Mosfellingur - 08.01.2015, Blaðsíða 14

Útnefning á íþróttakarli og íþróttakonu
Mosfellsbæjar 2014
Kynning á íþróttafólKinu sem tilnefnt er Kosning fer fram á www.mos.is Úrslit verða tilKynnt 22. janÚar
Kosning fer fram á vef mosfellbæjar www.mos.is dagana 8. - 18.
janúar. velja skal einn karl og eina konu. Úrslit verða kynnt
fimmtudaginn 22. janúar kl. 19 í Íþróttamiðstöðinni að Varmá.
Kraftlyftingakona ársins hjá
Kraftlyftingafélagi mosfellsbæjar
Auður Linda Sonjudóttir hefur stundað
kraftlyftingar í eitt ár með frábærum
árangri Hún hefur æft 4 til 5 sinnum
í viku. Á sínu fyrsta móti þann 7.
september var hún stigahæst allra
keppenda með 315,4 Wilks stig. Þar
lyfti hún 100 kg í hnébeygjum, 50 kg í
bekkpressu og 100 kg í réttstöðulyftu
samanlagt 250 kg,
Auður er þegar orðin ein af bestu
kraftlyftingakonum Íslands og verður
ánægjulegt að fylgjast með ferli hennar
á komandi ári. Auður bætti sig um 25 kg
í samanlögðu á Gamlársmóti Kraftlyft-
ingafélags Mosfellsbæjar þegar hún
lyfti 275 kg í samanlögðu í -52 kg flokki.
Framtíð hennar er björt og ljóst er að
hún verður í fremstu röð á Íslandsmót-
inu sem fram fer í apríl
Auður Linda Sonjudóttir kraftlyftingakona
Íþróttakona Aftureldingar 2014
Zaharina byrjaði að stunda blak 12 ára
gömul í Búlgaríu og hefur því stundað
blak í 22 ár í Búlgaríu, Færeyjum og
á Íslandi með Þrótti Nes, HK og nú
Aftureldingu. Zaharina kom til liðs við
blaklið Aftureldingar haustið 2011 þegar
félagið steig sín fyrstu skref í efstu deild
Íslandsmótsins. Á þeim þremur árum
sem Zaharina hefur leikið með Aftur-
eldingu hefur hún verið fyrirliði liðsins
og einn okkar sterkasti leikmaður. Hún
hefur verið stór hluti af þeirri heild sem
lið Aftureldingar er og er vel liðin innan
hópsins og utan hans.
Zaharina hefur einnig spilað með lands-
liði Íslands og hefur leikið alls 11 leiki
fyrir Íslands hönd. Hún er í forvalshóp
fyrir Íslenska blaklandsliðið sem tekur
þátt í Smáþjóðaleikum í Reykjavík 2015.
Sem einstaklingur er Zaharina metn-
aðarfull og skipulögð þegar kemur að
íþróttinni og í þeim verkefnum sem hún
hefur tekið að sér. Zaharina átti drjúgan þátt í árangri liðsins veturinn 2013-2014
þegar liðið varð Íslands- og deildarmeistari 2014 í blaki kvenna.
Zaharina filipova filipova blakkona
Hestaíþróttakona Harðar 2014
Aðalheiður er fædd árið 1989 og hefur
stundað hestamennsku frá unga aldri.
Hún tileinkaði sér snemma agaða
og fágaða reiðmennsku. Aðalheiður
er meðal fremstu knapa Harðar í
unglinga- og ungmennaflokki. Hún lauk
tamningamanns- og reiðkennaraprófi
frá Háskólanum á Hólum.
Aðalheiður var á árinu valin af dóm-
urum á World ranking mótum á lista
yfir þá knapa sem sýnt hafa bestu
reiðmennskuna á íslenska hestinum
um heim allan. Hún stundar fágaða og
létta reiðmennsku, fær það besta út
úr hverjum hesti og er góð fyrirmynd
þegar kemur að reiðstíl og ásetu.
Aðalheiður keppti í Meistaradeild VÍS
með góðum árangri.
Hún tók þátt í öllum mótum hjá Herði,
var alltaf í úrslitum og tók einnig þátt
í öllum stórmótum sem haldin voru
á Íslandi árið 2014, m.a. Landsmóti
hestamanna þar sem hún var með með sex hross. Framúrskarandi árangur í
sýningu kynbótahrossa. Hæst dæmda litförótta hross í heiminum frá upphafi .
Aðalheiður Anna Guðjónsdóttir hestaíþróttakona
Bæjarbúum gefst kostur á, ásamt aðal- og varamönnum
í Íþrótta- og tómstundanefnd, að kjósa íþróttakarl og
íþróttakonu Mosfellsbæjar 2014.
Skotfimikona
ársins 2014
Íris Eva er skotíþróttakona úr Skotfélagi
Reykjavíkur. Íris setti nýtt Íslandsmet
á sterku alþjóðlegu móti í Hollandi 7.
febrúar 2014 með fínu skori, 409,4 stig.
Íris keppti á ofangreindu móti í Hollandi
og endaði þar í 9. sæti af 31 keppanda.
Hún var hársbreidd frá því að komast í
úrslit á sínu fyrsta stórmóti en aðeins
munaði 0,1 stig á henni og þeirri sem
komst í úrslitin.
Hún keppti einnig á heimsmeistaramót-
inu í Granada á Spáni í september og
hafnaði þar í 108. sæti af 130 keppendum.
Íris sigraði á öllum innlendum mótum
sem hún tók þátt í á árinu og er ríkjandi
Íslandsmeistari í sinni grein, loftriffli.
Hún náði meistaraflokksárangri á öllum
þeim mótum sem hún tók þátt í á árinu
en það skor miðast við Ólympíulág-
markið (MQS 392,0 stig) í hennar grein.
Íris er nú í lok árs númer 166 á styrk-
leikalista Alþjóða skotsambandsins og númer 150 á lista Skotsambands Evrópu.
Hún er fyrsta íslenska konan til að ná sæti á þessum listum frá upphafi.
Íris Eva Einarsdóttir skotfimikona