Mosfellingur - 08.09.2006, Blaðsíða 4

Mosfellingur - Fréttir, bæjarmál og aðsendar greinar4
Sunnudaginn 20. ágúst síðastlið-
inn einhvern tíma milli kl. 15 og 16
hlekkist flugvél á í flugtaki á Leirvogs-
tungumelum. Flugvélin virðist annað
hvort hafa misst afl í flugtaki eða
flugmaðurinn gert einhver afdrifa-
rík mistök með þeim afleiðingum
að flugvélin sveigir frá til vinstri og
lendir út í Leirvogsá á móts við Segul-
mælingastöð Raunvísindastofnunar
Háskóla Íslands.
Um 100 metrum handan við stöð-
ina voru á sama tíma um 50 krakkar
að sparka fótbolta. Ef flugvélin hefði
lent á hópnum hefði það haft skelfi-
legar afleiðingar sem sjálfsagt enginn
hefði viljað upplifa.
Nú er spurning: Getur rekstur
flugvallar og íþróttasvæðis farið sam-
an við þær aðstæður sem eru á Tungu-
bökkum? Hvaða reglur gilda um
öryggissvæði um flugvelli á borð við
þann sem er á Tungubökkum?
Þegar flugbrautin var lögð á sínum
tíma fyrir um 20 árum þá var það
vegna einnar eða tveggja flugvéla sem
nokkrir Mosfellingar áttu. Í þá tíð var
sveitarfélagið Mosfellssveit fremur
fámennt og byggðin minni. Nú skipta
flugvélarnar víst tugum og vinsælt
meðal flugáhugamanna að hafa sína
aðstöðu þar. Síðan er vaxandi byggð í
Mosfellsbæ að teygjast smám saman
í norður, nú með nýbyggingasvæði í
landi Leirvogstungu. Á næstu áratug-
um má reikna með byggð í Reykjavík
norðan Leirvogsár og Vogarins.
Er t.d. réttlætanlegt að hafa
íþróttasvæði í næsta nágrenni við
flugvöll sem e.t.v. á eftir að stækka?
Spurning er því hvernig flugstarfsemi
samræmist sjónarmiðum varðandi
flugöryggi og ýmsu sem máli skiptir í
nútímasamfélagi, hávaða, sjónmeng-
un o.s.frv. Margir Mosfellingar hafa
ama af flugi þeirra sem sýna af sér
nokkra léttúð sérstaklega á fögrum
sumardögum.
Mér finnst fyllsta ástæða til þess
að Bæjarstjórn Mosfellsbæjar skoði
þetta mál mjög rækilega og móti ein-
hverja framtíðarsýn í þessu máli áður
en það kann að verða of seint. Öryggi
bæjarbúa er mikilvægt og spurning
hvort ekki sé nú þegar of mikil starf-
semi komin á Tungubakka.
Flugöryggi á Tungubökkum
Guðjón
Jensson
skrifar um öryggi
á Tungubakka-
flugvelli
Mikill fjöldi fólks lagði leið sína á
útimarkað Varmársamtakanna í Ála-
fosskvos á laugardag. Streymdi fólk
alls staðar að í kvosina og tæmdust
básarnir af vörum löngu áður en loka
átti markaðnum. Mikil stemning skap-
aðist meðal gesta og hafði gamal-
gróinn Mosfellingur á orði: „Nú vitum
við hvar hjartað slær í Mosfellsbæ”.
Fjölbreytt vöruúrval var á mark-
aðnum og kom mannfjöldinn sölu-
aðilum í opna skjöldu. Karmelsystur
úr Hafnarfirði sögðu t.d. að gestir
hefðu sýnt framleiðslu þeirra mun
meiri áhuga en á Menningarnótt í
Reykjavík og voru skátarnir sem sáu
um veitingasölu í sjöunda himni yfir
viðskiptunum. Grænmeti og rósir frá
Dalsgarði og Reykjum seldust upp á
örskammri stundu og sömu sögu er
að segja um reyktan silung frá Útey,
vestfirskan harðfisk og sunnlensk-
ar kartöflur sem Varmársamtökin
seldu til styrktar starfinu. Handmálað
portúgalskt postulín vakti mikla
aðdáun gesta og sömu sögu er að
segja um antikmuni frá Antikhúsinu
við Skólavörðustíg og vörur unnar úr
tré frá Ásgarði, vinnustað fatlaðra í
Álafosskvos.
Varmársamtökin sem eru íbúa- og
umhverfissamtök í Mosfellsbæ kynntu
stefnuskrá sína og baráttumál og
segir talsmaður samtakanna, Sigrún
Pálsdóttir, að sérstaklega ánægjulegt
hefði verið að upplifa hversu mikinn
áhuga fólk sýndi baráttu Varmársam-
takanna gegn lagningu tengibrautar
um Álafosskvos. Ennfremur að ljóst
sé af frábærum undirtektum að Ála-
fosskvos er sá staður í Mosfellsbæ
sem hafi hvað mest aðdráttarafl og
löngu sé tímabært að gera slíka úti-
markaði að fastri venju í bæjarlífinu.
Varmársamtökin vilja koma
þakklæti á framfæri til allra sem lögðu
hönd á plóginn við að gera þennan
skemmtilega viðburð að veruleika
og bjóða nýja félaga hjartanlega vel-
komna í samtökin.
F.h. Varmársamtakanna
Sigrún Pálsdóttir
„Nú vitum við hvar hjartað slær í Mosfellsbæ!”
Dalbúar vilja bætt umferðaröryggi
Nýlega söfnuðu fulltrúar Dal-
búa, undir forsvari þeirra Þóru Sig-
urþórsdóttur og Signýjar Jóhannsdótt-
ur, undirskriftum þar sem hvatt var til
þess að sett yrði upp hringtorg á mótum
Þingvallavegar og Vesturlandsvegar
og að settar yrðu upp hraðahindranir í
Mosfellsdalnum sjálfum. Þær Þóra og
Signý gengu síðan á fund Sturlu Böð-
varssonar samgöngumálaráðherra og
afhentu honum listann og ræddu við
hann um stöðu mála. Hann ætlar að
skoða málið sögðu þær bjartsýnar að
fundinum loknum.
Sturla sagðist meta þetta framtak
þeirra Þóru og Signýjar. Hann sagði
að áskorunin yrði send áfram í ker-
finu og kynnt fyrir Vegagerðinni og
samgönguráði sem vinnur að end-
urskoðun samgönguáætlunar og
að þessi hluti Vesturlandsvegarins,
frá Mosfellsbæ að Hvalfjarðargöng-
um verði sérstaklega skoðaður með
ökuhraða og öryggi í huga.
Að sögn Þóru og Signýjar gekk
undirskriftasöfnunin framar von-
um og skrifuðu allir þeir undir sem
náðist í. Alls 180 íbúar dalsins 17 ára
og eldri skrifuðu sig á listann. Þær eru
að vonum ánægðar með viðtökurnar
og vonast eftir viðbrögðum sem fyrst.
Dalbúum finnst öryggi sínu ógnað
daglega á þessari fjölförnu leið og
krefjast breytinga nú á.
Sturla Böðvarsson samgöngumálaráðherra tekur við undirskriftalistanum úr
höndum Þóru Sigurþórsdóttur og Signýjar Jóhannsdóttur