Ljósmæðrablaðið - 01.07.2017, Side 41
41Ljósmæðrablaðið - júlí 2017
Í lok síðasta árs 2016, birtist eftirfarandi í auglýsingu frá
Hjúkrunarfræðideild við Háskóla Íslands:
Fimmtudaginn 15. desember ver Sigfríður Inga Karlsdóttir
doktorsritgerð sína í ljósmóðurfræði sem ber heitið: Sársauki í
fæðingu: Væntingar og reynsla kvenna. Pain in childbirth: Women’s
Expectations and Experience.
Umsjónarkennari og aðalleiðbeinandi var dr. Herdís Sveinsdóttir,
prófessor við Hjúkrunarfræðideild Háskóla Íslands. Meðleiðbeinendur
voru dr. Ólöf Ásta Ólafsdóttir, dósent við Hjúkrunarfræðideild
Háskóla Íslands, og dr. Sigríður Halldórsdóttir, prófessor við
Heilbrigðisvísindasvið Háskólans á Akureyri. Auk þeirra sátu í
doktorsnefnd dr. Billie Hunter, prófessor við Cardiff University, dr.
Ingela Lundgren, prófessor við Háskólann í Gautaborg, og dr. Thor
Aspelund, prófessor við Læknadeild Háskóla Íslands.
Andmælendur eru dr. Soo Downe, prófessor við háskólann í
Central Lancashire í Bretlandi, og dr. Stefán Hrafn Jónsson, prófessor
við Félags- og mannvísindadeild Háskóla Íslands.
Vörn Sigfríðar Ingu, dósents við Heilbrigðisvísindasvið
Háskólans á Akureyri, fór afar vel fram og var okkur ljósmæðrum
sem þar voru mikið gleðiefni. Fræðasamfélagi ljósmæðra á Íslandi
vex fiskur um hrygg, en Sigfríður Inga er fjórða ljósmóðirin
til að hljóta doktorsgráðu í ljósmóðurfræðum, sú þriðja frá
Háskóla Íslands. Fyrsta doktorsvörnin fór fram fyrir 10 árum frá
Thames Valley University í London árið 2006. Umföllunarefni
doktorsrannsóknarinnar var sársauki og barneignarferlið, efni sem er
eitt af mikilvægustu viðfangsefnun ljósmóðurfræðinnar. Mikilvægt
til að geta unnið með margþætta þekkingu um þetta efni með konum
á meðgöngu, í fæðingu og sængurlegu.
Markmið rannsóknarinnar var að auka þekkingu á væntingum
og reynslu kvenna af sársauka í fæðingu og greina hvaða þættir
hafa forspárgildi varðandi jákvæða reynslu af sársauka í fæðingu
og hvernig konur undirbúa sig fyrir sársaukann og hvað þær gera
sjálfar til að takast á við hann. Helstu niðurstöður voru að þær að
konur undirbúa sig og nota eigin aðferðir til að takast á við sársauka
í fæðingu. Það sem hafði sterkasta forspárgildi fyrir jákvæða
upplifun af sársauka í fæðingu var: jákvæð viðhorf til fæðingar á
meðgöngu, stuðningur frá ljósmóður meðan á fæðingu stóð, notkun
mænurótardeyfingar, menntun og lítill sársaukastyrkur í fæðingu.
Doktor Sigfríður Inga bendir á, hvernig niðurstöður hennar
ítreka mikilvægi þess að taka tillit til sjónarhorns kvenna þegar
barneignarþjónusta er skipulögð og að leggja áherslu á salutogenesis
eða heilsueflandi viðhorf sem hafa áhrif á jákvæða upplifun af
sársauka í fæðingu.
Ólöf Ásta Ólafsdóttir
Ljósmæðrablaðið óskar Sigfríði Ingu
til hamingju með doktorsnafnbótina
Sigfríður Inga með andmælendum fyrir doktorsvörnina.