Velferð - 01.05.2018, Qupperneq 27

Ljósaverkið Hjarta
Þetta fallega gagnvirka hjartaljósaverk var unnið fyrir GoRed
samtökin á 9 ára afmæli þeirra til þess að vekja sérstaka athygli
á hjartaheilsu kvenna. Það var birt á Hörpu á GoRed deginum
2018 sem hluti af ljósahátíð í Reykjavík. Verkið var unnið af
ungum forriturum, Þórði Hans Baldurssyni og Halldóri Eldjárn.
Verkið, sem ber nafnið Hjarta, er gagnvirkt ljósaverk sem stjórn-
að er innan úr Hörpu. Stóru hring/hjartalaga formi er varpað á
framhlið hjúpsins sem svo sendir frá sér mislitar ljósgárur í takt
við hjartslátt fólks sem leggur fingur sína á þar til gerðar stöðvar
sem eru staðsettar á 4. hæð, með útsýni yfir hjúpinn. Stöðvarnar
eru þrjár talsins, merktar með mismunandi litum sem koma svo
fram í gárunum sem birtast á hjúpnum. Þar með sjá notendur
myndræna túlkun á eigin hjartslætti varpað yfir borgina.
Fyrsta hjartaganga GoRed var farin 2. febrúar sl. frá Hallgríms-
kirkju niður að Hörpu. Fjölmenni tók þátt í göngunni Sumir voru
með blikkandi hjörtu í hendi og lýstu leiðina.
Þegar komið var að Hörpu var kveikt á Ijósaverkinu. Þátttakend-
ur gátu farið inn í Hörpu og snert nema á stjórntæki hjartans
sem birti svo púls viðkomandi í mismunandi litum á ljósahjúpn-
um. Aðsókn að verkinu var frábær og það vakti mikla lukku.
Af vettva n g i
• • / •_• _ f
Oryrkjabandalags Islands - OBI
Hjartaheill er sjálfstæður aðili að Öryrkjabandalagi ís-
lands, ÖBÍ.
Aðalfundur Öryrkjabandalagsins var haldinn dagana
20. og 21. október 2017. Þuríður Harpa Sigurðardóttir
var kjörin nýr formaður ÖBÍ á aðalfundinum. Þuríð-
ur Harpa tekur við af Ellen Calmon, sem hefur verið
formaður bandalagsins síðustu tvö kjörtímabil eða frá
2013.
Nýr formaður ÖBÍ
Þuríður Harpa er með BA próf í grafískri hönnun frá
Myndlistar- og handíðaskóla íslands. Hún lauk diplóma-
námi í fötlunarfræðum frá Háskóla íslands 2015. Síð-
ustu 13 ár hefur hún gegnt starfi framkvæmdastjóra
prentsmiðju og auglýsingastofu á Sauðárkróki, og
meðal annars gefið vikulega út svæðisfréttablað og
dagskrárblað auk ýmissa prent- og hönnunarverkefna.
Frá 2011 hefur Þuríður Harpa verið formaður Sjálfs-
bjargar í Skagafirði og er í dag varaformaður Landssam-
bands Sjálfsbjargar. Þá situr hún einnig í stjórn Sjálfs-
bjargarheimilisins. Hún hefur starfað í vinnuhópum á
vettvangi ÖBÍ þar sem fjallað hefur verið um samning
Sameinuðu þjóðanna um réttindi fatlaðs fólks. Þá hefur
Þuríður Harpa átt sæti í málefnahópi ÖBÍ um sjálfstætt
líf, komið fram á ýmsum málþingum og ráðstefnum um
málefnið og skrifað greinar í blöð.
Fulltrúar Hjartaheilla á fundinum voru: Sveinn Guð-
mundsson, Valgerður Hermannsdóttir, Valbjörg Jóns-
dóttir, Elín Eiríksdóttir og Ellen Helga Steingrímsdóttir.
Myndbandaverkefni ÖBÍ
í tilefni af 55 ára afmæli ÖBÍ ákvað bandalagið að
láta framleiða myndband um starf þess og aðildarfé-
laga sinna. Myndböndin eru í senn kynningartæki og
ímyndarherferð fyrir ÖBÍ og aðildarfélögin. Aðildarfé-
lögin geta nýtt myndböndin til birtingar á heimasíðum
sínum eða samskiptamiðlum s.s. Facebook. Þessu fram-
taki fagna Hjartaheill innilega og þakka ÖBÍ hjartan-
lega fyrir þetta framtak.
Velferð 27