Stjarnan - 01.07.1930, Blaðsíða 12

io8
STJARNAN
muni vcrÖa eÖa ekki. Páfinn hefir enn
ekki á prenti látið skoÖun sina i 1 j ós þessu
mikilvæga atri'ði viðvíkjandi, en þjóÖa-
sambandið er meÖ því.
En æÖsta þrá og löngun þessa mikla
mannfjölda á ráÖstefnunni i San Fran-
cisco var sú, aö sjá boðskapinn um hina
bráðu endurkomu Frelsarans ganga meÖ
hraða til allra þjóða í heimi, þvi að ekki
fyr en það verk er leyst af hendi getur
Jesús komið aftur til að sækja sitt bið-
andi fólk. Matt. 24:14; Róm. 9:28.
Á einni samkomu stóðu upp ellefu full-
trúar frá þessum blökku þjóðum, sem svo
lengi hafa verið vanræktar, og skoruöu á
fólkið í heimalöndunum að rétta þeim,
sem lifa i eymd, volæði, þrældómi,
hræðslu, vanþekkingu, löstum og myrkri
hjálparhönd. Meðal þeirra voru tveir
höfðingjar frá Fiji eyjunum, þar sem
menn voru mannætur áður en kristniboð-
arnir komu þangað og kendu þeim veg
hjálpræðisins, en samt sem áður eru íleiri
en miljón mannætur eftir i þeim hluta
heimsins. Finnig þeir verða að heyra
boðskapinn um hinn elskuríka Frelsara,
sem var fús til að leggja lifið i sölurnar
fyrir þá. Báðir þessir höfðingjar voru
í heimboði hjá borgarstjóranum í San
Francisco.
Þar var einnig maður, er Malinki hét,
frá Nýassalandi, Afriku, þar sem Drott-
inn hefir unnið á svo undraverðan hátt
síðustu árin, að þúsundir hafa snúið sér til
Krists. Fulltrúi frá Abessíniu, þar sem
fjórtán þúsundir manna hafa snúið sér í
burtu frá Múhamedstrúnni til Krists á
stuttum tíma, talaði djarflega um þörfina
á hjálp í landi hans. Þar er einnig mikil
þörf á læknishjálp. Alla leið frá Bagdad
skamt frá hinni fornu Babýlon kom full-
trúi, sem skýrði frá starfinu i þessum
fornu löndum, þar sem vagga mannkyns-
ins stóð. Fulltrúarnir frá Japan og Korea
Skýrðu oss frá hvernig rikir og fátækir,
lærðir og ólærðir koma til að öðlast þekk-
ingu á hinum sanna Guði. Fulltrúarnir
frá Kina ibenti oss á, að jafnvel þótt allir
þessir fimtán þúsund menn, sem þar voru
samankomnir, tækju sig upp og færu til
Kina, til þess að boða fagnaðarerindi
Krists þar, myndi þeir samt hafa margar
miljónir manna að starfa fyrir, það er að
segja, hver maður út af fyrir sig.—Þar
voru einnig fulltrúar frá Mexico og Suð-
ur-Ameríku, þar sem þúsundir manna á
þessum tímum yfirgefa kaþólsku kirkjuna
og koma yfir í herbúðir vorar.
Fulltrúi nokkur kom frá hinum syðsta
söfnuði í heimi í Punta Arenas við Magel-
anssundið suður undir Suður-heimskauti,
en annar fulltrúi hafði verið með að
mynda hinn nyrsta söfnuð í heimi í
Hámmerfest norður undir Norður-heim-
skauti. Um 98 prócent af íbúum heims-
ins hafa nú á einn eða annan hátt tæki-
færi til að kynnast hinum sanna Guði, svo
það er auðs-éð að vér nálgumst endalokin
hröðum skrefum.
Margir kristniboðar voru sendir út frá
þessari ráöstefnu. Margar breytingar í
stjórn starfsins áttu sér líka stað. For-
stöðumaður þessa heimsvíða starfs, séra
W. A. Spicer, lagði niður embættið, eftir
að hafa sint því í átta ár, og annar maður,
séra Watson frá Ástralíu kom í stað hans.
Var það hjartahrærandi að sjá fyrverandi
forstööumann afhenda hinum nýja em-
bættið. Að því búnu föðmuðust þeir og
kystu hvor annan. Kristur sagði: “Af
því skulu allir þekkja, að þér eruð mínir
lærisveinar, ef þér berið elsku hver til
annars.” Jóh. 13:35. Það' var varfa
nokkur maður af þessum tólf þúsundum,
sem voru viðstaddir við það tækifæri, sem
gátu tára bundist, þegar þeir urðu varir
við þessi ótvíræðu merki sannrar elsku.
Fyrir utan aðalstjórn starfsins eru
ellefu deildir, sem allar vinna af kappi,
hver á sínu tiltekna sviði, til að lyfta
mönnum upp úr syndaspillingunni, til þess
að þeir geti séð hann, sem er vinur synd-
ara.
Ritstjóri Stjörunnar áleit það mikil for-
réttindi að geta setið þetta mikla þing,