoðar drífandi
manna og er hann því heldur á seinni skipunum.
Þegar litið er yfir þennan árgang sést að þar eru greinar eftir
ýmsa sem ekki hafa áður látið mikið eftir sig á prenti og finnst
mér það sérdeilis ánægjulegt. Þess vegna sé ég nú gilda
ástæðu til að hvetja fleiri, sem lítt hafa fengist við skriftir að
fara að dæmi þeirra. Hér með hvet ég alla til að láta vita af
efni sem þeir eiga í uppkasti eða jafnvel hálfkarað í huga sér.
Einnig er gott að segja frá því sem þeir vita af hjá öðrum.
Ég minntist á það í formála fyrir efnisskrá Breiðfirðings að
samkvæmt henni gætu menn athugað hvaða héruð kringum
Breiðafjörð hefðu lagt minnst til ritsins og reynt að bæta úr
því. Átthagarit eins og Breiðfirðingur á að standa opið fyrir
efni af margs konar tagi og sem víðast úr öllum byggðum
Breiðafjarðar. Þar má ægja saman fræðilegum ritgerðum,
gömlum og nýjum minningabrotum, hvunndagskveðskap og
hótfyndni svo sem raunin er á í þessu hefti. Enginn má láta
ótta um ranga stafsetningu eða hæpið málfar aftra sér frá að
koma efni á framfæri. Til þess eru ritstjórar að lagfæra það