Velferð - 01.05.2018, Page 18

c
ein. Skipulögð hreyfiúrræði má meðal
annars finna á netinu á hreyfitorg.is.
Aukastig fást fyrir að setja sér markmið.
Hvort sem markmiðið er að komast á
Esjuna næsta sumar eða að ganga 5000
skref á dag er hollt að setja sér raunhæf
markmið og mæla árangurinn, t.d. með
skrefamæli eða snjallúri, eða einfaldlega
með því að merkja inn á dagatal.
Þrjú lítil atriði um líðan
1. Svefn
Of lítill eða óreglulegur svefntími hef-
ur slæm áhrif á efnaskipti, holdafar og
andlega líðan. Flestir fullorðnir þurfa
7-8 tíma svefn á nóttu, sem líkaminn
notar í viðhalds- og viðgerðarstarf og
heilinn notar til að vinna úr og ganga frá
upplýsingum dagsins. Gott er að forðast
hvítt og skært Ijós svo sem af snjalltækj-
um eða sjónvarpi síðustu 1-2 klukku-
stundirnar fyrir háttinn, en morgun-
birta gegnir aftur á móti lykilhlutverki
í að stilla dægursveifluna af. í skamm-
deginu reynir sérstaklega mikið á þetta.
Sú litla ákvörðun að sofna og vakna á
reglulegum tímum og fá nægan svefn
bætir heilsu og líðan þvert á alla aðra
flokka og ætti að vera forgangsmál.
2. Streita
Streita getur valdið líkamlegri og and-
legri vanlíðan og aukinni hættu á hjarta-
og æðasjúkdómum. Streita er í raun
eðlilegt viðbragð líkamans við álagi eða
hættu, en vinnuálag eða aðrar aðstæð-
ur þar sem miklar kröfur eru gerðar en
lítið er um bjargráð getur valdið streitu.
Þurfum við endurnýja bílinn - og bíla-
lánið með í hverjum mánuði? Getum
við afþakkað aukavinnuna sem við vor-
um beðin um? Færum öppin sem kalla á
athygli af forsíðunni á snjallsímanum og
yfir á blaðsíðu tvö. Verum óhædd við að
draga úr álagi í daglega lífinu þegar þess
þarf, með því að gefa frá okkur það sem
við ráðum ekki við.
Sú litla ákvörðun að losa sig undan
óþægilegu álagi sem hægt er að komast
hjá bætir heilsu og líðan.
3. Tengsl
Mannskepnan er félagsvera og henni
er eiginlegt að tengjast öðrum. Unga-
börn þroskast ekki eðlilega ef félagsleg
tengsl eru ekki til staðar og hjá full-
orðnum hefur ítrekað verið sýnt fram
á verri heilsu og styttri ævi þeirra sem
búa við skert félagsleg gæði. Trúnaðar-
sambönd, greiðasemi og aðstoð, þátt-
taka í góðgerðarstarfi eða sjálfboðastarf
eru allt dæmi um eflingu félagslegra
tengsla.
Sú litla ákvörðun að nota fleiri tækifæri
til að tengjast öðrum eða gefa af sér hef-
ur jákvæð áhrif líðan og heilsu til lengri
tíma.
Gangi ykkur vel!
Guðmundur Löve
FJalabyggð
= 2018 —
VELKOMIN TiL
FIALLABYGGÐAR
20 100 ARA
KAUPSTAÐARAFMÆLISHÁTÍÐ
52 SIGLUFJARÐAR
2Í SJÓMANNADAGS
HÁTÍÐíólafsfirði
17 yi, JÚNÍ
HÁTÍÐARHÖLD [ ÓLAFSFIRÐI
*5 ÞJÓÐLAGAHÁTÍÐ
»3 Á SIGLUFIRÐI
4-8 NORRÆNA STRAND-
;= MENNINGARHÁTÍÐIN
^ ÁSIGLUFIRÐI
§ TRILLUDAGAR
'2 ÁSIGLUFIRÐI
10-11
S;
'Z3
O
PÆJUMOTIÐ
í FJALLABYGGÐ
15-19 KLASSÍSKA TÓNLISTARHÁTÍÐIN
BERJADAGAR
.53 í ÓLAFSFIRÐI
CQ OQ
SE'O
HAUSTGLÆÐUR
UÓÐAHÁTÍÐ

18 Málgagn Hjartaheilla